Қазақша рефераттар

Біліміңді шыңда

Пысықтау сабағы

Бұл сабақ — жарыс форматындағы пысықтау сабағы. Оқушылар екі топқа бөлініп, тапсырмаларды орындау арқылы көбейту мен бөлудің жазбаша тәсілдерін бекітеді, логикалық ойлауын дамытады және есеп құрастыру дағдыларын жетілдіреді.

Мақсаты

  • Разрядтан екі рет өту арқылы көбейту және бөлудің жазбаша тәсілдері туралы білімді қалыптастыру.
  • 3–4 амалды өрнек түрінде құрастыру және есеп шығару дағдыларын бекіту.
  • Шапшаң ойлау, логикалық ойлау, математикалық тіл және зияткерлік ой-өрісті дамыту.
  • Сүт өнімдеріне құрметпен қарауға тәрбиелеу.

Пән аралық байланыс

Ана тілі Дүниетану

Нені білу керек

  • Үш таңбалы санды бір таңбалы санға көбейтудің тәсілдері.
  • Бір таңбалы санға бөлудің тәсілдері.
  • Өлшем бірліктерін өрнектеу.

Нені үйрену керек

  • Разрядтан екі рет өту арқылы көбейту және бөлудің жазбаша тәсілдері.
  • Логикалық есептерді шығару.

Сабақтың барысы

Ұйымдастыру кезеңі

  • Амандасу.
  • Назарды сабаққа аудару.

Психологиялық ахуал

1, 2, 3 — сынып іші тып-тыныш.
Жалқаулықты тастаймыз,
Сабақты біз бастаймыз!

Бүгінгі сабақ — жай сабақ емес, жарыс сабағы. Оқушылар екі топқа бөлінеді: «Алғырлар» және «Тапқырлар».

Жылдың қай мезгілі? Дұрыс, көктем. Тақтада күлімдеп күн шығып тұр.

Үй жұмысын тексеру

Берілгені: P = 340 см
1-қабырға: 150 см
2-қабырға: 70 см қысқа
3-қабырға: ? (м және см)

Шешуі

150 − 70 = 80

340 − (150 + 80) = 340 − 230 = 110 см

110 см = 1 м 10 см

Жауабы: 3-қабырға — 1 м 10 см.

Жаңа сабаққа кіріспе: «Күнді бұлттан құтқарайық»

Үй жұмысын тексеріп болғанша, күннің көзін бұлттар басып қалыпты. Күнді бұлттардан құтқару үшін әр бұлттың тапсырмасын дұрыс орындау қажет: тапсырма дұрыс орындалса, бұлт көшіп кетеді.

Ойынның кезеңдері

  1. 1. Қас-қағым сәтте
  2. 2. Біліміңді шыңда
  3. 3. Сергіту сәті
  4. 4. Ізденіс — жеміс кепілі
  5. 5. Білгенге маржан
  6. 6. Ой түйіндеу

1) Қас-қағым сәтте: математикалық диктант

Төмендегі өрнектердің мәнін тап:

  • 16 мен 5-тің көбейтіндісі
  • 400 бен 4-тің бөліндісі
  • 50 мен 5-тің көбейтіндісі
  • 600 бен 10-ның бөліндісі
  • 45 пен 2-нің көбейтіндісі
  • 800 бен 20-ның бөліндісі

Көршіңді тексер

80 100 250 60 90 40

2) Біліміңді шыңда: 1-айналым

№2. Есепте де, дұрыстығын тексер.

Алғырлар

  • 324 × 3 = 972
  • 252 : 7 = 36
  • 531 : 9 = 59
  • 189 × 4 = 756
  • 575 : 5 = 115

Тапқырлар

  • 786 : 2 = 393
  • 528 : 4 = 132
  • 155 × 5 = 775
  • 688 : 4 = 172
  • 805 : 5 = 161

Ескерту

Әр есептің жауабын тексеру үшін кері амал қолдан: көбейтуді — бөлу арқылы, бөлуді — көбейту арқылы тексер.