Сүйікті ойыншықтар

Оқу қызметі туралы мәлімет

Балалардың сүйікті ойыншықтары туралы әңгімелей алуын қалыптастыру.

Білімділік: сүйікті ойыншықтар туралы қысқа әңгіме құрастыруға үйрету; ойыншықтың атауын, түсін, қандай материалдан жасалғанын айту; жекеше және көпше түрлерін қолдану.
Дамытушылық: сөзді анық айтуға, дұрыс сөйлеуге баулу; сөздік қорын дамыту.
Тәрбиелік: ойыншықпен дұрыс ойнау ережелерін түсіндіру; ұқыптылыққа, әдептілікке тәрбиелеу.

Түрлі ойыншықтар және ойыншықтардың суреттері.

Көрсету, түсіндіру, сұрақ-жауап, әңгімелеу.

«Тәй-тәй» және АКТ технологиясы.

Қоршаған орта, сурет салу, құрастыру.

Тәрбиеші: «Балалар, қонақтармен амандасайық».

Тәрбиеші: «Оқу қызметін бастамас бұрын, жылдың қай мезгілі екенін еске түсірейік».

Бүгінгі ашық ұйымдастырылған оқу қызметінің тақырыбы: «Сүйікті ойыншықтар».

Тәрбиеші: «Балалар, мен сендерге бір өлең оқып беремін. Өлеңнің не туралы екенін айтып көріңдер».

Бізде бар қуыршақ,
Бұзау, қозы, құлыншақ.
Ойыншықтар да тыңдайды,
Ақыл айтсақ, бұйырсақ.

Өлең не туралы?

Қандай ойыншықтар аталды?

Сендер ойыншықтарды жақсы көресіңдер ме?

Тәрбиеші балаларға ойыншықтардың жасалуына қарай бірнеше түрге бөлінетінін түсіндіреді: жұмсақ, қатты (пластмасса), мата, ағаш, резеңке.

Есік қағылады. Қонаққа қолында сиқырлы таяғы және қорапшасы бар сиқыршы келеді.

Сиқыршы: «Сәлеметсіңдер ме, балалар!»

Тәрбиеші: «Сіз кімсіз?»

Сиқыршы: «Мен сиқыршымын».

Тәрбиеші: «Қолыңыздағы не?»

Сиқыршы: «Бұл — сиқырлы сандық. Ішінде не бар екенін өздерің табыңдар. Ол үшін мен сендерге жұмбақ жасырамын».

Аяғы бар — жүрмейді,
Аузы бар — күлмейді.
Айнымайды бөпемнен,
Тек сөйлеуді білмейді.

Сиқыршы: «Жарайсыңдар, балалар! Ендеше көздеріңді жұмыңдар».

«Алақай, алақай! Суф, суф! Енді көздеріңді ашыңдар!»

Сандықтан сүйікті ойыншықтар шығады. Балалар ойыншықтарды атап, түсін айтып, қандай материалдан жасалғанын сипаттайды.