Алға қаласы

Сабақтың тақырыбы

Туған жер — алтын бесігім.

Сабақтың мақсаты

Балалардың туған жерге деген сүйіспеншілігін арттыру.
Сөздік қорын молайту, ойлау қабілетін дамыту.
Еңбекқорлыққа, адамгершілікке, парасаттылыққа тәрбиелеу.
Қазақстанның кейбір қалаларымен таныстыру.

Ертеңгілік шеңбер

Армысың, қайырымды аспан ата!

Армысың, мейірімді жер-ана!

Армысың, бақ-дәулетті жерім менің!

Армысың, асқар тауым, көлім менің!

Армысың, балабақша, дос-жаран!

Армысыңдар, апайлар!

Күн тәртібіндегі сұрақтар

Қазір жылдың қай мезгілі?: Күз мезгілі.
Күз мезгілінде неше ай бар?: Үш ай: қыркүйек, қазан, қараша.

Отан туралы әңгіме

Бүгін балалармен бірге Қазақстан картасымен танысып, Отанымыз туралы білімімізді еске түсіреміз.

Сұрақ-жауап

Біз қай мемлекетте тұрамыз?: Қазақстан Республикасында.
Қазақстан Республикасының Президенті кім?: Н. Ә. Назарбаев.
Қазақстан Республикасының астанасы қай қала?: Астана қаласы.
Біздің облысымыз қалай аталады?: Ақтөбе облысы.
Өзіміз тұратын қала қалай аталады?: Алға қаласы.

Негізгі ой

Туған жерді сүю — сезім ғана емес, тану, түсіну және қорғау жауапкершілігі.

Оқушылар қалалар мен табиғи-өндірістік ерекшеліктер арқылы елдің байлығын, еңбектің мәнін ұғынады.

Қазақстан қалаларына саяхат

Еліміздің кең байтақ жері — ырыс пен берекенің мекені. Карта арқылы бірнеше қаламен танысамыз.

Астана

Елорда — заманауи қала. Мұнда әртүрлі өндіріс пен қызмет көрсету салалары дамыған.

Алматы

Бас қала ретінде танымал. Алматының аты апорт алмасымен де кеңінен таныс.

Қарағанды

Көмірімен белгілі. Кен өндірісі — аймақтың маңызды тірегі.

Қызылорда

Күріш өсіруімен аты шыққан, еңбек пен берекенің өңірі.

Қазақстанның өзге қалалары

Балалардың жауаптары: Атырау, Ақтау, Орал, Ақтөбе.

Қалалардың ерекшеліктері

Атырау

Атырауда мұнай алғаш өндірілген. Мұнай — қара түсті сұйық. Мұнайдан бензин және керосин алынады.

Ақтау

Ақтауда газ өндіріледі. Газды күнделікті тұрмыста пайдаланамыз: үй жылытамыз, тамақ пісіреміз.

Орал

Оралда мал шаруашылығы дамыған. Мұнда қаймақ, май, айран сияқты өнімдер өндіріледі.

Ақтөбе

Ақтөбеде бидай өсіріледі. Бидайдан ұн аламыз, ал ұннан нан, макарон, печенье жасалады.

Практикалық жұмыс: балалар суреттерді тиісті орындарға орналастырады.

Сергіту сәті

Ойын: «Кім тапқыр?»

Қимыл-қозғалыс пен шапшаң ойлауға арналған сергіту ойыны.

Туған қала — Алға

Нақтылау сұрақтары

Біздің туған жеріміз қай қала?: Алға қаласы.
Алға қаласының әкімі кім?: Тағымов Марат Мырзағалиұлы.

Елестету сәті

Көзімізді жұмып, туған қаламызды елестетейік.

Туған жерді сүю — парыз,
Сүю үшін — білу парыз.
Қасиетін ұғу — парыз,
Күзетінде тұру — парыз.

Туған жерге арналған өлең шумақтары

Көгінде күн нұрын төккен,
Жерінде гүл жұпар сепкен.
Неткен сұлу, неткен көркем,
Осы менің туған өлкем.

Нұрлы

Алтын астық даласы бар,
Ақ күмістей қаласы бар.
Неткен сұлу, неткен көркем,
Осы менің туған өлкем.

Әділет

Туған жер — сәніміз,
Мәуесі мол бағымыз.
Саясында жетілер,
Балдай бала шағымыз.

Әділбек

Тәрбиеші: «Жарайсыңдар, балалар!»

Күтпеген қонақ

Оқиға желісі

Осы сәтте есік қағылады. Топқа саяхатшы кіріп келеді.

Диалог

Саяхатшы: Сәлеметсіздер ме, балалар! Мен өмір бойы жер шарын аралап жүрмін, бірақ сіздердің қалаларыңызда әлі болып көрмеппін. Қаланың көрнекті жерлерімен танысқым келеді, алайда картам ашылмай тұр. Маған көмектесесіңдер ме?

Тәрбиеші: Көмектесеміз бе, балалар?

Балалар: Иә!