Жеңіске арналған плакаттар, тақырып жазылған билборд
Іс-шара туралы мәлімет
Өтетін орны
Қызылорда облысы, Қазалы ауданы, Қазалы ауылы, №100 мектеп
Тәлімгер
Пшанова Айгүл Әбубәкірқызы
Тақырыбы
«Жеңіске рух берген әндер»
Мақсаты
- Оқушыларға патриоттық тәрбие беру; елін, жерін, Отанын сүюге және қадірлеуге баулу.
- Патриоттық әндерді орындау шеберлігін арттыру.
Көрнекіліктер
Жеңіске арналған плакаттар, тақырып жазылған билборд.
Кіріспе. Жеңістің рухы — әнде
Бабалар мұра еткен елдігіне,
Тамсандырған ағалардың ерлігіне.
Қан төгіп, жан қиған Ұлы Жеңіс —
Бүгінде 65 жасқа толды міне.
Әлемге той деп бүгін жар саламыз,
Қонақтарды құрметпен қарсы аламыз.
Төрлетіңдер, достарым, төрлетіңдер,
Жеңіс күні — біз бүгін ән саламыз.
Армысыздар, құрметті көрермен қауым, ата-аналар, ұстаздар және оқушылар! 9 мамыр — Ұлы Жеңістің 65 жылдығына арналған «Жеңіске рух берген әндер» атты патриоттық ән байқауын ашық деп жариялауға рұқсат етіңіздер.
Сіздерді 9 мамыр — Жеңіс күні мерекесімен құттықтаймыз! Отбасыларыңызға қуаныш, дендеріңізге саулық, еңбектеріңізге жеміс тілейміз.
Құттықтау сөз
Келесі құттықтау сөз Майлыбас ауылдық округінің әкімі ________________ ағайға беріледі.
Ардақты елім, кең елім,
Құтты болсын мерекең.
Ырыс көктеп жеріңде,
Арта берсін берекең.
Байқау тәртібі
Әділқазылар алқасы
- 1 ________________
- 2 ________________
- 3 ________________
Бағалау өлшемі
Байқауда әннің орындалу шеберлігі ескеріледі. Ұпай нәтижесі бірден хабарланады.
Ұпай және орындар
- Жоғары ұпай
- 10
- Төмен ұпай
- 5
Көп сөзге салынбай, жоспардан аспайық. Ән шырқап, би билеуден қашпайық. Ендеше, рұқсат етсеңіздер, кешімізді бастаймыз!
Өнер бағдарламасы
Би
Таңданайық өнерге, тамсанайық! Ортаға биші Бақнұрды қарсы алайық. Шабыттансын, көңіл көтерілсін — өнерліні мадақтап жар салайық!
«Отаным менің — кең байтақ Қазақстан»,
Аман өткен талай дүлей азаптан.
Бар әлемді өз аузына қаратқан,
Кім бар, қане, артық дейтін қазақтан?!
Ән: «Отаным»
Орындайтын: 5-сынып оқушысы
Жырлайды сені жел жұпар шашқанда,
Жырлайды көктем гүлдерін ашқанда.
Тұрасың сен мәңгі жас болып жүректе,
Жүресің сен мәңгі ән болып аспанда.
Өлең: «Мәншүк»
Орындайтын: 6 «А» сынып оқушысы
Сен неткен Отан — анам, ғажап едің,
Әспеттеп көркем тілмен жазар едім.
Болашақ ұрпағының бақыты үшін,
Жайнай бер, Ұлы Отан — Қазақ елім!
Өлең: «Қазақстан елі»
Орындайтын: 9 «Б» сынып оқушысы
Бойда қызу қан ойнаған жігерлі,
Қаһарманы заманымның бұл енді.
Отан даңқы — мұрат үшін қажетті,
Сарбаздар — елдігімнің тірегі!
Ән: «Сарбаздар»
Орындайтын: 7 «Б» сынып оқушысы
Көк байрағым желбірейді елімде,
Қалықтасын қыран құсы көгімде.
Ашық аспан — бейбітшілік бейнесі,
Әуелесін Қазақстан жерінде.
Ән: «Атамекен»
Орындайтын: 9 «А» сынып оқушысы
Армысың, ата-қоныс, атамекен,
Киелі, қасиетті туған өлкем.
Саған деген сезімім, сағынышым
Жыр болып төгіледі жүрегімнен.
Өлең: «Мәншүк туралы жыр»
Орындайтын: 6 «А» сынып оқушысы
Қыр қызы орындады берген антты,
Халқына адал болу — ердің салты.
Елі үшін қасық қанын аямаған,
Жүректе мәңгі өшпейді Мәншүк аты.
Өлең: Туған жер туралы
Орындайтын: 10-сынып оқушысы
Саған жырдан сый арнағам,
Қиял құсын қуған жерім.
Туған жерін сүйе алмаған,
Сүйе алар ма туған елін!
Ән: «Саржайлау»
Орындайтын: 10-сынып оқушысы — ________________
Орындау: «Саржайлау»
Тәуелсіздік пен елдік туралы ән-жырлар
Өлең: Елге үндеу
Халқым менің! Саған қарап жұбанам,
Тарих беті — қатар-қатар бұралаң.
Талай зардап, қайғы-мұңның соңынан,
Егемендік алғаныма қуанам.
Ән: «Егеменді ел — Қазақстан»
Орындайтын: 6 «Б» сынып оқушысы — ________________
Орындау: «Егеменді ел — Қазақстан»
Өлең туралы ой
Туғанда дүние есігін ашады өлең,
Өлеңменен жер қойнына кірер денең.
Өмірдегі қызығың бәрі — өлеңмен,
Ойлансаңшы бос қақпай, елең-елең.
Ән: «Катюша»
Орындайтын: 8 «А» сынып оқушысы
Орындау: «Катюша»
Қазақта жоқ бір ауыз ән салмаған,
Қай қазақта әншісін қарсы алмаған.
Кенжебектей баламыз ән шырқаса,
Жан бар ма екен қызығып тамсанбаған.
Ән: «Қазақ жігіттері»
Орындайтын: қатысушылар тобы
Аспанда күн жарқырап күліп тұрды,
Бейбіт өмір шаттығы тұнып тұрды.
Соғыстан соңғы сәби күлкісімен,
Қара күндер қайғысын ұмыттырды.
Ән: «Синий платочек»
Орындайтын: 10-сынып оқушысы — ________________
Орындау: «Синий платочек»
Ән: «Сарбаздар»
Орындайтын: 8 «Б» сынып оқушысы
Батыр болған бабалар,
Ел бастаған даналар.
Байтақ жерге жау тигізбес —
Қазақтың сарбаздары!
Ән: «Астана»
Орындайтын: 9 «А» сынып оқушысы
Астанам — нұрлы астанам,
Гүл жайнаған жас қалам.
Егеменді елімді
Болашаққа бастаған.
Өлең: Көк Ту туралы
Орындайтын: 9 «Б» сынып оқушысы
Көптен күткен көк Байрақ желбіреді,
Күннің көзі көктемдей елжіреді.
Мұнан ыстық, жалын-от бар ма сірә,
Отан — әнмен жүрегім тербеледі.
Ән: «Ақ көгершін»
Орындайтын: қатысушылар
Бейбітшілік — жанымыздың гүл саясы,
Шешек атқан ырғақ — ол әннің аясы.
Көгершіндей қанат қаққан үніміз —
Жүректерде жаңғырар татулық баяны.
Ән: «Тәуелсіз Қазақстан — елім менің»
Орындайтын: қатысушылар тобы
Кең байтақ, көз жетпейтін жерім менің,
Таулы орман, жасыл жайлау, көлім менің.
Бүгінде бар әлемге даңқың жетті,
Тәуелсіз Қазақстан — елім менің!
Қорытынды
Осымен байқауымыз өз мәресіне жетті. Әділқазылар алқасына сөз беріледі.
Ұлы Жеңістің 65 жылдығына арналған «Жеңіске рух берген әндер» атты патриоттық әндер байқауы аяқталды.