Ө. Ақыпбекұлы
Сабақ тақырыбы
Ө. Ақыпбекұлы. «Мен таңдайтын мамандық…»
Сабақтың түрі
Жаңа сабақ
Оқыту форматы
Топтық жұмыс
Көрнекілігі
- АКТ
- Ребус
- Фишкалар
Әдіс-тәсілдері
Жеті модуль негізіндегі тапсырмалар, сұрақ-жауап, талдау, пікір алмасу.
Сабақтың мақсаты
1) Білімдік
Оқушыларды мамандық түрлерімен таныстыру; мамандық иелерінің қызметі мен еңбегінің маңызын түсіндіру. Кәсіпті таңдап, игеру үшін оқу мен білім алудың қажеттілігін ұғындыру.
2) Дамытушылық
Әңгіме құрастыру барысында өз ойын, арман-мақсатын нақты әрі түсінікті жеткізу дағдыларын қалыптастыру. Шығармашылық белсенділікті дамыту.
3) Тәрбиелік
Әр түрлі мамандықтарға қызығушылық ояту және еңбек адамдарына құрметпен қарауға тәрбиелеу.
Сабақтың барысы
I. Ұйымдастыру кезеңі
Бүгін біз үшін ерекше сабақ. Сабақта барлығыңа сәттілік тілеймін.
Психологиялық сәт
Бақыт менде, бақыт сенде,
Бейбітшілік, бейбітшілік.
Бейбітшілік менде,
Бейбітшілік сенде,
Бейбітшілік барлық жерде.
II. Үй тапсырмасын тексеру
Үй тапсырмасы бойынша қысқаша сұрақтар қойылып, жауаптар тыңдалады.
III. Өткенді пысықтау (сұрақ–жауап)
1-топ
Төлеген Айбергенов кім?
2-топ
Оның қандай шығармаларын білесіңдер?
3-топ
Өлеңді тізбектей жатқа айту.
IV. Жаңа сабаққа көшу
1-топ
Мамандық иесі болу үшін не істеу керек?
2-топ
Еңбек деген не?
3-топ
Мамандық деген не?
Оқушылардың жауаптары тыңдалып, ребус шешіледі. Әр топ өзіне мамандыққа байланысты атау таңдайды:
- 1-топ: Мұғалім
- 2-топ: Дәрігер
- 3-топ: Аспаз
Мамандық алғың келе ме,
Мамандық өзі немене?
Айналаң толған мамандық,
Айналаң толған өнеге.
V. Жаңа сабақ
Бүгін біз ақын Өтепберген Ақыпбекұлының «Мен таңдайтын мамандық» атты өлеңімен танысамыз. Дәптерге күн ретін және тақырыпты жазамыз.
Ақын туралы қысқаша мәлімет
Өтепберген Ақыпбекұлы 8 қазанда Қызылағаш ауылында, Қапал ауданында (қазіргі Ақсу), Талдықорған облысында (қазіргі Алматы облысы) туған.
Шығармалары: «Өтті ғой, сәулем, ай талай», «Адамдар», «Алматыға», «Арал жырлары», «Бақшаға саяхат», «Дала», «Жүрек сөзі», «Барсакелмес».
Бұл өлең мамандық туралы. Мүмкін, сендердің де таңдағалы жүрген мамандықтарың өлең жолдарынан кездесіп қалар. Ендеше, бірге оқып көрейік.
1-қадам
Өлеңді мұғалім мәнерлеп оқиды.
2-қадам
Әр шумақты оқушылар кезекпен оқиды.
3-қадам
Әр шумаққа тоқталып, мазмұны талқыланады.
Сұрақ–жауап
1-топ
Өлеңде қандай мамандықтардың аты аталды?
2-топ
Осы мамандықтарға тағы қандай мамандықтарды қосар едіңдер?
3-топ
Өлеңде өзің таңдаған мамандық бар ма? Сол туралы білетін тақпақтарыңды айтып көріңдер.
VI. Дәптермен жұмыс
Түсіндірме сөздік бойынша жаңа сөздер мен мағыналары талданады.
Сергіту сәті: мамандықтар туралы жұмбақтар
Тарағы бар қолында,
Кімді айттым ойымда?
Жауабы: шаштараз
Қалағы бар қолында,
Кімді айттым ойымда?
Жауабы: құрылысшы
Ожауы бар қолында,
Кімді айттым ойымда?
Жауабы: аспаз
Күміс қанат сұңқары,
Көкке еркін сүңгиді.
Бұлттан да тым әрі,
Кеткен жанды кім дейді?
Жауабы: ұшқыш
Өрнектеп, сәндеп,
Тігістерін бүгетін.
Солпысын жөндеп,
Кім көйлек тігеді?
Жауабы: тігінші
Алатаяқ ұстаған,
Жол тәртібін нұсқаған.
Өміріңді күзеткен,
Ысқырығы күшті адам.
Жауабы: полиция қызметкері
Дабылға тез жететін,
Жалынға сүңгіп кететін.
Қақалса да түтінге,
Тайсалмайтын батыл кім,
Жасқанбайтын батыр кім?
Жауабы: өрт сөндіруші
VII. Қорытынды
Оқушылар өздері таңдаған мамандық туралы шағын әңгіме (немесе эссе) жазады. Жұмыста мамандықтың мәні, қажетті дағдылар және өз мақсаттары нақты көрсетіледі.
VIII. Рефлексия
Білемін
Сабаққа дейін білетінім.
Білдім
Бүгін үйренгенім.
Білгім келеді
Әлі де зерттегім келетін сұрақтар.
IX. Үй тапсырмасы
- Өлеңді мәнерлеп оқу.
- Өтепберген Ақыпбекұлы туралы реферат жазу.
X. Бағалау
Оқушылардың жұмысы фишкалар арқылы бағаланады: тапсырмаға қатысуы, жауаптарының нақтылығы және топтық жұмыстағы белсенділігі ескеріледі.