Бүтін көрсеткішті дәреженің қасиеттері

Сабақтың мақсаты

• 1

  Бүтін көрсеткішті дәреженің қасиеттерін қолданып есептер шығару.

• 2

  Дәреже қасиеттерін есеп шығаруда қолдану машықтарын жетілдіру, өздігінен ізденуді күшейту.

• 3

  Оқушылардың пәнге қызығушылығы мен қатысу белсенділігін арттыру, еңбектенуге баулу.

Сабақтың құрылымы

1. 1. Ұйымдастыру кезеңі

   Оқушылармен амандасу, сабаққа дайындықты тексеру және сабақтың құрылымы туралы қысқаша түсінік беру. Сабақ «саяхат» форматында өтетіндіктен, мектеп қалашығынан білім қалашығына сапар шегеміз. Әр аялдамада тапсырмалар беріледі: оларды дұрыс орындасақ, білім қалашығына жетеміз.

2. 2. Үй тапсырмасын тексеру

   1-аялдама

   «Еңбек түбі – береке, көптің түбі – мереке» мақал-мәтелінің мағынасын түсіндірту.

   2-аялдама

   «Шапқан озар, жатқан қалар» мақал-мәтеліне байланысты қайталау сұрақтары:

   • Негіздері бірдей дәрежелерді қалай көбейтеміз?
   • Негіздері бірдей дәрежелерді қалай бөлеміз?
   • Дәрежені дәрежелеу ережесі.
   • Көбейтіндінің дәрежесі.
   • Бөлшектің дәрежесі.
   • Бүтін теріс көрсеткішті дәреже.

3. 3. Білімді бекіту (есептер шығару)

   3-аялдама

   «Асу бермес асқар жоқ»

   Оқулықпен жұмыс: №112, №113, №144.

4. 4. Сабақты қорыту

   4-аялдама

   «Жеті түрлі білім біл, жеті жұрттың тілін біл»

   Математикалық жұмбақтардың жауабын үш тілде айту.

   1) Жоқ өзінде бас та, қас та, мойын да, ұзындығы жазулы тұр бойында.

   Жауабы: сызғыш / линейка / a ruler

   2) Алды-артымыз шексіз де, жете алмайсың біздерге. Сәулеменен кесілді, шыққан тегін білсе де.

   Жауабы: түзу / прямая / straight line

   3) Нәрселерді санағанда, керек ол бізге ауадай. Айтыңдаршы бұл қандай сан, жан-жағыңа қарамай?

   Жауабы: натурал сан / натуральные числа / natural numbers

   4) Бірдей санды бірнеше рет көбейтуден тұрады. Егер оны ықшамдасаң, қандай атау болады?

   Жауабы: дәреже / степень / power

5. 5. Үй тапсырмасы

   Үй тапсырмасын беру және орындау талаптарын қысқаша түсіндіру.