Қазақша рефераттар

Қозыкүрең Сабақтың мақсаты

Әдебиет сабағы Бекіту сабағы Сұрақ-жауап • Іздендіру

Сабақтың тақырыбы: «Қозыкүрең»

Білімділік

Өтілген тақырып бойынша алған білімді жинақтап, бекіту.

Дамытушылық

Оқушыларды адал достыққа, сыйластыққа, мәрттікке баулу.

Тәрбиелік

Ой-өрісін, тіл байлығын дамыту, ұтқырлыққа тәрбиелеу.

Көрнекіліктер: кеспе қағаздар, сызбалар.
Форматы: ұйымдастыру • үй жұмысы • жаңа тақырып • бекіту • қорытынды.

Сабақ барысы

I. Ұйымдастыру кезеңі

  • Оқушыларды түгендеу.
  • Сынып тазалығын тексеру.
  • Сабаққа дайындықтарын пысықтау.

II. Үй тапсырмасын сұрау

1) Қабдеш Жұмаділовтың өмірі (хронологиялық кесте)

Жыл Болған оқиға
1936 Шыңжаң өлкесінің Тарбағатай аймағы, Малдыбай ауылында дүниеге келді.
1956 Қытай үкіметінің жолдамасымен Алматыға келіп, ҚазМУ-дың филология факультетіне оқуға түсті. Екі ел арасындағы саяси ахуалға байланысты 2-курстан кейін кері шақырылды.
1958–1962 Қытайда қуғын-сүргінге ұшырады.
1962 Қытай шекарасын бұзып өткен қазақ көшінің қатарында атамекенге оралып, оқуын қайта жалғастырды.
1965 Оқу орнын тәмамдады.
1965–1967 «Қазақ әдебиеті» газетінде қызмет етті.
1967–1976 «Жазушы» баспасында қызмет етті.
1981 Мемлекеттік баспалар комитетінде қызмет атқарды.
1998 «Қазақстанның Халық жазушысы» атағы берілді.

2) Шығармашылық жолын пысықтау

Автордың шығармашылық кезеңдерін және негізгі еңбектерін сұрақ-жауап арқылы нақтылау.

III. Жаңа тақырыпты меңгерту

1) «Кластер» әдісі

«Жылқы — малдың патшасы» мақалына кластер құрастыру. Оқушылар жылқыға қатысты мақал-мәтелдерді жинақтайды.

Жылқыға қатысты мақал-мәтелдер

  • Ер қанаты — ат.
  • Жаман жолдастан таяғым артық, жаман аттан аяғым артық.
  • Ер басына күн туса, етігімен су кешер; ат басына күн туса, ауыздықпен су ішер.
  • Жақсы ат — жанға серік.
  • Жаман атқа жал бітсе, жанына торсық байлатпас.
  • Байтал шауып бәйге алмас, құнан шауып құр қалмас.
  • Сырын білмеген аттың сыртынан жүрме.
  • Түйе — байлық, қой — мырзалық, жылқы — сәндік.

2) «Түртіп алу» әдісі

Оқушылар мәтінді өз бетінше оқып, негізгі ойды түртіп алады. Кейін жұпта және топта талқылайды.

3) Мәтінмен жұмыс

Шығармадан мақал-мәтелдерді теріп жазып, олардың идеялық мағынасын түсіндіру.

4) Бекітуге дайындық

Кейіпкерлер, оқиға желісі және көтерілген мәселелер бойынша сұрақтарға жауап беруге бағыттау.

Бекіту сұрақтары

Төмендегі сұрақтар оқушылардың мәтін мазмұнын түсінуін, ой қорытуын және дәлелдеп сөйлеуін тексеруге арналған.

  1. 1. Әңгімеде қырғыз-қазақ достығының үлгісін көрсететін кейіпкерлер кімдер? (Ералы, Жұмақан, Абығай, Төреғұл)
  2. 2. Ералы мен Жұмақанды жақындастырған қандай оқиға?
  3. 3. Әңгімеде сөз болатын ашаршылық қазақ елінің басынан қай жылдары өтті?
  4. 4. Әңгімедегі кейіпкерлерді атаңыз.
  5. 5. «Қозыкүрең» оқиғасын әңгімелеп отырған кімдер?
  6. 6. Саяқбай Қозыкүреңнің қашуға дайындалып жүргенін қай әрекетінен байқады?
  7. 7. Қанша уақыттан кейін Қозыкүрең туған жеріне оралды?
  8. 8. Жатып қалған Қозыкүреңді тұрғызу үшін Саяқбай қандай ем жасады?
  9. 9. Саяқбайдың жануарды арулап көмуін қалай түсінесіз?

Қорытынды және үй тапсырмасы

Сабақты қорытындылау

Туған елдей ел болмас, туған жердей жер болмас.

Мақалдың мәні арқылы туған жерге құрмет, елге сүйіспеншілік идеясы бекітіледі.

Үйге тапсырма

«Мен де бір перзентімін туған жердің» тақырыбына ой толғау жазу.

Жазба жұмысына бағыт

  • Туған жер ұғымын өз тәжірибеңізбен байланыстырыңыз.
  • Мақал-мәтел немесе дәйексөз қолдануға болады.
  • Қорытынды ойды нақты, қысқа түйіндеңіз.