Автобусымыз келгенше төрт түлік мал туралы білетінімізді есімізге түсіре қояйық
Сабақтың атауы: Мал шаруашылығы
Мақсаты
Үй жануарларын бағу мен өсіру ерекшеліктерімен таныстыру, өңіріміздегі мал шаруашылығының дамуы туралы білім беру.
Міндеттері
- Танымдық жұмысты және оқушылардың белсенділігін арттыру.
- Шаруашылық салалары туралы білімдерін кеңейту.
Күтілетін нәтиже
- Еңбекқорлыққа, төзімділікке, еңбек адамдарына құрметпен қарауға тәрбиеленеді.
- Қамқорлық сезімі оянады.
- Мәтінді түсініп оқуға, ойын нақты жеткізуге, тапсырмаларды дұрыс құрастыруға дағдыланады.
Көрнекілігі
Қазақстанның физикалық картасы, суреттер, «сиқырлы қорапша», асықтар, слайдтар, флипчарт.
Әдістер
Топтастыру.
Пәнаралық байланыс
Қазақ тілі, биология, география, тарих.
Сабақ барысы
Психологиялық ахуал және топқа бөлу
Оқушылар үй жануарларының суреттері қиындысы арқылы топтарға бөлінеді («Суреттерді құрастыр»).
Қызығушылықты ояту (сұрақ-жауап)
Оқушылардың алдыңғы білімін белсендіру үшін суқоймалар тақырыбы бойынша сұрақтар қойылады:
- Суқоймаларына нелер жатады?
- Суқоймаларында қандай өсімдіктер өседі?
- Қамыстың биіктігі неше метрге дейін жетеді?
- Мөлдір ағын сулар мен тоғандарда қандай өсімдіктер өседі?
- Онда қандай жануарлар мекендейді?
- Шаяндар қандай суда болады?
- Қандай жануарлар суды тазартады?
- Бақаны неліктен қосмекенділер тобына жатқызамыз?
- Суқоймалары неліктен ластанады?
Тапсырма:
Семантикалық кестені толтыру.
Үй жұмысы және «ауылға саяхат» кіріспесі
Төрт түлік туралы білімді тереңдету үшін оқушылармен бірге ауылға «саяхат» ұйымдастырылады. Жолда кездесетін «кедергілерден» өту үшін тапсырмаларды дұрыс әрі жылдам орындау қажет.
«Ыстық орындық» ойыны
Автобус келгенше оқушылар төрт түлік туралы білетіндерін еске түсіреді, сұрақтарға жауап береді.
Жаңа сабақ: Ауыл шаруашылығы салалары
Мұғалім сызба арқылы ауыл шаруашылығының негізгі салаларымен таныстырады:
Құс өсіру
Құс шаруашылығы
Ара өсіру
Ара шаруашылығы
Балық өсіру
Балық шаруашылығы
Жануар өсіру
Мал шаруашылығы
Өсімдік өсіру
Өсімдік шаруашылығы
Қорытындылау сұрағы
Бұл салалардың барлығын бір сөзбен қалай атаймыз? Ауыл шаруашылығы.
Мал шаруашылығы: кластер құру және қорғау
«Мал шаруашылығы деген не?» сұрағына жауап беру үшін оқушылар топпен кластер сызады және қорғайды.
Жылқы шаруашылығы
Жылқы өсіру, баптау, өнімін пайдалану.
Сиыр шаруашылығы
Сүт және ет бағытындағы ірі қара өсіру.
Қой шаруашылығы
Жүн, ет, сүт өнімдері үшін қой өсіру.
Түйе шаруашылығы
Шөлейтке бейім малды өсіру, шұбат және жүн өнімдері.
Ескерту
Құс шаруашылығы да ауыл шаруашылығының маңызды бағыты ретінде қарастырылады.
Ойын: «Адасқан сөздерді орнына қою»
«Қаладан шығу» кедергісінен өту үшін оқушылар сөздерді дұрыс сәйкестендіреді.
Төлдер
- құлыншақ
- ботақан
- бұзауқан
- қошақан
Пірлері
- Қамбар ата
- Ойсылқара
- Зеңгі баба
- Шопан ата
Қалай шақырады
- құру-құру
- көс-көс
- әукім-әукім
- пұшайт-пұшайт
Оқулықпен жұмыс: мәтінді бөлім бойынша талдау
Автобус «орманға» келіп тоқтаған сәтте оқушылар оқулық мәтінін бөлімдерге бөліп, түсініп оқиды.
1-бөлім бойынша сұрақтар
- Жануарлар немен қоректенеді?
- Жануарларды емдейтін мамандық қалай аталады?
- Қой қай облыстарда көбірек өсіріледі?
2-бөлім бойынша сұрақтар
- Жылқының қандай түрлері бар?
- Жылқы шаруашылығы дамыған өңірлер: Ақтөбе, Шығыс Қазақстан, Жамбыл, Ақмола, Солтүстік Қазақстан.
3-бөлім бойынша ақпарат
Түйе шаруашылығы батыс аудандарда жақсы дамыған. Түйе Атырау, Ақтөбе, Қызылорда, Жамбыл, Маңғыстау, Алматы облыстарында өсіріледі.