Қазақстан Республикасының президенті кім
Тақырыбы
Сынып сағаты: «Мен өз Отанымның патриотымын!»
Мақсаты
- Оқушыларды Отанды сүюге, құрметтеп қастерлеуге, өз елінің тарихын білуге тәрбиелеу.
- Танымдық белсенділікті арттыру, қызығушылықты дамыту.
- Балалардың Отанға деген мақтаныш сезімін, патриоттық рухын күшейту.
- «Патриот» ұғымының терең мәнін түсіндіру.
- Патриоттық, эстетикалық және адамгершілік тәрбие беру, өз ойын еркін жеткізе алатын тұлға қалыптастыру.
Көрнекілігі
Негізгі идея
Отан — әр адамның жүрегіне жылы тиетін қасиетті ұғым. Ол — туған жер, туған ел, отбасы, дос-жаран, адам өмір сүріп, еңбек ететін мекен.
Отан біреу-ақ. Сондықтан оны анаға теңейді: ана қалай қорғаса, Отан да адамға күш беріп, қолдап-қорғайды.
Барысы
1) Ұйымдастыру: «Отан» деген не?
Отан дегенді әркім әрқалай түсінеді. Бұл сұраққа жауапты өлең жолдары арқылы да ашуға болады:
Көп ауызынан түспейтін,
Отан деген немене?
Оның тұлға-түс кейпін,
Досым, білгің келе ме?
Оқушылардың жауаптары (өлең шумақтары)
Айжарқын
Отан дейміз от жаққан жерімізді,
Отан дейміз өсірген елімізді.
Отан дейміз туған жер, атамекен —
Биік тау, орман, тоғай, көлімізді.
Айханым
Отан дейміз кең-байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ,
Ол бірақ өз үйіңнен басталады.
Аяулым
Отан — тарих, Отан — тіл,
Жасаған елің, өз халқың.
Отан — өлең, Отан — жыр,
Көтерген көкке ел даңқын.
Әли
Отан — сенің ата-анаң,
Отан — досың, бауырың.
Отан — өлкең, астанаң,
Отан — аудан, ауылың.
Динара
Отан — осы, достарым,
Көңілге мұны түйе біл!
Отан деп өс, жас қауым,
Оны ардақтап, сүйе біл!
2) Мұғалім сөзі
Отан ұғымы
Отан — әр адамның жүрегіне жылы тиетін қасиетті сөз. Ол — туған ел, туған жер, дос-жаран, туған-туыс. Отан — адамның өмір сүретін, білім алатын, еңбек ететін, қызмет ететін ортасы.
Отан адам үшін біреу-ақ. Сондықтан Отанды анаға теңейді: Отан адамды қорғайды, қолдайды, күш береді. Біз Отанымызды, елімізді сүйеміз.
Біздің Отанымыз
Біздің Отанымыз — Қазақстан Республикасы. Сан ғасырлар бойы ата-бабаларымыз жерін жаудан қорғап, бүгінгі ұрпаққа аманат етіп жеткізді.
Қазақстан жер көлемі бойынша әлемде 9-орында тұр.
Қазақстанның қалалары
Қазақстанда ірі әрі көрікті қалалар көп. Мысалы:
Елорда
Қазақстанның елордасы — Астана. Ол Есіл өзенінің жағасында орналасқан. Бүгінде Астана қаласын бүкіл әлем таниды.
Мемлекет сипаты
Қазақстан — тәуелсіз, егеменді, көпұлтты мемлекет. Мұнда қазақтармен қатар орыстар, ұйғырлар, өзбектер, корейлер, украиндер және басқа да ұлт өкілдері тату-тәтті, бірлікте өмір сүреді.
Мемлекеттік тіл
Қазақстан Республикасының мемлекеттік тілі — қазақ тілі. Қазақ тілін білу — әрбір қазақстандық азаматтың борышы.
Қорытынды ой
Мен өз Отанымның патриотымын! Патриот болу — туған жерді сүю, ел тарихын құрметтеу, бірлікті сақтау және білім мен еңбек арқылы Отанға адал қызмет ету.