Қазақша рефераттар

Балалар сендердің аттарын кім

Оқу іс-әрекеті туралы мәлімет

Білім беру салалары

Қатынас, Таным.

Ұйымдастырылған оқу іс-әрекет түрлері

Сенсорика, Тіл дамыту.

Тақырыбы

Ойыншықтар сыры

Мақсаты

  • 1) Білімділік

    Балаларды ойыншықтардың түрлерімен, қасиеттерімен, түсімен, көлемімен және пішіндерімен таныстыру.

  • 2) Дамытушылық

    Ойыншықтар туралы тақпақтар айтқызу арқылы сөздік қорын молайту. Қабылдау және есте сақтау қабілетін дамыту. Ойыншықтарға деген қызығушылығы мен сүйіспеншілігін арттыру.

  • 3) Тәрбиелік

    Ойын арқылы достық қарым-қатынасқа тәрбиелеу.

Көрнекіліктер

Түрлі түсті ойыншықтар, үнтаспа.

Әдіс-тәсілдер

Түсіндіру, көрсету, әңгімелеу, сұрақ-жауап, ойын, драматизация.

Сабақ барысы

Кіріспе сәт

Балалар музыка әуенімен топқа қол шапалақтап кіреді. Қонақтармен амандасады: «Сәлеметсіздер ме?»

Кейіпкер: Күлдірген

Күлдірген келіп балаларды күлдіреді (шарға отырып, шарды жарады). Содан кейін өзін таныстырады: «Менің атым Күлдірген. Мен әрі сиқыршымын. Мен жүрген жердің бәрі ғажайыпқа толады».

Күлдірген балалардың назарын күн сәулесіне аударады: «Қане, қолымызды жоғары көтеріп, күннен жылу алайық. Енді осы жылуды бәріміз бірігіп досымызға сыйлайық».

Танысу диалогы

  • Тәрбиеші «Балалар, сендердің аттарың кім?»
  • Бала «Менің атым Даниал».
  • Бала «Менің атым Фатима».
  • Тәрбиеші «Ал жастарың нешеде?»
  • Бала «Менің жасым екіде».

Күлдірген балаларды мақтайды: «Жарайсыңдар! Аттарыңды да, жастарыңды да білесіңдер».

Ойын: «Сылдырмақ»

Әуен ойнағанда сылдырмақты сылдырлатамыз, әуен тоқтағанда жасырып қоямыз. Ойын соңында Күлдірген балаларды мадақтайды.

Өтпелі сұрақ

«Балалар, сендер ойыншықтармен ойнағанды жақсы көресіңдер ме? Онда менімен бірге ойыншықтар дүкеніне саяхатқа барайық!»

Саяхат: «Пойызбен ойыншықтар дүкеніне»

Пойызға міну үшін әр балаға «билет» беріледі (пішіндер). Балалар өз пішініне сәйкес вагонға орналасады.

Пойыз өлеңі

Ал, паровоз, баста алға, Бәрімізді басқар да. Пыш-пыш, біз кеттік, Жүрісті біз үдеттік. Гу-гу гуілде, Қалып қойма бірің де.

Балалар межелі жерге келеді.

Айсұлумен кездесу

Балалар Айсұлумен амандасады. Айсұлу ойыншықтар әлеміне барғысы келеді, бірақ әдемі көйлегі жоқ. Балалар көмектесуге келіседі.

Шағын тапсырма

Айсұлудың көйлегіндегі түймелерге гүлдерді «түймелейді» (безендіру жұмысы). Содан кейін Айсұлуды ертіп ойыншықтар әлеміне барады.

Негізгі бөлім: «Ойыншықтар сыры»

Күлдіргеннің сөзі

«Балалар, қараңдаршы, қандай әдемі ойыншықтар! Қане, ойыншықтармен сырласайық. Сендер қандай ойыншықтарды көріп тұрсыңдар?»

Балалардың жауаптары

Аю, сиыр, доп, қоян, қуыршақ, мысық.

Ойыншықтар әртүрлі болады: қатты, жұмсақ; көңілді, кейде қорқынышты.

«Сендерде қандай ойыншықтар бар?»

Тақпақ: Нұрасыл

Ойыншықтарым көп менің, Бәрін жақсы көремін. Кешке дейін жалықпай, Бірге ойнап жүремін.

Сиыр

  • Сұрақ: «Мынау не?» — Сиыр.
  • Сұрақ: «Сиыр қалай дыбыстайды?» — «Мө, мө» дейді.
  • Бақылау: Мүйізін көрсетіп, «Неше мүйізі бар?» деп сұралады.

Ит

  • Сұрақ: «Мынау не?» — Ит.
  • Сұрақ: «Ит қалай дыбыстайды?» — «Р-р-р» деп ырылдайды.

Аю

Сипаттау: Аю — үлкен, маймақ.

Сұрақ: «Аю нені жақсы көреді?» — Балды.

Сергіту сәті

Ормандағы аюдың Құлпынайы көп екен. Теріп-теріп алайық, Қалтамызға салайық.

Қоян

  • Сұрақ: «Қоян қайда болады?»
  • Сұрақ: «Қоянның жүні қандай?»
  • Сұрақ: «Қоян нені жақсы көреді?»
  • Сұрақ: «Қалай секіреді?»

Тақпақ

Ұзын құлақ сұр қоян, Естіп қалып сыбырды, Ойлы-қырлы жерлермен, Ытқып-ытқып жүгірді.

Қуыршақ

Сипаттау: Қуыршақ әдемі.

Зерттеу: «Қуыршақты ұстап көрейік». Қуыршақ — қатты.

Тақпақ

Ойыншығым қуыршақ, Не берсем де жемейді. Еркелігі соншама, Көтермесем жүрмейді.

Доп

  • Пішіні: Дөңгелек.
  • Түсі: Көк.

Тақпақ

Добым-добым домала, Балшыққа сен жолама. Бүлдіресің қолымды, Жек көремін ондайды.

Мұнара

Түстері: қызыл, сары, көк.

Ойын: «Мұнараны құрастыр»

Кім тез, шапшаң әрі дұрыс мұнараны құрастырады? (Екі бала ортаға шығады.)

Ән: «Ойыншықтар әні»

Балабақша таңертең Біздерді күтеді. Ойыншықтар тізіліп, Бұрышта күтеді. Ала доп, қызыл доп, Қуыршақ, құлыншақ, Бақшамыз биікте, Біз сені сүйеміз.

Қайырмасы

Қайырмасы мәтіні оқу жоспарына сай орындалады.

Қорытынды

Балалар ойыншықтар туралы көп мәлімет алды: ойыншықтардың түрлерін атады, қасиеттерін ажыратты, өлең-тақпақ айтты және ойын ойнады.

Ереже

Ойыншықтарды сындырмай, ұқыпты ойнау керек. Ойнап болған соң, ойыншықтарды жинап, орнына қою қажет.

Күлдірген балаларға алғыс айтып, сыйлық таратады. Соңында балалар қонақтармен қоштасады да, балабақшаға қайтады: «Сау болыңыздар!»