Отбасындағы дәстүрлер
Сабақтың тақырыбы
Отбасындағы дәстүрлер. Әдеби тілдің нормалары.
Сабақтың типі
Жаңа білімді меңгерту.
Сабақ әдісі
Сұрақ-жауап, әңгіме.
Көрнекілігі
Тақырыптық суреттер.
Сабақтың мақсаты
- Бала бойына сүйіспеншілік пен жылылық ұялату; ата-анасын құрметтеп, адал әрі парасатты ұл-қыз болып қалыптасуына ықпал ету.
- Халықтық тәлім-тәрбиенің ананың ақ сүтімен, әже өнегесімен, ата ақылымен берілетінін түсіндіру; ұлттық қасиеттерді балалар бойына сіңіру.
Негізгі идея
Отбасы дәстүрлері — тәрбиенің өзегі, ал әдеби тіл — көпшілікке ортақ, түсінікті әрі мәдениетті қарым-қатынастың өлшемі.
Сабақ барысы
I. Ұйымдастыру кезеңі
- Амандасу.
- Жоқ оқушыларды белгілеу.
- Үй тапсырмасын сұрау.
II. Тақырып пен мақсаттарды таныстыру
Сабақтың тақырыбы мен күтілетін нәтижелері түсіндіріледі. Оқушыларға қазақ тілінің қазақ халқының ана тілі екені және оның әдеби нормаларының маңызы айқындалады.
III. Жаңа сабақ
Жаңа тақырыпқа дайындық: ой шақыру
Оқушылар сөзжұмбақ шешу арқылы жаңа тақырыптың мазмұнын өздері ашады.
- «Қой» дегенде бар, «лақ» дегенде жоқ; «ойда» бар, «бақта» жоқ.
- Рәміздің бірі.
- Еңбек құралы.
- Ең жақын адам.
- Уақытты немен білеміз?
- «Ырыс алды — ...»
Суретпен жұмыс: сөйлем құрастыру
Отбасындағы дәстүрлерге байланысты суреттер бойынша оқушылар сөйлемдер құрастырады.
- Ата-анаңды ардақта.
- Үлкенге құрмет, кішіге ізет көрсету.
- Наурыз мерекесіне қатысты дәстүрлер.
Оқулықпен жұмыс: үндестік заңына бағынбайтын қосымшалар
Төмендегі сөздерден буын үндестігіне бағынбайтын қосымшаларды бөліп жазыңдар:
Жаңа сабақты бекіту: әдеби тіл туралы ереже
Әдеби тіл — сөйлеу тілінен жоғары тұрған көркем тіл. Ол сол халықтың бәріне ортақ және баршаға түсінікті болады.
Әдеби тіл екі түрде өмір сүреді: ауызша тіл және жазбаша тіл.
Ауызша тілге мысалдар
Мұғалімнің сабақты түсіндіруі, оқушының жауабы, радио мен теледидардағы сөйлеу.
Жазбаша тілге мысалдар
Кітап, газет-журнал беттеріндегі мәтіндер.
Ережені дәптерге жазып, мысалдар арқылы бекітіңдер.
Бағалау
Оқушылардың сабаққа қатысуы, тапсырмаларды орындауы және пікір айту белсенділігі негізінде бағаланады.
Үй тапсырмасы
«Отбасындағы дәстүрлер» тақырыбына эссе жазып келу.
Эссеге бағыт
- Отбасыңдағы бір дәстүрді сипатта.
- Оның тәрбиелік мәнін түсіндір.
- Әдеби тіл нормаларын сақтап, сауатты жаз.