Қазақша рефераттар

Бос стақанға бірінші стақандағы суды құй

Сабақ: Су және судың қасиеттері

Автор туралы

Атырау қаласы, Талғайран негізгі мектебінің бастауыш сынып мұғалімі — Сариева Ақмарал Нұрымбетқызы.

Сабақ форматы

  • Түрі: жаңа материалды меңгерту
  • Әдістері: ой қозғау, сұрақ-жауап, топтастыру, миға шабуыл
  • Пәнаралық байланыс: ана тілі
  • Көрнекіліктер: суреттер, дидактикалық материалдар, кітапша, мультимедиа

Сабақтың мақсаттары

Білімділік

Оқушыларды судың қасиеттерімен таныстыру; практикалық жұмыс арқылы бақылау жасап, талдау жүргізу.

Дамытушылық

Ой-өрісті, сөйлеу мәдениетін және шығармашылық қабілеттерді дамыту.

Тәрбиелік

Табиғатты қорғауға, оны сүюге баулу; туған жер экологиясын сақтауға үлес қосу.

Ұйымдастыру және психологиялық дайындық

Топқа бөлу

  • І топ: «Адам өміріне не қажет?»
  • ІІ топ: «Ауа»

Ой қозғау

Тірі ағзалардың өмір сүруі үшін ауа қаншалықты қажет болса, су да соншалықты қажет.

Сұрақ:

Қатты қапырық ыстықта шөлдеген адамға ең алдымен не керек?

  • Тіршілік құбылыстарының көбі судың қатысуымен жүреді.
  • Ағзалардың денесі шамамен 30–90% суға дейін құралуы мүмкін.
  • Адам су ішпей 6–7 күн шамасында ғана шыдайды.

«Су» туралы ассоциациялар

  • Су — сұйық зат.
  • Аспаннан жауын түрінде түседі.
  • Күн суытқанда су қатты күйге айналады.
  • Су буға айналып, ұшады.
  • Бу — мөлдір, түссіз газ.

Практикалық жұмыс: тәжірибелер

Төмендегі тәжірибелер арқылы оқушылар судың негізгі қасиеттерін өз көздерімен байқап, қорытынды жасайды.

Тәжірибе №1: Судың пішіні

  1. Стақан алып, ішіне су құй.
  2. Суды әртүрлі ыдысқа құйып көр: су әр ыдыстың пішінін қабылдайды.

Қорытынды: судың нақты пішіні жоқ; қай ыдысқа құйылса, соның пішініне енеді.

Тәжірибе №2: Судың түсі

  1. Қызыл, жасыл, сары және ақ қағаздардан жолақтар дайында.
  2. Осы түстерді судың түсімен салыстыр.
  3. Суды «қызыл», «сары», «жасыл», «ақ» деп атауға бола ма?

Қорытынды: таза су түссіз.

Тәжірибе №3: Судың мөлдірлігі

  1. Стақандағы суға кез келген затты (мысалы, тиын) сал.
  2. Зат судың ішінен анық көріне ме?

Қорытынды: су мөлдір.

Ескерту: су әрдайым мөлдір көріне бермейді — қоқыс, қалдық және лай суын ластап, мөлдірлігін төмендетеді.

Тәжірибе №4: Судың дәмі

  1. Қант, тұз, лимонның дәмін сипатта (тәтті, ащы, қышқыл).
  2. Енді таза судың дәмін байқап көр.
  3. Суды «тәтті», «ащы», «қышқыл» деп айтуға бола ма?

Қорытынды: таза судың дәмі жоқ.

Тәжірибе №5: Судың иісі

  1. Ас дайындалып жатқанда тағамның иісі сезілетінін байқа.
  2. Гүлдің немесе әтірдің иісін салыстыр.
  3. Енді суды иіскеп көр: иісі бар ма?

Қорытынды: таза су иіссіз.

Тәжірибе №6: Судың ағуы

  1. Екі стақан ал: біреуі суға толы, екіншісі бос болсын.
  2. Суды бір стақаннан екіншісіне құй.

Қорытынды: су ағады.

Жалпы қорытынды: судың негізгі қасиеттері

  • Нақты пішіні жоқ
  • Түссіз
  • Мөлдір
  • Дәмі жоқ (таза су)
  • Иісі жоқ (таза су)
  • Ағады

Осылардың барлығы — судың өзіне тән қасиеттері. Су — тіршіліктің негізі, сондықтан оны қорғау әрқайсымыздың міндетіміз.

INSERT әдісі арқылы қорытындылау

Білемін Білгім келеді Не білдім?
Су — тіршілік көзі. Судың тағы қандай ерекшеліктері бар? Судың негізгі қасиеттерін және оны қорғаудың маңызын білдім.

Ой толғаныс: логикалық тапсырмалар

Тапсырма 1: Экспедицияға не аласың?

Сен достарыңмен бірге Айға экспедицияға баруға мүмкіндік алдың. Төмендегі заттардың қайсысын алар едің? Неліктен?

  • Қара көзілдірік
  • Бір қорап сіріңке
  • Фонарь
  • Жұлдызды карта

Тапсырма 2: Екі түйе

Жүк артқан екі түйе жолға шықты: біреуіне тұз, екіншісіне мақта артылған. Алдарында өзен ағып жатты. Түйелердің біреуі өзеннен әрең шықты.

Сұрақтар:

  • Қай түйе өзеннен әрең шықты?
  • Неліктен олай ойлайсың?

Қорытынды және тәлім сөздер

Нақыл сөздер

  • Суды босқа төкпе!
  • Сумен ойнама!
  • Бұлақ көрсең, көзін аш.
  • Судай таза бол.
  • Судан таза, сүттен ақ.

Еске сақтайық

  • Пішіні жоқ
  • Түссіз
  • Мөлдір
  • Дәмі жоқ
  • Иісі жоқ
  • Ағады

Үй тапсырмасы

  1. «Су қалай ластанады?» тақырыбына эссе жаз.
  2. Оқулықтың 27-бетін оқып, мазмұндап кел.