Қазақша рефераттар

Мыналар бұның сабағы және бұтағы

Ұйымдастырылған оқу іс-әрекетінің технологиялық картасы

Білім беру саласы

Қатынас

Бөлімі

Қоршаған ортамен таныстыру

Тақырыбы

Бөлме гүлдері: кактус

Мақсаты мен міндеттері

Мақсаты: бөлме гүлдерімен таныстыруды жалғастыру, кактус туралы түсінікті кеңейту.

БМ (Білімдік міндет)
Бөлме гүлі — кактуспен таныстыру.
ДМ (Дамытушылық міндет)
Есте сақтауын, қиялын және ойлау қабілетін дамыту.
ТМ (Тәрбиелік міндет)
Бөлме гүлдеріне қамқорлық жасауға тәрбиелеу.

Билингвалдық компонент

—

Сабақ барысы

1) Әрекетті туындату, түрткі болу

Жылулық шеңбері

Алақанды ашайық,
Күннің шуағын салайық.
Таза ауадан салайық,
Мейірімділік шоғын салайық.
Жүрек жылуын салайық.
Жиналған жылу шуағын
Қонақтарға шашайық.

Балалардың әрекеті

  • Тәрбиешімен бірге жылулық шеңберін жасайды.

2) Ұйымдастыру, ізденіс жүргізу

Балалар, бәріміз топтағы гүлдермен амандасайық.

Сұрақ: Неліктен адамдар бөлме гүлдерін өсіреді?

Түсіндіру: Гүлдер бөлменің ауасын тазартады, кейбір аурулардың алдын алуға пайдалы, әрі үйді әсемдейді.

Сұрақ: Адамдар бөлме гүлдерін қалай күтіп-баптайды?

  • Уақтылы суару.
  • Жарыққа дұрыс орналастыру.
  • Топырағын қопсыту, шаңын сүрту.
  • Өсімдікке ұқыпты қарау.

Бүгін бізге қонаққа Асем атты қуыршақ келді. Ол үйінде бөлме гүлін күтіп жүріп, саусағына кактустың тікенін кіргізіп алыпты. Сондықтан кактусқа жақындағанда абай болу керек.

Тапсырма: Үстел үстіндегі кактустың сабағын, бұтағын, жапырағын көрсетейік.

Сабақ

Негізгі бөлігі, бөшкеге ұқсас.

Бұтақ

Сабақтан тарайтын бөлімдері.

Жапырақ

Кактуста ине түріне айналған.

Мағлұмат: Кактус ыстық шөлді аймақтарда өседі. Ол кішкентай бөшкеге ұқсайды. Кактустың жапырақтары инеге айналған. Кактустар гүлдейді, гүлі өте әдемі болады.

Сұрақ: Қалай ойлайсыңдар, кактус инелерімен қандай жануарға ұқсайды?

Балалардың жауабы: Кірпіге ұқсайды.

Асем қуыршақ сендерге қонаққа келгеніне өте қуанышты. Сендердің қастарыңда отырып, қолына кірген тікенді де ұмытып кетіпті. Енді ол үйіне қайтады — бәріміз «сау бол» деп қоштасайық.

Балалардың әрекеті

  • Гүлдермен амандасады, олардың әдемілігін тамашалайды.
  • Асем қуыршақпен қоштасады.
  • Кактустың бөліктерін көрсетеді.
  • Сұрақтарға жауап береді.

Сергіту сәті

Менде үлкен үй,
Ал көжекте кішкентай.
Қонжық кетті үйіне,
Көжек болып секіре.

Қимыл-қозғалыс

  • Қолдарын көтереді.
  • Отырады, қолдарын түсіреді.
  • Орындарында жүріп қозғалады.
  • Секіреді.

3) Рефлексия және түзету жұмыстары

Күтілетін нәтиже: Біледі

Кактус — бөлме гүлі екенін біледі.

Күтілетін нәтиже: Түсінеді

Кактустың жапырақтары инеге айналатынын түсінеді.

Күтілетін нәтиже: Орындай алады

Бөлме гүлдеріне қамқорлық көрсете алады.