Алғырлар тобы
ОҚО, Сайрам ауданы
№63 Қ. Сәтбаев атындағы орта мектеп
Пән мұғалімі: Ойбек Убайдуллаев
Сабақтың тақырыбы: «Математикалық сандық ойын»
Түрі
Топтық сайыс сағаты
Типі
Ойын түрінде
Сабақтың мақсаты
- Оқушылардың ой-өрісін кеңейтіп, есте сақтау қабілетін шыңдау; білімге қызығушылығын арттыру.
- Оқушыларды шапшаңдыққа, ізденімпаздыққа және ұйымшылдыққа тәрбиелеу.
Жоспар
- Топтың өзін таныстыруы, амандасу рәсімі
- Бәйге (мақал-мәтелдер / логикалық есептер)
- Тез есепте
- Логикалық сұрақтар
- Кім жылдам?
- Жұмбақтар
- Капитандар сайысы
- Қорытынды
Қолданылған нақыл сөздер
«Арифметика — математиканың, ал математика — ғылымдардың патшасы.»
«Ақыл-ойды тәртіпке келтіретін — математика.»
«Математика — барлық ғылымдардың тұңғышы әрі оларға пайдалы да, қажет те.»
Кештің ашылуы: жүргізушілердің сәлемдесуі
1-жүргізуші
Армысыздар, ағайын, ағайын тілін табайын.
Есенбісіз, ұстаздар, шаршамайтын қыс-жаздар.
Кешке келдік сайланып, отырам деп жайланып.
Енді кешті бастайық.
Құрметті ұстаздар, қонақтар және оқушылар, сіздерді «Математикалық сандық» атты сайысымызды тамашалауға шақырамыз.
Біз бұл әлемнің қаншалықты қызықты әрі сан қырлы екеніне бірге көз жеткіземіз.
Ал енді бүгінгі сайысқа қатысатын оқушыларды ортаға шақырайық.
Ашық жарқын жүзді әділқазыларымызды төрге шақырамыз. Шеберлікті, білімді сараптап, әділ баға берулеріңізді өтінеміз.
2-жүргізуші
Бармысыздар, бауырлар, өкпе жоқ — бізде бауыр бар.
Ізетке ие інілер, еті тірі інілер.
Көрермендер аман ба, отырған анау ойланып?
Екеуміз енді саспайық.
Бүгін біз математиканың жұмбақты да тартымды әлемімен танысамыз.
Екеуі бірігіп:
Бәріңізге бір сәлем!
Сайыс рухы
Көңілді тапқырлар мен білгіштер бар өнерін ортаға салады. Кім көп оқып, көп білген болса — бүгінгі күннің жеңімпазы сол.
Үш топ өзара есептен сайысады. Көпшілік олардың білімін саралап, шапшаңдығы мен тапқырлығына куә болады.
I тур: Таныстыру
Әр команда өзін таныстырады.
«Алғырлар» тобы
Шақырып жарыстарды сан-салалы,
Алғырлар топ жаруға зер салады!
Ту етіп достық пен татулықты,
Тапқырлар командасын қарсы алады!
Тапқырлар биіктерде қалықтасын,
Жеңіспен көк жүзінде шарықтасын.
Жеңіс туың желбіреп алауласын,
Бәйгені сенен ешкім ала алмасын.
Әділқазыларға сәлем
Әділқазы, ақ қазыға бір сәлем!
Әділдікке бас иеді күллі әлем.
Жүйрік озар сайыстарда неше бір,
Сарапқа сап, әділдікпен шеше біл!
«Тапқырлар» тобы
Осындай алғыр достар кез келгенде,
Жетсін-ау, жарыстарда жеңгенге не!
Қарсылас болғанменен құрбысыңдар,
Тілейміз ізгі тілек сендерге де!
Құрметпен алғырларда ой-саналы,
Тапқырлар сәлем беріп ән салады.
Бүгінгі сайыста достарына,
Қашанда тапқыр бол деп ән салады.
Әділқазыларға сәлем
Достық пен бірлікті етіп тұлға,
Жеңіске жеткен едік талай сында.
Қара қылды қақ жарған әділқазым,
Еңбегін Тапқырлардың әділ сына.
II тур: «Бәйге» (мақал-мәтел жарысы)
Әр топқа 6 мақал оқылады. Мақалдың жалғасын табу керек. Дұрыс жауап — 10 ұпай.
«Алғырлар» тобы
- Жеті жұрттың тілін біл, (жеті түрлі білім біл.)
- Білекті бірді жығар, (білімді мыңды жығар.)
- Екі жақсы қас болмас, (екі жаман дос болмас.)
- Досыңды үш күн сынама, (үш жыл сына.)
- Бір елі ауызға, (екі елі қақпақ.)
- Жүз сомың болғанша, (жүз досың болсын.)
«Тапқырлар» тобы
- Отыз тістен шыққан сөз, (отыз рулы елге тарайды.)
- Білгенің бір тоғыз, (білмегенің тоқсан тоғыз.)
- Бір кісі қазған құдықтан, (мың кісі су ішеді.)
- Білімнің басы — бейнет, (соңы — зейнет.)
- Оқусыз білім жоқ, (білімсіз күнің жоқ.)
- Ақыл азбайды, (білім тозбайды.)
III тур: «Тез есепте»
Әр топқа бірдей есеп беріледі. Команда мүшелері кезекпен шығып, бір ғана амалдан орындайды.
Тапсырма
(43*19 - 26928:33) * (16112:53 - 304)
IV тур: Логикалық сұрақтар
Бұл кезеңде сұрақтар екі топқа ортақ қойылады. Қай топ бірінші болып қол көтерсе, сол жауап береді. Бір рет жауап берген командаға келесі сұраққа қайта жауап беруге болмайды.
1) Қандай санның жазылуында қанша әріп болса, сонша цифр бар?
Жауабы: 10
2) Егер тырна бір аяғымен тұрса 3 кг болса, ал екі аяғымен тұрса салмағы қанша болады?
Жауабы: 3 кг
3) Асханаға 100 кг пияз және одан 3 есе артық картоп әкелінді. Асханаға неше кг картоп әкелінді?
Жауабы: 300 кг
4) Кітапқа 100 теңге және тағы сол кітаптың жарты бағасы төленді. Кітап қанша тұрады?
Жауабы: 150 теңге
5) Қаламсап қарындаштан 15 теңгеге қымбат. 5 қаламсап 5 қарындаштан қанша теңгеге қымбат?
Жауабы: 75 теңге
6) Зауыт 3 дөңгелекті велосипед жасайды: 2 кішкентай, 1 үлкен дөңгелек керек. Егер 30 кішкентай және 15 үлкен дөңгелек болса, неше велосипед құрастыруға болады?
Жауабы: 15
7) Алты «7» цифрын қолданып, 100 санын жаз.
Жауабы: (777 - 77) : 7 = 100
8) Бөлменің төрт бұрышында бір-бір мысықтан отыр. Әр мысықтың алдында үш мысықтан отыр. Бөлмеде барлығы неше мысық бар?
Жауабы: 4
Ескерту: бастапқы мәтінде 48 деп берілген, бірақ шарт бойынша дұрыс жауап — 4.
9) Ең үлкен екі таңбалы саннан екі «8»-ден тұратын санды азайтып, шыққан нәтижеге ең кіші екі таңбалы санды қосқанда, Алияның сыныбындағы қыздардың саны шығады. Алияның сыныбында неше қыз бар?
Жауабы: 99 - 88 + 10 = 21
V тур: «Кім жылдам?»
Бұл кезеңде сұрақтар екі топқа ортақ қойылады. Жауапты барынша жылдам беру қажет.
1) 3, 4 және 8 сандарының бәріне бөлінетін ЕКОЕ қандай?
Жауабы: 24
2) Тордағы күшіктердің аяқтарының жалпы саны 84. Тор ішінде неше күшік бар?
Жауабы: 21
3) Екі кірпіштің салмағы 12 кг болса, 5 кірпіштің салмағы неше кг?
Жауабы: 30 кг
4) Ең кіші натурал сан қандай?
Жауабы: 1
5) 17 — құрама сан ба?
Жауабы: жоқ, жай сан
Ескерту: бастапқы мәтінде «иә» деп берілген, бірақ 17 — жай сан.
6) Ең үлкен үш таңбалы сан қандай?
Жауабы: 999
7) 45, 27, 81 сандарының ЕҮОБ-ын тап.
Жауабы: 9
8) Жай да емес, құрама да емес натурал санды атаңыз.
Жауабы: 1
Қорытынды
Бұл сайыс форматы оқушылардың логикалық ойлауын, шапшаң есептеу дағдыларын және топпен жұмыс істеу мәдениетін дамытады. Қызықты тапсырмалар арқылы математикаға деген ынта күшейіп, білімді бекіту тиімді әрі әсерлі түрде жүзеге асады.
Материалдар
- Толық нұсқасын жүктеу
- Слайдын жүктеу