Қазақша рефераттар

Екі ауылдың арақашықтығын тап

Математика (4-сынып)

Сабақтың тақырыбы: бір-біріне қарама-қарсы қозғалысқа берілген есептер.

Сабақтың мақсаты

  • Қашықтықты табуға берілген есептерді шығаруды, есепке сызба құруды үйрету; есептеу дағдыларын жетілдіру. Жақындау жылдамдығы ұғымын қалыптастыру.

  • Есепті өздігінен талдап шығара білуге дағдыландыру; математикалық ойлауын, есте сақтау қабілетін дамыту.

  • Ұқыптылыққа тәрбиелеу.

Сабақтың түрі

Аралас сабақ.

Әдістері

Түсіндіру, сұрақ-жауап, өздік жұмыс, есептеу, салыстыру.

Көрнекілігі

Қосымша тапсырмалар жазылған үлестірмелер, кестелер.

Сабақтың барысы

I. Ұйымдастыру кезеңі

Сабаққа даярлық: амандасу, оқушыларды түгендеу.

Сабағымыз басталды — балаларға пайдалы.
Бәрін ұғып алыңдар, санауға зер салыңдар.

II. Үй тапсырмасын тексеру

№9 тапсырма, 182-бет.

III. Өткенді пысықтау

Ауызша жұмыс.

IV. Жаңа сабақ

Тақырыпты түсіндіру, еске түсіру және қайталау.

Белгілеулер

v
жылдамдық
t
уақыт
s
қашықтық

Негізгі формула

S = v · t

Қашықтықты табу үшін қозғалыс жылдамдығын уақытқа көбейтеміз.

Сурет бойынша талқылау сұрақтары

  • Суретте не бейнеленген?

  • Машиналар қандай әрекет орындап жатыр?

  • Олардың қозғалыс бағыты туралы не айтуға болады?

  • Арақашықтық қалай өзгереді?

  • Жылдамдықтары бірдей болса, бірдей уақыт аралығында жүрген жолдары туралы не айтуға болады?

  • Жылдамдықтары әр түрлі болса ше?

  • Жолда болған уақыт туралы қандай қорытынды жасауға болады?

  • Кездескеннен кейін қозғалысты жалғастырса, қандай өзгеріс болады?

№2 Есеп

Бір-біріне қарама-қарсы қозғалыс

Екі ауылдан бір мезгілде екі машина бір-біріне қарама-қарсы бағытта жолға шықты. Олардың біреуі кездескенге дейін 310 км, ал екіншісі 275 км жол жүрді. Екі ауылдың арақашықтығын тап.

Жетелеуші идея

Қарама-қарсы қозғалыста кездескенге дейін жүрген қашықтықтардың қосындысы екі нүктенің (екі ауылдың) арақашықтығына тең.

Берілгені

  • 1-машина 310 км
  • 2-машина 275 км

Табу керек

Екі ауылдың арақашықтығы.

Шешуі

310 + 275 = 585

Демек, екі ауылдың арақашықтығы 585 км.

Тақырыпты бекіту

Бір-біріне қарама-қарсы қозғалысқа берілген есептерді орындау және жүктеу (қосымша тапсырмалар).