Рахмет достар
Кештің ашылуы
Жаңа жыл кешіне арналған бұл әзірлеме 7–11 сынып оқушыларына бағытталған. Мақсаты — мерекелік көңіл күй қалыптастыру, оқушыларды белсенділікке жұмылдыру және ортақ қуанышқа біріктіру.
1-жүргізуші
Аппақ бүгін қыр, далам,
Ақ дастарқан жапқандай.
Халық біткен қарбаласып,
Қонақ күтіп жатқандай.
2-жүргізуші
Көңілде көп қуаныш,
Әр жүректе — жақсылық.
Кетер жылға мың алғыс,
Әкелген көп жақсылық.
Құттықтау сөзі
1-жүргізуші: Құрметті қонақтар, ұстаздар және оқушылар! Келе жатқан Ұлу жылы мерекесі құтты болсын! Жаңа жыл әр шаңыраққа бақыт пен қуаныш әкелсін.
Кешімізді әнмен бастап, барлығымыз ортаға шығып, би билеп, көңілімізді сергітіп алайық. Ән: «Жаңа жыл».
Қатысушыларды таныстыру
2-жүргізуші: Жаңа жыл — ең қызықты, қуанышты әрі ерекше мереке. Бұл кешке мектебіміздің жоғары буын оқушылары қатысып отыр. Қазір аталған үстелдер орнынан тұрып, жаңа жылдық қошеметке ие болсын!
1-үстел: 10–11 сынып оқушылары
2-үстел: 9 сынып оқушылары
3-үстел: биыл ортамызға қосылған 8 сынып оқушылары
4-үстел: 7 сынып оқушылары
Ду қол шапалақ! Қошеметтеріңізді аямайық, достар.
Кештің ерекшелігі және ережелері
1-жүргізуші: Биылғы жаңа жыл кеші жылдағыдан ерекше. Ол Тәуелсіздігіміздің 20 жылдығымен тұспа-тұс келіп отыр. Бұл жолы өнерімізді сынып бойынша емес, үстел бойынша көрсетеміз.
Кеш соңында белсенділік танытқан үстелге ерекше сыйлық дайындалған.
Арнайы тапсырма: Аяз ата мен Ақшақарды шақыру
2-жүргізуші: Кешімізді бастамас бұрын әр үстелден бір оқушы ортаға шықсын. Ол желаяқ, сөзге шешен, тапқыр — яғни жан-жақты болсын. Себебі жаңа жылымыздың сәнін келтіретін Аяз ата мен Ақшақарды іздеп, тауып әкелу керек.
Тапсырма шарттары:
• Әр үстелден 1 оқушыдан — барлығы 4 оқушы шығады.
• Оларға хат беріліп, сол хатты Аяз ата мен Ақшақарға тапсыру қажет.
• Уақыт шектеулі: 15 минут.
• Сағат 17:00-де оларды ертіп келу керек.
• Таба алмаса, қайта оралып, үстелдеріне отырады.
Жолдарыңыз болсын! Іске сәт, достар!
Ойындар мен байқаулар
Конкурс №1: «Шармен би»
1-жүргізуші: Кешіміз одан әрі көңілді өтуі үшін ойын ойнайық. Ортаға әр үстелден 1 жұптан — 1 ұл және 1 қыз шақырамыз. (Барлығы 8 оқушы.)
Ойын шарты:
• Әр жұпқа 1 шар беріледі.
• Жұптар шарды араларына қыстырып, би билейді.
• Ән тоқтаған сәтте жұп бір-бірін құшақтап, шарды жаруы керек.
• Шарды қолмен жаруға болмайды — денемен қысып жару қажет.
• Шары бірінші жарылған жұп — жеңімпаз.
2-жүргізуші: Қатысқан жұптарға мың алғыс! Енді орындарыңызға отыра беріңіздер.
Қандай тату өздері,
Күлімдеп көздері.
Кәне, кәне, келіңдер,
Бір би билеп беріңдер.
Ортаға ................................... әнімен шақырамыз. Қалғандарымыз да ортаға шығып, бірге билейік.
Күтпеген сәт: Қонақтарды қарсы алу
1-жүргізуші: Рахмет, достар. Орындарыңызға жайғасыңыздар. Біз межелеген уақыт таяп қалды. Ал біздің барлаушыларымыз қайда екен?
(Іздеп кеткен оқушылар оралады. Біреуі дауыстап:)
«Мен таптым! Мен таптым! Біздің кешіміздің құрметті қонақтарын алып келе жатырмын!»
2-жүргізуші: Міне, міне, мен жақсы хабар естіген сияқтымын. Сіздер ше?