Әжемнен қосталар
Оқу қызметі туралы қысқаша ақпарат
Білім беру саласы
Коммуникация
Ұйымдастырылған оқу қызметі
Сөйлеуді дамыту
Тақырыбы
Менің отбасым
Мақсаты
-
Балаларға отбасы мүшелері туралы түсінік беру.
-
Отбасындағы өзара сыйластық қарым-қатынас дағдыларын дамыту.
-
Үлкенге ізет көрсетіп, кішіге қамқор болуға, адамгершілікке тәрбиелеу.
Құралдар мен әдістер
Көрнекі құралдар
- Слайд
- Дидактикалық материалдар
- Буклет
- Суреттер
Әдіс-тәсілдер
- Түсіндіру
- Сұрақ-жауап
- Ойын
Сабақ барысы
Мотивациялық-қозғаушылық: «Шаттық шеңбері»
Арайлап таң атты,
Алтын сәуле таратты.
Қайырлы күн, қайырлы таң, достар,
Сендерді көрсем қуанам.
Ұйымдастырушылық-ізденістік: сұрақ-жауап
- Балалар, қазір жылдың қай мезгілі?
- Қыс айларын білесіңдер ме?
- Қыс мезгілінің басқа мезгілдерден айырмашылығы қандай?
- Қыс мезгілі несімен қызықты?
Бүгін біз отбасы туралы әңгімелесеміз. «Отбасы» деген сөзді қалай түсінесіңдер? Отбасы — ата-ана және жақын туыстар, яғни бір үйде тұратын адамдар.
Үйдегі ата мен әже — отбасының ең үлкендері. Сондықтан оларды құрметтеп, сыйлау керек. Ал әке мен ана — сендердің ең жақын адамдарың. (Слайд арқылы отбасы мүшелерін таныстыру.)
Талқылау
Бұлардың бәрін бір сөзбен қалай атаймыз?
Әжеміз, атамыз, анамыз, әкеміз, аға-әпкелеріміз бізді еркелетіп атайды. Олар сендерді «күнім», «айым», «жұлдызым» деп, аспандағы ғажайып нәрселерге теңейді.
Қане, отбасында сендерді кімдер және қалай еркелететінін еске түсіріп айтайық.
Отбасы туралы тақпақтар
1-бала
Отбасы — ол бақыт,
Отбасы — ол ата-ана,
Отбасы — ол шаңырақ.
2-бала
Атамнан басталар,
Әжемнен қосталар.
Отбасы — мыналар,
Ең жақын адамдар.
3-бала
Атадан ақыл аламыз,
Атамыз — біздің панамыз.
Атамыз — біздің данамыз,
Атадай адам боламыз.
4-бала
Ата мен ананың
Айтқан тілін аламын.
Үлкен-кіші жұмсаса,
Қайда болсын барамын.
Сергіту сәті
Тербеледі ағаштар,
Жел еседі алдымнан.
Кіп-кішкене ағаштар,
Біп-биік боп өседі.
Санамақ: «Бес саусақ»
Бас бармағым — атам, үйдің данасы,
Балаң үйрек — әжем, отаудың панасы.
Ортан терек — әкем, үйдің тірегі,
Шылдыр шүмек — анам, шаңырақ ажары.
Кішкене бөбек — мен, бәрінің базары.
Дидактикалық ойын: «Бес саусақ»
Ойын шарты: тақтаға бес саусақ бейнесі ілінеді. Әр саусаққа отбасы мүшелерінің суреттері бір-бірлеп жапсырылады. Балалар суреттерді атап шығады.
Мейірім шеңбері
Балалар шеңберге тұрып, өз отбасына арнап жылы лебіздерін айтады.