Қазақша рефераттар

Тура санау, кері санау

Сабақ туралы мәлімет

Өткізілген орны
Маңғыстау облысы, Ақтау қаласы, №24 жалпы білім беретін орта мектеп
Мұғалім
Бигельдиева Айткүл Амантұрлықызы (бастауыш сынып мұғалімі)
Пән
Математика
Сынып
1-сынып
Тақырыбы
1 санын қосу және азайту

Сабақтың мақсаты

Білімдік

10-ға дейінгі сандарға 1-ді қосу және 1-ді азайту кестесін меңгерту, есептер шығарту.

Дамытушылық

Тез есептеу, есте сақтау және логикалық ойлау қабілеттерін дамыту.

Тәрбиелік

Мейірімділікке, тапқырлыққа және ұқыптылыққа тәрбиелеу.

Құрал-жабдықтар және әдіс-тәсілдер

Көрнекіліктер

  • Суреттер
  • Сандар мен әріптер
  • Интерактивті тақта

Сабақ түрі, әдістері

  • Түрі: аралас сабақ
  • Әдістері: сұрақ-жауап, түсіндіру, әңгімелеу, тест, ойын
  • Пәнаралық байланыс: ана тілі, дүниетану, дене тәрбиесі

Сабақ барысы

I. Ұйымдастыру кезеңі

Оқушыларды сабаққа жұмылдыру, құралдарын түгендеу және сыныптың назарын математика сабағына бағыттау.

II. Психологиялық дайындық

Математика сабағын
Жақсылап ұғып аламыз.
Сананың сәулесі боп,
Мәнінен ой табамыз.

III. Өткенді пысықтау

Тура және кері санау

1-ден 10-ға дейін тура санау, 10-нан 1-ге дейін кері санау арқылы сандар қатарын бекіту.

Тест тапсырмалары

  1. 1. Заттарды бір-біріне қосқанда қандай амал қолданамыз?
    а) азайту ә) қосу
  2. 2. Сандар және қосу таңбасы бар өрнекті қалай атаймыз?
    а) қосынды ә) айырма
  3. 3. Заттарды бір-бірінен азайтқанда қандай амал қолданамыз?
    а) қосу ә) азайту
  4. 4. Дұрыс теңдікті тап.
    а) 5 − 3 = 1 ә) 2 + 2 = 4

IV. Жаңа сабақ: 1-ді қосу және 1-ді азайту

Мұғалімнің сұрағы: «Балалар, біз санай бастағанда бірінші қай санды атаймыз?»
Оқушылардың жауабы: «1».
Осыдан кейін сабақтың негізгі ойы ашылады: санға 1-ді қосу және саннан 1-ді азайту.

Суретпен жұмыс (жаз мезгілі)

  • Суреттегі жыл мезгілін анықтау: жаз.
  • 1 жылда 4 мезгіл болатынын еске түсіру.
  • Жазда болатын құбылыстарды атау: күн ыстық, балалар суға шомылады.

Нақты жағдай арқылы түсіндіру

Суда 1 бақа жүр. Тағы 1 бақа түсті. Барлығы нешеу болды? 1 + 1 = 2

1-ді қосу кестесі (1–10)

1 + 1 = 2
2 + 1 = 3
3 + 1 = 4
4 + 1 = 5
5 + 1 = 6
6 + 1 = 7
7 + 1 = 8
8 + 1 = 9
9 + 1 = 10

1-ді азайту кестесі (2–10)

2 − 1 = 1
3 − 1 = 2
4 − 1 = 3
5 − 1 = 4
6 − 1 = 5
7 − 1 = 6
8 − 1 = 7
9 − 1 = 8
10 − 1 = 9

Ереже: Саннан 1-ді азайтсаң, сан кемиді — яғни сол санның алдындағы сан шығады.

Ереже: Санға 1-ді қоссақ, сан артады — яғни сол саннан кейінгі сан шығады.

Сергіту сәті (қимыл-қозғалыс)

Бойыңды сергек тік ұста,
Деміңді ішке тез ал да.
Емін-еркін тыныста,
Сол қолыңды соз алға.
Үшбұрыш сыз ауада,
Оң қолың босқа тұрмасын —
Шеңбер сызып зулатсын.

Оқулықпен жұмыс

№1 есеп

  • 1 + 1 = 2 — 1-ден кейінгі сан 2 екенін түсіндіру.
  • 9 − 1 = 8 — 9-дың алдыңғы саны 8 екенін бекіту.
  • 2 + 1 = 3 8 − 1 = 7

№3 есеп және ойын

Ойын: «Көршісін тап» — санның алдындағы және кейінгі көршісін анықтау арқылы 1-ді қосу/азайтуды бекіту.

Дәптермен жұмыс: тапсырмаларды жазбаша орындау, жауаптарды тексеру.

Қосымша сергіту сәті

Бір аяғым — оң аяқ,
Бір аяғым — сол аяқ.
Оң-солымды үйрендім,
Ажырата аламын.
Тек бәтеңке кигенде,
Жаңылысып қаламын.

№4 есеп (ауызша)

«Адасқан санды тап»

Сан қатарын дұрыс ретке келтіру және толық айту:

1 2 3 4 5 6 7 8 9 10

Математикалық жұмбақ

Тәуелсіздік күніне арналған тақырыппен байланыстыра отырып, оқушыларға санау өлеңдері айтқызып, математикалық жұмбақтар шешкізу.

Сабақты қорытындылау

Сұрақ: «Санға 1-ді қосқанда не болады?»
Күтілетін жауап: сан 1-ге артады.

Сұрақ: «Саннан 1-ді азайтқанда не болады?»
Күтілетін жауап: сан 1-ге кемиді.

Бағалау және үй тапсырмасы

  • Оқушыларды мадақтау, белсенді қатысқандарын атап өту.
  • Үй тапсырмасын беру (оқулықтағы тиісті жаттығуларды орындау).