Қазақша рефераттар

Тізбек бойынша сөз тіркесін жазу

Сабақ туралы мәлімет

Оқу орны

Атырау облысы, Жылыой ауданы, №23 жалпы орта білім беретін мектеп (мемлекеттік мекеме)

Мұғалім

Оңайбаева Күләш Самарқанқызы

Пән / Сынып

Қазақ тілі, 7-сынып

Сабақ тақырыбы

Сөздердің байланысу тәсілдері

Мақсат пен күтілетін нәтиже

Жалпы мақсат

Оқушыларды ізденіске бағыттай отырып, жаңа ақпаратты өз күшімен игеруге баулу.

Оқыту нәтижесі

  • Тақырыпты өз бетімен түсіну.
  • Топта жұмыс істеуге дағдылану.
  • Ойын еркін, нақты жеткізе білу.

Негізгі идея

Өз білімін және сыныптастарының білімін саралап, бағалай білуге үйрену.

Әдіс-тәсілдер мен ресурстар

Модульдер, стратегиялар

  • Модульдер: 1, 2, 3, 4, 6, 7
  • «Жигсо» (1, 2), топтастыру стратегиясы
  • Топтық жұмыс, эссе

Құрал-жабдықтар

  • Әртүрлі фигуралар (дөңгелек, үшбұрыш, төртбұрыш, ромб)
  • Слайдтар, перфокарталар
  • Кәмпиттер, постер, стикерлер және т.б.

Тапсырмалар тізімі

  1. 1 Тақырыпты зерттеп оқып, түсіну.
  2. 2 Сөздердің байланысу түрлеріне мысал келтіру.
  3. 3 Тізбек бойынша сөз тіркестерін жазу.
  4. 4 Оқулықпен жұмыс.
  5. 5 Эссе жазу: «Туған жер — алтын бесік».

Сабақ барысы

1) Ұйымдастыру кезеңі

Оқушыларды сабақтың ұстанымымен таныстыру.

Сабақ ұстанымы (Абай)

Өзің үшін үйренсең,

Жамандықтан жиренсең,

Ашыларсың жылма-жыл.

Біреу үшін үйренсең,

Біреу білмей, сен білсең,

Білгеніңнің бәрі — тұл.

2) Психологиялық ахуал

Оқушылар бір-біріне жылы лебіз білдіріп, жақсы тілектер айтады.

3) Топқа бөлу

Әртүрлі фигуралар арқылы (дөңгелек, үшбұрыш, төртбұрыш, ромб) оқушылар 4 топқа бөлінеді.

4) Үй тапсырмасын тексеру

1-топ

Сөз тіркесі дегеніміз не?

2-топ

Сөз тіркесі қандай сыңарлардан тұрады?

3-топ

Есімді сөз тіркесі дегеніміз не?

4-топ

Етістікті сөз тіркесі дегеніміз не?

5) Жаңа сабақ

«Сөздердің байланысу тәсілдері» тақырыбының тақырыпшалары 4 топқа бөлініп беріледі. Әр топ мәтінді мұқият оқып, түсініп, өзара талқылайды. Кейін постерге түсіріп, мысалдар келтіріп, басқа топтарға түсіндіреді.

1-топ

Сөздердің жалғау арқылы байланысуы

2-топ

Сөздердің шылау арқылы байланысуы

3-топ

Сөздердің орын тәртібі арқылы байланысуы

4-топ

Сөздердің интонация арқылы байланысуы

1-тапсырма

Әр топ сөздердің байланысу түрлеріне байланысты 5 мысалдан сөйлем құрастырады. Оқушылар өзін-өзі бағалап, бағалау парағын толтырып отырады.

2-тапсырма

Тізбек бойынша 10 сөз тіркесін жазу:

1-топ

Зат есім + зат есім

2-топ

Сын есім + зат есім

3-топ

Сан есім + зат есім

4-топ

Зат есім + етістік

Қорытынды бөлім

Оқулықпен жұмыс жасалып, тақырып бекітіледі. Сабақ соңында «Туған жер — алтын бесік» тақырыбында эссе жазылады.

Ескерту

Толық нұсқасын жүктеу (мәтіндегі белгі ретінде берілген).