Үшінші аялдама

Сабақтың тақырыбы: 8 саны мен цифры

Сабақтың мақсаты

Балаларды 8 саны және 8 цифрымен таныстыру.
Сандарды тура және кері санауды пысықтау.
Ой-өрісін, ойлау қабілетін және математикалық тілін дамыту.
Ізденімпаздыққа, өз ойын анық жеткізе білуге тәрбиелеу.

Көрнекіліктер

Суретті плакат Шарлар Интерактивті тақта Әліппе-дәптер

Қысқаша құрылым

I.Шаттық шеңбері
II.Әңгімелесу және санауды қайталау
III.Жаңа сабақ: 8 саны мен цифры
IV.Ойындар мен бекіту тапсырмалары
V.Қорытындылау

I. Шаттық шеңбері

Өлең жолдары

Амансың ба, алтын күн,

Амансың ба, жер ана,

Амансың ба, достарым,

Сендерді көрсем қуанам!

II. Әңгімелесу

Сұрақ-жауап

Тәрбиеші:: Балалар, сендер пойызға мініп көрдіңдер ме?; Балалар: Иә, мініп көрдік.
Тәрбиеші:: Пойызға мінген ұнай ма?; Балалар: Әрине, ұнайды.
Тәрбиеші:: Бос уақыттарыңда теледидар көресіңдер. «Ғажайыпстанға саяхат» мультфильмімен де жақсы таныссыңдар. Осы мультфильмдегі басты кейіпкерлер кімдер?; Балалар: Елдос пен Аяжан.
Тәрбиеші:: Елдос пен Аяжан сендермен амандасады. Онымен бірге Ғажайыпстанға саяхатқа шыққыларың келе ме?; Балалар: Иә, шыққымыз келеді.

Тапсырма: тура және кері санау

Елдос пен Аяжан саяхатқа бірге шығу үшін тапсырма ұсынады. Дұрыс орындасаңдар, сендерді де өздерімен бірге алып шығады.

Тура санау

0, 1, 2, 3, 4, 5, 6, 7

Кері санау

7, 6, 5, 4, 3, 2, 1, 0

Нәтиже: Балалар дұрыс жауап берді. «Дайынсыңдар ма? Кеттік ендеше, саяхатқа!»

III. Жаңа сабақ: 8 саны мен цифры

1-аялдама: Маржан

Көрнекілікпен жұмыс

Маржан балаларға суреттер бойынша тапсырма береді. Балалар заттарды атап, әр заттың қасына тиісті цифрды жазады.

Суреттердегі заттар

Тостаған
Ойыншық машина
Алма
Теннис шары
Қарындаш
Мойын орағыш
Текше
Желім
Теннис қалақшасы

Тәрбиеші текшелерді санату арқылы 8 санын шығарып, оның цифрымен таныстырады.

Қосымша сұрақтар

Суретте қандай заттар бейнеленген?
Заттардың тобын атаңдар.

2-аялдама: Айдар

Талдау және топтау

Айдар балаларға күрделірек тапсырма ұсынады. Балалар мұқият ойланып орындайды.

Сергіту сәті

Оң қолымда бес саусақ,

Сол қолымда бес саусақ.

Алақанды ашамыз,

Бесті беске қосамыз.

Ойын: «Қонжыққа көмектесейік!»

Ойынның шарты:

1)Әр сөреде неше қыш құмыра барын анықтау.
2)Құмыраларды суреті бойынша, сондай-ақ түсі мен пішіні бойынша топқа бөлу.
3)Пішіні бірдей қыш құмыраларды анықтау.
4)Сөредегі бос орынға қандай құмыраны қою керектігін тауып, жапсыру жұмысын орындау.

3-аялдама: Құлыншақ

Жазылым және ойын

Дәптермен жұмыс

Әліппе-дәптердегі 8 цифрын үзік сызықтар арқылы бастырып жазады. 8 санының неге ұқсайтынын айтып, ауада жазып көрсетеді.

Ойын: «Адасқан сандар»

Ойынның шарты: балаларға 0, 1, 2, 3, 4, 5, 6, 7, 8 деп жазылған түрлі-түсті шарлар таратылады. Белгі берілген кезде балалар қолдарындағы шарларды ұстап, ретімен тізіліп тұруы керек.

0 1 2 3 4 5 6 7 8

IV. Сабақты қорытындылау

Қорытынды сұрақтар

Сұрақ
Бүгінгі сабақта қайда саяхатқа шықтық?
Сұрақ
Қандай санмен таныстық?
Сұрақ
8 санының құрамын кім айтады?

Қорытынды: Сабаққа белсенді қатысқан балалар мадақталады.