Есепті шешу

Сабақ тақырыбы

2-ге көбейту және бөлу

Сабақтың мақсаты

Білімділік

Оқушылардың 2 санына қатысты кестелік көбейту және бөлу бойынша білімдері мен біліктерін бекіту.

Дамытушылық

Математикалық білім арқылы интеллектіні дамыту; есептеу машықтарын жетілдіру; өздігінен жұмыс істеуге, жеке және топтық жұмыста шапшаңдық танытуға үйрету.

Тәрбиелік

Өзін-өзі басқаруға, ұжымда белсенді болуға тәрбиелеу; жауапкершілікті сезіне білуге дағдыландыру.

Сабақтың түрі

Қайталау сабағы.

Әдісі

Басқара отырып түсіндіру.

Көрнекіліктер

Алгоритм құруға арналған кестелер
Бағалау карточкалары
Көңіл күй көрсеткіштері
Үй суреті

Сабақтың барысы

1) Алғашқы кезең

Балалардың зейінін сабаққа аудару.
Сабақтың түрі мен мақсатымен таныстыру.
Дәптерлерін жұмысқа дайындау.

2) Жаңа сабақ

Алгоритм дегеніміз не?

Алгоритм — белгілі бір әрекетті орындау үшін алдын ала құрылған нұсқаулар (бағдарлама) тізбегі.

Бүгінгі идея: «Үй салу алгоритмі»

Бүгін біз үй салудың алгоритмін құрамыз. Қазіргі уақытта үй салудың маңызы жоғары: қаламызда жаңа үйлер салынып жатыр, ипотека мүмкіндіктері кеңейіп келеді. Үйіміз дұрыс әрі әдемі болып салынуы үшін алгоритмдегі әр қадам бойынша тапсырмаларды ретімен орындауымыз қажет.

1-алгоритм: Құрылыс материалдарын сатып алу

Арифметикалық диктант

2×2 = 4

10×2 = 20

90×1 = 90

8×0 = 0

1×2 = 2

100×2 = 200

7×1 = 7

0×800 = 0

2-алгоритм: Фундамент құю

Оқулықтағы №1 тапсырманы орындаймыз. Есеп шығарудың өзіндік алгоритмі бар — соны пайдаланып, берілген есептерді шығарайық. Шартын, шешуін және жауабын салыстырып талдаймыз.

Есеп шығару алгоритмі

Есеппен танысу.
Есептің не туралы екенін анықтау.
Белгілі және белгісіз шамаларды анықтау.
Есептің шартын және сұрағын ажырату.
Дәптерге есептің шартын жазу.
Есепті шешу.
Жауабын жазу.

Берілгені

Дархан: 16 ұпай
Дәурен: ?

Сұрағы

Дәурен неше ұпай жинады?

Ескертпе

«2 есе кем» дегеніміз — берілген санды 2-ге бөлу.