Қазақша рефераттар

Оқушылардың кезекпен оқуы

Ақтөбе облысы, Шалқар ауданы, М. Шыманұлы ауылы, Сарықамыс негізгі мектебі. Бастауыш сынып мұғалімі: Дүйісова Света Жолдыбайқызы.

Сабақ туралы

Пән / Сынып
Сауат ашу, 1-сынып
Тақырып
Жуан және жіңішке айтылатын сөздер. «Тиін» (А. Синявский)
Сабақ түрі
Дамытушылық
Сабақ типі
Жаңа сабақ
Әдістер
Түсіндіру, сұрақ-жауап

Сабақтың мақсаты

Оқушылардың жуан және жіңішке дыбыстар туралы білімдерін кеңейту.

Міндеттері

  • Сөздегі дауысты дыбысқа байланысты сөздердің жуан және жіңішке айтылатынын ұғындыру; мәтінді дұрыс түсініп оқуға төселдіру.
  • Ой-өрісті кеңейту; логикалық ойлауды, тапқырлықты және шығармашылықты дамыту.
  • Табиғатты сүюге, достыққа және ынтымақтастыққа тәрбиелеу.

Сабақ барысы

I. Ұйымдастыру кезеңі

Психологиялық жаттығу арқылы оқушыларды сабаққа бағыттау.

II. Үй тапсырмасын сұрау

  • Сұрақ-жауап әдісі арқылы оқушылар өз білімдерін тексереді.
  • Дауысты және дауыссыз дыбыстарды қайталау.
  • «Білім» өлеңін жатқа айту.

III. Жаңа сабақ

1) Жұмбақ

Бұтақтарға секіріп,
Әр жерден қылт етеді.
Кейде жаңғақ кеміріп,
Жоғарылап кетеді.

Жауабы: тиін

2) Ой қозғау

«Тиін туралы не білесіңдер?» сұрағы арқылы оқушылардың бастапқы білімін анықтау және пікір алмасу.

Қосымша мәлімет: Тиін

Тиіндер — тиінтәрізділер тұқымдасына жататын кеміргіштердің бір туысы. Еуразия, Солтүстік және Оңтүстік Американың ормандарында таралған 40-тан астам түрі бар.

Қазақстанның шығыс, орталық және солтүстік аймақтарында, сондай-ақ Тянь-Шань мен Жетісу (Жоңғар) Алатауының қарағайлы ормандарында мекендейтін бір түрі — кәдімгі тиін кездеседі.

  • Дене тұрқы: 16–28 см.
  • Салмағы: 450–600 г.
  • Түсі: ақшыл сұр немесе жирен; жүні қалың әрі үлпілдек.
  • Құйрығы: ұзын (23 см-ге дейін); құлағында шашағы болады.
  • Ұясын ағаш басына, кейде ағаш кеуегіне немесе жартас жарығына салады.

3) Оқулықпен жұмыс

  1. 1 Мұғалім мәтінді мәнерлеп оқиды.
  2. 2 Оқушылар мәтінді кезекпен оқиды.
  3. 3 Мәтін мазмұны бойынша сұрақтарға жауап береді.
  4. 4 Сөздік жұмысы жүргізіледі.
  5. 5 «Тиін» сөзін тауып оқып, дыбыстық талдау жасайды.

4) Сергіту сәті

Қысқа қимыл-қозғалыс жаттығулары арқылы оқушылардың зейінін сергіту.

5) Оқулықтағы жаттығулар

46-жаттығу

Сөздерді жазу. Дауысты дыбыстардың астын сызу.

6) Жұмыс дәптерімен жұмыс

1-тапсырма: «Жоғалған әріпті тап» ойыны

Берілген сөздердегі түсіп қалған әріптерді толықтыру.

Қ....с, ....шақ, бөр...к, бор...н, к..гершін, т....лкі, ...ліппе, кем...

2-тапсырма: «Бір сөзден көп сөз» ойыны

«Жолбарыс» сөзінен мүмкіндігінше көп жаңа сөз құрастыру.

IV. Сабақты қорытындылау

  • «Бүгінгі сабақ ұнады ма?»
  • «Біз ойын арқылы қандай жұмыс атқардық?»

V. Бағалау

Оқушылардың сабаққа қатысуы, мәтінді оқуы, тапсырмаларды орындауы және белсенділігі бойынша бағалау.

VI. Үй тапсырмасы

Мәтінді мазмұндау.

47-жаттығу, 35-бет.