Қазақша рефераттар

Абсцисса тобына

Сабақтың құрылымы және өткізу барысы

Бұл сабақта оқушылар координаталық жазықтықтағы негізгі ұғымдарды қайталап, нүктелерді координаталары бойынша салуды тәжірибе арқылы бекітеді.

Командалық жұмыс Қайталау + бекіту Тест және тапсырма

I. Ұйымдастыру бөлімі

  • а) Оқушылармен амандасу.
  • ә) Сыныпты топқа бөлу, топ басшыларын сайлау.
  • б) «Шаттық шеңбері» арқылы сабақты бастау.

Шаттық шеңбері

Қуанамын мен де,
Қуанасың сен де,
Қуанайық, достарым,
Арайлап атқан күнге.

II. Өткенді қайталау: «Ой толғау»

Қысқа сұрақ-жауап арқылы негізгі анықтамалар еске түсіріледі.

Сұрақ Дұрыс жауап
1) Тік бұрышты координаталар жүйесі орналасқан жазықтық қалай аталады? Координаталық жазықтық
2) Берілген нүктенің координаталары деп нені айтамыз? Абсцисса және ордината
3) Абсцисса осі мен ордината осінің қиылысу нүктесі қалай аталады? Координаталар басы
4) Координаталар осьтері жазықтықты 4 бөлікке бөледі. Оларды қалай атаймыз? Ширектер

III. «Ой толғаныс»: оқулықпен жұмыс

«Абсцисса» тобы

№1220 есеп

«Ордината» тобы

№1230 (1) есеп

IV. «Кім жылдам?» — суретшілер сайысы (карточкамен жұмыс)

Топ басшыларына берілген координаталар бойынша нүктелерді белгілеп, сурет шығару тапсырмасы ұсынылады.

«Абсцисса» тобы (ұшақ)

Нүктелерді ретімен қойып, сызықтармен қосыңыз.

Карточка

а)

(-7; 0), (-5; 2), (7; 2), (9; 5), (10; 1), (10; 5), (9; 0)

ә)

(0; 2), (5; 6), (7; 6), (4; 2)

б)

(0; 1), (6; -3), (8; -3), (4; 1)

«Ордината» тобы (құс)

Нүктелерді ретімен қойып, тұйық сызықпен аяқтаңыз.

Карточка

A(0; 0), B(-1; 1), C(-3; 1), D(-2; 3), E(-3; 3), Ж(-4; 6), З(0; 8), K(2; 5), L(2; 11), O(6; 10), M(3; 9), N(4; 5), Н(3; 0), T(3; -8), П(1; -8), A(0; 0)

V. «Кім тапқыр?» — нүктенің ширегін анықтау

Берілген нүктелердің қай ширекте орналасқанын анықтаңыз.

(5; -2) (3; 4) (-1; 2) (-7; -3) (5; 1) (-9; -1) (6; -4) (2; 7)

VI. «Ойлан, тап!» — ұжымдық сайыс

Ардақ координаталық жазықтықта белгіленген нүктелердің координаталарын жазды. Ол координаталарды дұрыс көрсетті ме?

A(-2; 4), B(2; 3), C(-5; 0), D(4; 1), E(0; 2), F(3; -3), K(-6; -4), P(-7; 3), S(3; -7), R(-3; -6)

VII. Сергіту сәті: ашық тест

Ереже

Сұраққа тек «дұрыс» немесе «дұрыс емес» деп жауап беріңіз.

Ұран: «Көп ойланып, аз сөйле.»

«Абсцисса» тобы

  1. Өзара қиылыспайтын түзулер перпендикуляр деп аталады. Дұрыс емес
  2. Вертикаль сызылған координаталық ось ордината деп аталады. Дұрыс
  3. Қиылысатын түзулер — параллель түзулер. Дұрыс емес
  4. Шаршының 5 қабырғасы бар. Дұрыс емес
  5. II ширектегі таңбалар жұбы: (-; +). Дұрыс

«Ордината» тобы

  1. Координаталық жазықтықта 4 ширек бар. Дұрыс
  2. Түзуге берілген нүктеден бірнеше перпендикуляр түзу жүргізуге болады. Дұрыс емес
  3. Перпендикуляр түзулердің ортақ нүктелері жоқ. Дұрыс емес
  4. Горизонталь сызылған координаталық ось абсцисса деп аталады. Дұрыс
  5. IV ширектегі таңбалар жұбы: (-; +). Дұрыс емес

VIII. Қорытындылау және бағалау

Қорытынды

Оқушылар координаталық жазықтықтың негізгі ұғымдарын қайталап, нүктелерді координаталары бойынша салу және ширектерді анықтау дағдыларын бекітеді.

Бағалау

Бағалау парағы бойынша топтық және жеке жұмыс нәтижелері есепке алынады.

IX. Үй тапсырмасы

Үй тапсырмасы мұғалімнің нұсқаулығына сәйкес беріледі (оқулықтағы сәйкес тақырып және қосымша тапсырмалар).