Қазақша рефераттар

Бағалау критерийлері

Қысқа мерзімді жоспар · 9-сынып · Қазақ тілі

Сабақ тақырыбы: Сөйлеу стилі

Бұл жоспар 9-сынып оқушыларының сөйлеу стилін танып, оның негізгі белгілерін (лексикалық, фонетика-морфологиялық және синтаксистік) мысалдар арқылы талдап үйренуіне бағытталған.

Оқу мақсаттары

  • Т6

    Орта көлемді пікірталастарды, сұхбаттарды, дәрістерді тыңдайды; көтерілген мәселенің түйінін түсінеді.

  • О4

    Мәтіндердің стилін және жанрлық ерекшеліктерін салыстырып, талдау жасайды.

Бағалау критерийлері

  • Жаңа тақырып бойынша түсіндірілген мысалдарды есте сақтайды және таниды.
  • Берілген мысалдарды түсіндіреді, қайта құрастырады және көрсетеді.
  • Талдау барысында білімін дәлелді түрде көрсетеді.

Сабақ мақсаты (деңгейлер бойынша)

Барлық оқушы орындай алады

  • Негізгі тірек сөздерді атайды.
  • Сөйлеу стилінің ерекшеліктерін меңгереді.

Оқушылардың көпшілігі орындай алады

  • Бір-біріне сұрақ қойып, сұрақтарға жауап береді.
  • Стиль түрлерін ажыратады.

Кейбір оқушылар орындай алады

  • Ұсынылған мысалдардағы сөздердің мағынасы мен тілдік ерекшелігін табады және жазады.

Сабақ барысы: Басы

  1. 1) Сәлемдесу

    Сабақты ұйымдастыру, көңіл күйді қалыптастыру.

  2. 2) Топқа бөлу (SMS-хабарлама арқылы)

    Сынып 3 топқа бөлінеді. Бөліну реті — туған күндеріндегі цифрларға байланысты.

    SMS мәтіні

    9-сынып оқушылары, бүгін қазақ тілі сабағында 3 топқа бөлініп отырыңыздар. Бөліну реті: туған күндеріңіздегі цифрға байланысты.

  3. 3) Үй тапсырмасын тексеру («Сиқырлы таяқша» әдісі)

    ОЖСБ-ға дайындық тақырыбы: сан есім.

    Сұрақтар

    • Сан есім дегеніміз не?
    • Құрамына қарай нешеге бөлінеді?
    • Тұлғасына қарай нешеге бөлінеді?
    • Мағыналық түрлері нешеу?
    • Мысал келтіре аласың ба?

    Дескриптор

    Сұрақтарға дұрыс жауап береді.

    Бағалау

    Нәтиже үлгерім кестесіне енгізіледі.

  4. 4) Жаңа сабақты түсіндіру

    Дескриптор

    • Дәрісті мұқият тыңдайды.
    • Жаңа ақпаратты дәптеріне жүйелі түрде жазады.

Сабақ барысы: Ортасы

Мысалдармен жұмыс

«Ойлан · Жұптас · Бөліс» әдісі бойынша оқушылар мысалдарды оқып, талдайды. Тапсырма: асты сызылған сөздердің ерекшелігін анықтау.

  1. 1. Саңырау – құлағының мүкісі бар, соқыр – көзі көрмейтін адам, өсекші – қосып айтатын адам.

    Ерекшелік

    Сөйлеу стилінің лексикалық ерекшелігі: эвфемизм сөздер.

  2. 2. Басың қағыр – басың қалғыр, кеп отыр – келіп отыр, боп па – болып па.

    Ерекшелік

    Сөйлеу стилінің фонетика-морфологиялық ерекшелігі: дыбыстарды түсіріп айту.

  3. 3. – Атың кім? – Кімсің? – Адаммын.

    Ерекшелік

    Сөйлеу стилінің синтаксистік ерекшелігі: диалог.

  4. 4. Меніңше, бүгін Алматыда жаңбыр жауады.

    Назар

    Бұл сөйлемде жеке пікір (бағалау, болжам) білдіретін қолданыс бар.

  5. 5. – Балақай, сурет сала білесің бе?

    Ерекшелік

    Сөйлеу стилінің фонетика-морфологиялық ерекшелігі: оқшау сөздерді қолдану.

  6. 6. Уау, қандай күшті! Оһо, би деп осыны айт. А-а-а-а, құладым, ұстаңдар!

    Ерекшелік

    Сөйлеу стилінің экспрессивті-эмоционалды қолданыстары: одағайлар, көңіл күйді білдіретін сөздер.

Мұғалім туралы

Мұғалімнің аты-жөні

Акашаева Зияда Мирасовна

Тақырып

Сөйлеу стилі