Батыр Баян поэмасының негізгі идеясы
Сабақ туралы мәлімет
Өтетін орны
Қызылорда облысы, Қазалы ауданы, Әйтеке би кенті, С. Сейфуллин атындағы №165 мектеп
Пән, сынып
Қазақ әдебиеті, 8-сынып
Мұғалім
Жанпейсов Қуаныш Сейтқұлұлы
Сабақ тақырыбы
Мағжан Жұмабаевтың «Батыр Баян» поэмасы
Жалпы мақсат
Білімділік
«Батыр Баян» поэмасының мазмұны мен идеясын деңгейлік тапсырмалар арқылы меңгерту.
Дамытушылық
Оқушылардың ой-қиялын еркін дамыту, шығармашылыққа баулу және өзге шығармалармен салыстыруға үйрету.
Тәрбиелік
Поэманың мазмұнын талдату арқылы адамгершілік құндылықтарды нығайту, Отанды, елді, жерді сүюге тәрбиелеу.
Оқу нәтижесі
Әр оқушының өзіндік ой-қиялына ерік бере отырып, шығармашылықпен жұмыс істеуіне жағдай жасау.
Ресурстар мен әдістер
Сілтеме
- Мұғалімдерге арналған нұсқаулық
- Қазақ тілі мен әдебиетін оқыту әдістемесі
- Үлестірме материалдар
Сабақта қолданылатын материалдар
- Интерактивті тақтамен жұмыс
- Үнтаспа тыңдату
Оқыту әдістері
Сабақ барысы: мұғалім мен оқушы әрекеті
Психологиялық ахуал қалыптастыру
Оқушылар назарына «Көңілді күн» бейнеролигі ұсынылады.
Қызығушылықты ояту: «Кім жылдам?»
Оқушылар ұяшықтардың бірін таңдайды. Осы тапсырма арқылы өткен тақырыптарды қайталап, жаңа сабақты меңгеруге негіз болатын сұрақтарға жауап береді.
Деңгейлік тапсырмалар
I деңгей: қайталау сұрақтары
- Мағжан Жұмабаев кім?
- Қандай өлеңдерін білесіңдер?
- «Батыр Баян» поэмасының негізгі идеясы қандай?
- «Батыр Баян» поэмасының мазмұнын қысқаша айтып беріңдер.
- Поэмадағы қандай оқиға немесе іс-әрекет сені ойландырды? Неліктен?
- Поэмаға қатысты өз көзқарасыңды білдір (пікіріңді дәлелде).
II деңгей: алгоритмдік саты (кейіпкерлер жүйесі)
Абылай хан
Данагөй басшы, айбынды батыр, халық қамқоры, ел тәуелсіздігін аңсаған хан.
Батыр Баян
Абылайдың сенімді серігі; өжет, ақылды, патриот. Поэмада опасыздық деп қабылдаған іс үшін бауырын атып өлтіреді.
Қалмақ қызы
Сұлу, қайсар, кекшіл, өжет, айлакер; туған жеріне және еліне адал.
Ноян
Батыр, махаббатына адал; алайда еліне және ағасына опасыздық жасайды, көрсеқызарлық танытады.
III деңгей: эвристикалық саты (композициялық құрылым)
- Кіріспе (экспозиция): Көкшетаудың табиғаты.
- Оқиғаның байланысы: Батырлардың бас қосуы.
- Шегініс: Батыр Баянның жорықтан қалмақ қызын алып келуі.
- Оқиғаның дамуы: Ноянның қалмақ қызына ғашық болуы.
- Оқиғаның өрбуі: Қыздың айласы.
- Оқиғаның шиеленісуі: Қос ғашықтың елден қашуы.
- Шарықтау шегі: Батыр Баянның екеуін атып өлтіруі.
- Шешімі: Батыр Баянның ерлікпен қаза табуы.
Қосымша тапсырма
Венн диаграммасы: Мағжан Жұмабаев және «Батыр Баян» поэмасы бойынша салыстыру.
Материалдың толық нұсқасы
Толық нұсқасын жүктеу (мектептің немесе мұғалімнің платформа/сілтемесі арқылы).