Жүректен шыққан жылы сөздер

I топ: «Болашақ»

• 1) Балалы үй — базар, баласыз үй — қу мазар.
• 2) Атадан жақсы ұл туса, қар үстінде от жанар; атадан жаман ұл туса, ат үстінде ит қабар.
• 3) Ақ жаулығы ананың — ақ көрпесі баланың.
• 4) Ананың ойы ұяда, баланың ойы қияда.
• 5) Шәкіртсіз ұстаз — тұл.

II топ: «Білім»

• 1) Ата — бәйтерек, бала — жапырақ.
• 2) Балаңды бес жасқа дейін хандай көтер, он бес жасқа дейін құлдай жұмса, он бестен әрі онымен досыңдай ақылдас.
• 3) Атадан жақсы ұл туса, елінің қамын жейді; атадан жаман ұл туса, елінің малын жейді.
• 4) Жалғыз баласы атқа шапса, атасы ауылда тұрып тақымын қысады.
• 5) Күш — білімде, білім — кітапта.

III топ: «Бақыт»

• 1) Аш бала тоқ баламен ойнамайды, тоқ бала аш болам деп ойламайды.
• 2) Алты жасар бала алыстан келгенде, алпыстағы ақсақал сәлем берер.
• 3) Жақсы бала — сүйік, жаман бала — күйік.
• 4) Ағайын — алтау, ана — біреу.
• 5) Мектеп — білім тірегі, ұстаз — оның жүрегі.

IV топ: «Арман»

• 1) Балалық шағы — патшаның тағы.
• 2) Әдепті бала — арлы бала, әдепсіз бала — сорлы бала.
• 3) Әкесі құрдастың — баласы құрдас.
• 4) Бала тентек болатыны — үйінен, ердің тентек болатыны — биінен.
• 5) Білімі жоқ ұл — жұпары жоқ гүл.

Сергіту сәті

Түрлі түсті қағаздан қиылған кішкентай жүрекшелер таратылады. Ата-аналар жүрекшелерге баласын қалай еркелететінін, қандай мейірімді сөздер айтатынын — жүректен шыққан жылы тілектерін жазады.

Үлкен жүрек тақтаға ілінеді: ол — ата-ананың жүрегі. Ал кішкентай жүрекшелер — балалардың жүрегі. Әр қатысушы өз жазғанын оқып, үлкен жүрекке орналастырады.