Мұғалімнің тапсырмасы атты жағдаят
Үздік ашық сабақтар бәйгесі
«Сенім – менің серігім»
Мақсат
Оқушылардың адамдардың бір-біріне деген сенімді қарым-қатынас жасауы туралы түсініктерін кеңейту.
Міндеттер
- «Сенім» ұғымының мән-мағынасын ашу.
- Замандастарымен сенімді қарым-қатынас құра білу қабілеттерін дамыту.
- Өзіне, өзгеге және қоғамға сенім білдіруге тәрбиелеу.
Әдістер
Сабақ әдістері
Әңгімелесу, талдау, ой толғау, сұрақ қою, пікір алмасу.
Қолданылатын тәсілдер
Интербелсенді тақтамен, тақтамен, дәптермен және оқулықпен жұмыс.
Құрал-жабдықтар
- Интербелсенді тақта
- Үнтаспа
- Дәптер
- Оқулық
- A4 қағаздары
- Түрлі-түсті бояулар
Құндылықтар мен қасиеттер
Құндылық
Дұрыс әрекет
Қасиеттер
I. Кіріспе бөлім
Сабақ жылы қарым-қатынас пен сенімді атмосфера құрудан басталады: музыка, бейнематериал және сұхбат арқылы тақырыпқа біртіндеп кіріспе жасалады.
1) «Шаттық шеңбері»
Мұғалім оқушыларға шеңбер құрып тұруды ұсынып, сабақтың жақсы көңіл-күймен басталуы үшін Р. Зайытов пен Л. Жолдасовтың «Сенім» әнін орындауды ұйымдастырады.
2) Бейнеролик
Оқушылар орындарына жайғасқаннан кейін мұғалім «Сенім» тақырыбындағы бейнероликті көрсетіп, сыни тұрғыдан ойлау арқылы мазмұнға назар аудартады.
3) Әңгімелесу
Қызығушылықты арттырып, тақырыпты нақтылау үшін мұғалім төмендегі сұрақтар бойынша сұхбат жүргізеді:
- «Сенім» деген сөзді қалай түсінесіңдер?
- Біреу сенім артқан сәтте қандай күйде боласыңдар?
- Қандай адамдар сенімге ие бола алады?
- Адамдардың барлығына сене беруге бола ма? Неге?
II. Негізгі бөлім
1) Жаңа ақпарат
Мұғалім оқушылардың өз күшіне, мүмкіндіктері мен қабілеттеріне сенуі мен өзге адамның білдірген сенімі арасындағы байланысты түсіндіреді.
Адамның өз-өзіне және өзгелерге сенім білдіруі өмірге деген үмітін, қызығушылығын арттырады. Өзіне сену адамның өз құндылығын түсініп, мүмкіндіктері мен қабілеттерін ашуға ықпал етеді.
2) Жағдаяттарды талдау
Ойды нақтылау үшін оқушылар бірнеше жағдаятты талдайды:
- Б. Тұрсынбаевтың «Жаңа дүкенде» әңгімесі бойынша
- «Мұғалімнің тапсырмасы» жағдаяты
- М. Гумеровтың «Сенім» әңгімесі бойынша
3) Шығармашылық жұмыс
Оқушылар «СЕНІМ» сөзінің әр әрпінен басталатын адамның жақсы қасиеттерін тізіп жазады. Тапсырма тақырыпты тереңірек түсінуге және жеке ой қорытуға бағытталған.
4) Дәйексөз
Мұғалім Мағжан Жұмабаевтың даналық сөзін ұсынады және оқушылардың пікірін тыңдайды:
«Жақын адамдардың, достарыңның, жалпы адамзаттың жақсылығына сеніп, адамдықты құрметтей білу – әдептіліктің, адамгершіліктің белгісі».
III. Қорытынды бөлім
Қорытынды бөлімде оқушылар бір-біріне жылы сөз айтып, сенім білдіру тәжірибесін сезінеді; соңында рефлексия жасап, келесі қадамдарын жоспарлайды.
1) «Жүректен жүрекке»
Мұғалім оқушыларды шеңберге шақырып, «Мен саған сенемін, себебі…» деп өз ойларын бір-біріне «Сенім» сөзі жазылған жүрекше шар арқылы жеткізуді өтінеді. Тапсырма аяқталған соң, мұғалім жүрекшелер таратып, оқушылардан сенім білдіретін адамға ізгі тілегін жазып, сыйлауды тапсырады.
2) Рефлексия
Мұғалім оқушылармен бірге сабаққа қорытынды жасайды. «Нені білемін?», «Не үйрендім?», «Нені білгім келеді?» сұрақтары бойынша ой жинақталады.
3) Үй тапсырмасы
«Сенім артамын…» тақырыбына эссе жазып келу.
Автор туралы
Павлодар облысы, Баянауыл ауданы, Баянауыл ауылы, Шәкен Айманов атындағы жалпы орта білім беру мектеп-интернаты.
Өзін-өзі тану пәнінің мұғалімі, жас маман — Серікбай Мадина Талғатқызы.