Елімізде ет бағасы қымбаттауы мүмкін

Елімізде ет бағасы қымбаттауы мүмкін.
Елімізде ет бағасы қымбаттап, базарда бір келісі жеті доллардан, яғни 2300 теңгеден сатылуы мүмкін. Қытайға ет экспорты басталса, баға өседі деген ақпаратты бүгін Ауыл шаруашылығы министрлігі де растады. Ал Үкімет ең өтімді сиыр етін еліміздің 9 облысынан Қытайға жіберуге сақадай сай отыр. Жылына Ресейге 60 мың тонна ет экспорттамақ болған еліміз, енді Қытайға бет бұрып, оларға 50 мың тонна сатуды жоспарлап жатыр.

Етті экспорттауды ұзақ жылдар жоспарлаған Үкіметтің үміті жақын күндері ақталатын сияқты. Бүгін премьердің алдында баяндама жасаған Ауыл шаруашылық вице - министрі Қайрат Айтуғанов тоңазытылған сиыр етін Қытайға жіберуге кедергілердің жойылғанын жеткізді. Яғни, еліміздің 9 облысынан мал шаруашылығы өнімдеріне аусылға қатысты шектеу алынып, 5 өңірде вакцинациялау жүргізілуде. Енді екі ел арасындағы келісім аяқталса, жылына елімізден 50 мың тонна сиыр еті Қытайға жөнелтіле бастайды...

Алайда, ел ішінде мал өнімдерін экспорттау басталса, еттің бір келісі 7 долларға, теңгемен шаққанда 2300 теңгеге көтеріледі деген сыбыс шыға бастады. Бүгін осы ақпаратты ауыл шаруашылығы вице - министрінің өзі растады. Және шенеунік баға өссе мал өсіретін шаруалар да қуанады деп отыр...

Бағаның қымбаттайтынына шаруа қожалықтары қуанғанымен, сатушылар қуанып тұрған жоқ. Қазірдің өзінде базарда қымбатшылық, малдың құны аспандап тұр. Ал, экспортқа шығарсақ ішкі нарықта жетіспеушілік болып, ет шарықтап кетеді деп қауіптенеді...

Ал, Қытайға ет қандай бағамен экспортталатыны да әзірге белгісіз. Шенеуніктер өнімнің құны екі жақтың келісіміне байланысты болмақ деп отыр. Және етті тексеретін зертхана, жеткізетін көлік шығыны мен қосалқы салығы да есепке алынуы тиіс.

Дереккөзі: 31

Ұқсас жұмыстар

Қазақстан Республикасының инфляцияға қарсы саясаты туралы

Қазіргі кездегі инфляциялық үдеріс және инфляцияны реттеу әдістері

Инфляция: мәні, себептері және әлеуметтік-экономиклық зардаптары

Инфляция және Қазақстандағы инфляцияға қарсы саясат

Қазақстан Республикасының инфляциялық жағдайы және инфляциялық процесс

Қазақстан Республикасындағы инфляциялық жағдайды талдау

Қазақстандағы инфляциялық процесстер

«Қазақстан және дүниежүзі азық-түлік мәселесі»

Қазақстан Республикасындағы ауыл шаруашылығына инвестиция тарту механизімін жетілдіру жолдары

Инфляцияның мемлекеттік басқарудағы жолдары

Адамдар арасындағы қарым-қатынас және іс-әрекет психологиясы