Қазақша рефераттар

Алжапқыштың астыңғы кесінділерді өндеу

Сабақ тақырыбы

  • Алжапқыштың жоғарғы кесінділерін өңдеу
  • Алжапқыштың астыңғы кесінділерін өңдеу
  • Белдікті өңдеу
  • Қалталарды өңдеу және технологиясын түсіндіру

Сабақ түрі: тізбектелген (кезең-кезеңімен ұйымдастырылатын) сабақ.

Жалпы мақсат

Оқушыларды топта жұмыс жасау арқылы ынтымақтастыққа бейімдеу, танымдық әрекеттерін арттыру және технология сабағында кездесетін негізгі терминдермен таныстыра отырып, топпен жұмыс жасаудың маңызын түсіндіру.

Нақты мақсаттар

  • 1) Өлшем алу және ойлау дағдыларын дамыту

    Алжапқыштың өлшемін дұрыс табу, өлшем бірліктерін өз бетінше анықтау және есептеулер арқылы логикалық ойлауын дамыту.

  • 2) Пікір алмасу және жұмысты қорғау

    Жұппен және топпен талқылау арқылы өз ойын нақты жеткізуге, дәлелдеуге және орындалған жұмысты қорғауға мүмкіндік беру.

  • 3) Ой қозғау және өзіндік реттелу

    Өлшемдерді салыстыру, біріктіру және жоспар бойынша орындау арқылы тапсырманы өздігінен реттеп орындауға жетелеу.

Оқыту нәтижелері мен күтілетін дағдылар

Білу

  • Матаның құрылымын танып, негізгі қасиеттерін ажырату.
  • Оқулықпен жұмыс арқылы жаңа ақпаратты меңгеру.
  • Сәнді белдіктер түрлерін білу және салыстыру.
  • Қалтаны жасауға болатын маталар туралы түсінік қалыптастыру.

Түсіну

  • Матамен жұмыс істеу барысында орындалатын әрекеттердің мәнін түсіну.
  • Алжапқыштың астыңғы бөлігін өңдеу кезінде пішу мен көктеуді меңгеру.
  • Лекаломен жұмыс істеудің рөлін түсіну және қорытынды жасауға дағдылану.
  • Қалтаның қажеттілігін ұғыну және шығармашылық көзқарас қалыптастыру.

Қолдану

  • Алжапқыштың жоғарғы бөлігін өңдеу жұмыстарын жалғастырып, астыңғы бөлігін дайындау.
  • Алжапқышты пішудің қолайлы тәсілдерін қолдану.
  • Лекалолармен жұмыс тәсілдерін тәжірибеде пайдалану.
  • Белдіктің артқы және астыңғы бетін өңдеп, орындалған әрекеттерді талдауға дағдылану.

Талдау және жинақтау

  • Алжапқыш бөліктерін ажыратып, дұрыс орнына келтіре білу.
  • Үстіңгі және астыңғы бөлімдерді салыстырып, өңдеу жолдарын талдау.
  • Белдікті өңдеудің тиімді әдістерін анықтап, қолайлы тәсілді таңдауды үйрену.
  • Қалта түрлерінің алуан түрлілігін талдап, орнымен қолдана білу.
  • Матаны өңдеу бойынша алған білімді жүйелеп, алжапқыш пен қалтаны толық өңдеп шығару.

Бағалау

Формативті бағалау

Сабақ барысындағы кері байланыс, бақылау, толықтыру және қолдау.

Суммативті бағалау

Нәтижені қорытындылау: топтық, жұптық және жеке бағалау парақтары арқылы.

Топтық бағалау Жұптық бағалау Өзін-өзі бағалау Кері байланыс

Рефлексия бөлімі: «Мен айтқым келеді…» тақырыбы бойынша қысқа пікір жазу немесе ауызша бөлісу.