Қазақша рефераттар

Бүгінгі сабақта мен қалай жауап берем деген ойдасыңдар

Ақтөбе облысы, Темір ауданы, №4 орта мектебі

Математика пәні мұғалімі: Тампилова Жайнагүл

5-сынып Аралас сабақ АКТ

Сабақтың тақырыбы

Ондық бөлшектерге амалдарды қолдану есептерін шығару

Сабақтың мақсаты

Ондық бөлшектерді бөлу амалы бойынша білімдерін пысықтау және жүйелеу.

Міндеттері

  • Тақырып бойынша білім, білік, дағдыларды жетілдіру.
  • Ой-өрісті кеңейтіп, көру және есту арқылы қабылдауын, танымдық қабілетін және белсенділігін дамыту.
  • Есепті талдап, қорытынды шығара білуге дағдыландыру.
  • Пәнге қызығушылықты арттыра отырып, математикалық сауаттылыққа, ұқыптылыққа, жауапкершілікке және өз бетінше жұмыс істеуге тәрбиелеу.

Сабақ формалары

Жеке, жұптық, топтық.

Әдіс-тәсілдер

Сұрақ-жауап, жартылай ізденушілік, бірін-бірі тексеру, деңгейлік оқыту.

Құралдар мен көрнекілік

Компьютер, интерактивті тақта, слайдтар, кеспе қағаздар, жетондар, АКТ, саралап оқыту технологиясы.

Оқу-әдістемелік негіз

Т. А. Алдамұратова, Е. С. Байшоланов. Математика. 5 класс. Жалпы білім беретін мектептің 5-сыныбына арналған оқулық. Алматы: Атамұра, 2015.

Сабақ жоспары

Сабақ құрылымы оқу әрекеттерін кезектестіре отырып, қайталау, бекіту және бағалауды қамтиды.

  1. 1

    Ұйымдастыру

    Оқушылармен амандасу, түгендеу.

  2. 2

    Үй тапсырмасын қайталау: «Үлкен шеңбер»

    «Қарлы кесек» ойыны арқылы өткен тақырыптардан сұрақ қойып, жауап беру.

  3. 3

    Графикалық диктант

    Мәлімдемелерге «иә» немесе «жоқ» деп жауап беру.

  4. 4

    Жұптық жұмыс: «Қатесін тап»

    Берілген амалдардағы қателерді анықтап, дұрыс шешімін ұсыну.

  5. 5

    Сергіту сәті

    Есте сақтау қабілетін дамытуға арналған қысқа сұрақ.

  6. 6

    Ұжымдық жұмыс: блиц-тест

    Жылдам тапсырмалар арқылы білімді тексеру.

  7. 7

    Логикалық сұрақтар

    Ойлау икемін дамытуға арналған тапсырмалар.

  8. 8

    Оқулықпен жұмыс

    №1072 есеп.

  9. 9

    Үй тапсырмасы

    Деңгейлік тапсырмалар.

  10. 10

    Шығармашылық тапсырма

    «Қазақстаным», «Наурыз», «Мектебім» тақырыптарына оқушы қиялымен сурет салып, әңгімелеп, презентация қорғау.

  11. 11

    Қорытынды

    Сабақ нәтижесін жинақтау.

  12. 12

    Бағалау және кері байланыс

    Оқушы жетістігін бағалау, кері байланыс алу.

Сабақтың барысы

Төмендегі бөлімдер сабақтағы әрекеттерді нақты қадамдармен ұйымдастыруға арналған.

1) Ұйымдастыру кезеңі

  • Оқушылармен амандасу, түгендеу.
  • Психологиялық дайындық: басымызды төмен түсіреміз — «Көз алдарыңа не елестеді?»
  • Басымызды шамалы көтереміз — «Апай бізге қандай тапсырма береді екен?»
  • Басымызды жоғары көтереміз — «Менде бәрі жақсы. Бүгінгі сабақта өз білімімді жоғары деңгейде көрсете аламын».

Мұғалімнің тілегі: бүгінгі сабақта баршаңызға сәттілік пен жетістік тілеймін.

2) Үй тапсырмасын қайталау: «Қарлы кесек»

Оқушылар үлкен шеңбер жасап, бір-біріне өткен тақырыптар бойынша сұрақ қояды және жауап береді.

3) Графикалық диктант (иә/жоқ)

  • 1. Ондық бөлшектерді қосып және азайтқанда, бүтін бөлік бүтін бөліктің астына жазылады.
  • 2. 10, 100, 1000 разряд бірліктеріне көбейткенде, үтірді солға жылжыту керек.
  • 3. Санды оған жақынырақ натурал санмен немесе нөлмен алмастыру — санды бүтінге дейін дөңгелектеу деп аталады.
  • 4. Ондық бөлшекті 10-ға бөлгенде, үтір оңға жылжытылады.
  • 5. Бөлу арқылы берілген жай бөлшекке тең ондық бөлшек алынады.
  • 6. Берілген ондық бөлшекті 1 санына көбейтсек, сол санның өзі шығады.
  • 7. Алымы мен бөлімі тең бөлшек дұрыс бөлшек деп аталады.

4) Жұптық жұмыс: «Қатесін тап»

Төмендегі жазбалардағы қателерді тауып, дұрыс нұсқасын жазыңдар:

A) 34 + 26 = 6

Б) 61 − 4,3 = 567

В) 28 × 10 = 28

Г) 219 : 100 = 0,219

5) Сергіту сәті (ой қозғау)

Есте сақтау қабілетін арттыруға арналған сұрақ: Төртбұрыштың бір бұрышын кесіп алсақ, неше бұрыш пайда болады?

6) Ұжымдық жұмыс: блиц-тест

Тест тапсырмаларын орындаңдар (бір жауапты таңдаңдар):

1) Қосуды орында: 9,07 + 3,23

  • A) 12,3
  • Б) 123
  • В) 1,23
  • Г) 41,37

2) Теңдеуді шешіңдер: x − 12 = 3,07

  • A) 13
  • Б) 8,3
  • В) 125
  • Г) 15,07

3) Көбейтуді орындаңдар: 3,75 × 1,2

  • A) 13
  • Б) 8,3
  • В) 4,5
  • Г) 4,05

4) Амалды орындаңдар: 46,75 : 25 × 3,8 − 0,106

  • A) 13
  • Б) 7
  • В) 7,5
  • Г) 7,1

7) Логикалық сұрақтар

  1. Барлық цифрлардың көбейтіндісі нешеге тең?
  2. Қандай санның жазылуында қанша әріп болса, сонша цифр болады?
  3. 4 пен 5-тің арасына қандай таңба қойсақ, 4-тен артық, 5-тен кем сан шығады?
  4. Бір таяқшаның екі ұшы бар, ал үш таяқшаның 6 ұшы бар. Төрт жарым таяқшаның неше ұшы бар?
  5. Үстел төртбұрышты. Оның бір бұрышын арамен кесіп алсақ, неше бұрышы қалады?

8) Оқулықпен жұмыс

Есеп: №1072.

9) Үй тапсырмасы: деңгейлік тапсырмалар

1-деңгей

(31,2 − 27,64) × 2,05 + 0,702

Өрнектің мәнін табыңдар.

2-деңгей

y + 0,792 = 8,7 × 2,16

Теңдеуді шешіңдер.

3-деңгей

Тіктөртбұрыштың ауданы 44,8 см². Ені 4 см. Периметрін табыңдар.

10) Шығармашылық жұмыс

«Қазақстаным», «Наурыз», «Мектебім» тақырыптарының бірін таңдап:

  • оқушы қиялымен сурет салу;
  • сурет бойынша қысқаша әңгімелеу;
  • презентация дайындап, қорғау.

11) Қорытынды

Орындалған тапсырмалар бойынша негізгі ұғымдарды жинақтау, қиындықтарды талдау.

12) Кері байланыс

Оқушылар сабақтағы өз жұмысына қысқаша рефлексия жасайды: не түсінікті болды, не қиындық тудырды, келесі сабаққа қандай мақсат қояды.