Қазақша рефераттар

Слайдтарды безендіру

Жаңа сабақ: презентация және PowerPoint

Сабақ интербелсенді тақта арқылы көрсетіледі. Мақсат — ақпаратты қабылдау мен есте сақтаудың тиімділігін арттыру үшін көрмелерді (презентацияларды) жоспарлау, жасау және өңдеу жолдарын түсіндіру.

Көрме (презентация) — диафильмге ұқсас, бірақ қазіргі ақпараттық технологияларды (компьютер, проектор және тиісті бағдарламалық қамтамасыз ету) қолдану арқылы дайындалатын, слайдтардан тұратын қысқа әңгіме. Слайдтар жобаның мазмұнын суреттер, сызбалар және әсерлер (эффектілер) арқылы көрнекі түрде ұсынады.

PowerPoint-та жұмыс кезеңдері

  • 1-қадам
    Бағдарламаны іске қосу
  • 2-қадам
    Слайдты безендіру
  • 3-қадам
    Слайдтарды қосу
  • 4-қадам
    Слайдтардың ауысуын баптау
  • 5-қадам
    Слайдты немесе толық презентацияны қарау
  • 6-қадам
    Графиктік бейнелерді енгізу
  • 7-қадам
    Музыка, дыбыс, бейнеклиптерді енгізу
  • 8-қадам
    Презентацияны сақтау

1) Бағдарламаны іске қосу

PowerPoint бағдарламасын іске қосу үшін төмендегі қадамдарды орындаңыз:

  1. 1Пуск батырмасын шертіңіз.
  2. 2Контекстік мәзірден Программы бөлімін таңдаңыз.
  3. 3Программы ішінен Microsoft PowerPoint таңдаңыз.
  4. 4Маустың сол жақ батырмасымен шертіңіз.
  5. 5Бағдарлама терезесі ашылады.

2) Слайдтарды безендіру

PowerPoint-та слайд дизайнын қолданудың бірнеше түрі бар. Безендіру үшін дайын қалыптарды (шаблондарды) пайдалануға болады.

Жылдам жол: Пішім (Формат) → Слайдтарды безендіру (Оформление слайда).

Безендіруді қолдану тәртібі

  • Басты мәзірден Формат батырмасын шертіңіз.
  • Применить оформление командасын таңдаңыз.
  • Дизайны презентаций ішінен қажеттісін белгілеңіз.
  • Терезенің оң жақ шетіндегі үлгіні қарап, таңдауыңызды нақтылаңыз.
  • Применить батырмасын басыңыз.

3) Слайдтарды қосу

Презентацияға жаңа слайд қосу немесе слайдтар арасына слайд кірістіру үшін Слайдтарды сұрыптау режимін пайдаланыңыз: терезенің сол жақ шетіндегі батырма арқылы немесе мәзірден Вид → Сортировщик слайдов.

Курсорды қажетті орынға апарып шертіңіз — ол тік сызық ретінде көрінеді. Содан кейін Вставка → Создать слайд командасын таңдаңыз. Жаңа слайдты қалауыңызша безендіре аласыз.

4) Слайдтардың ауысуын баптау

  • Мәзірден Показ слайдов → Переход слайда таңдаңыз.
  • Қажетті эффектілерді таңдап, ауысу түрін орнатыңыз.
  • Продвижение бөлімінде тиісті жалаушаны белгілеңіз.

5) Слайдты немесе толық презентацияны көру

Дайын слайдтарды көрсетудің екі тәсілі бар:

  1. 1 Терезенің сол жағындағы батырма — таңдалған (ерекшеленген) слайдтан бастап көрсетеді.
  2. 2 Показ слайдов → Показ — бірінші слайдтан бастап көрсетеді.

6) Графиктік бейнелерді енгізу

Графиктік бейнелер Word-тағы сияқты енгізіледі:

  1. 1Вставка → Рисунок таңдаңыз.
  2. 2Суреттің көзін таңдаңыз: Картинки немесе Из файла.

7) Музыка, дыбыс және бейнеклиптерді енгізу

Слайдтарға музыкалық және дыбыстық эффектілерді, сондай-ақ бейнеклиптерді енгізуге болады. Қажетті файлды таңдап, Енгізу (Вставка) арқылы слайдқа орналастырасыз.

Дыбысты файлдан енгізу

  1. 1Вставка → Фильм и звук таңдаңыз.
  2. 2Звук из файла (Файлдағы дыбыс) командасын таңдаңыз.
  3. 3Ашылған сұхбат терезеден қажетті дыбыс файлын таңдаңыз.
  4. 4Дұрыстығын тексеру үшін Воспроизвести батырмасын шертіңіз.
  5. 5Барлығы дұрыс болса, Вставить батырмасын басыңыз.

Дыбысты баптау

Дыбыс белгішесін слайдтың көрінбейтін жағына орналастыруға болады. Қайта ашу үшін белгішені екі рет шертіңіз.

Мәзір жолы: Показ слайдов → Настройка анимации. Тыңдау параметрлерін, мысалы, уақыт қойындысында орнатыңыз: Время → Анимация → Включить → По щелчку → OK.

8) Презентацияны сақтау

Презентация дайын болған соң оны сақтаңыз:

  1. 1Басты мәзірден Файл → Сохранить как таңдаңыз.
  2. 2Имя файла өрісіне презентация атауын жазыңыз.
  3. 3Папка бөлімінен сақтау орнын таңдаңыз да, Сохранить батырмасын басыңыз.

Нәтижесінде көрсетілген қалтада презентацияға қатысты файлдар сақталады.