Ілияс Жансүгіров өлеңіҚазақ үйдің тұрмысыАқ үйге алты қанат келсем кіріп, Босаға, маңдайша мен табалдырық, Кереге алты жапсар, алпыс уық, Шаңырақ, күлдіреуіш оған жуық
Ілияс Жансүгіров өлеңі
Қазақ үйдің тұрмысы
Ақ үйге алты қанат келсем кіріп,
Босаға, маңдайша мен табалдырық,
Кереге алты жапсар, алпыс уық,
Шаңырақ, күлдіреуіш оған жуық.
Құр, таңғыш, басқұр, арқан екі аяқ бау,
Төрт ірге, есік жабық, ши, туырлық,
Он бес бау, ішкі - сыртқы белдеу, желбау,
Түс киіз, көрпе, шай шымылдық,
Текемет, жастық, шапан, кілем, сырмақ,
Алаша, бешпент, көйлек, шәлі, берік,
Самаурын, үстел, кесе, шәйнек, шәугім,
Кәдеге, сандық, кебеже, ақ түндік,
Патнос, шелек, мосы, адалбақан,
Ұстара, қайрақ, тарақ, бақан, сырық,
Шылапшын, аяқ, қасық, қазан, ошақ,
Жүкаяқ, шкаф, пышақ, айна, орындық.
Тәрелке, ожау, шөміш, саба, торсық,
Ұршық, біз, балға, көсеу, қап, ине, жіп,
Сым, шалбар, жейде, дамбал, кебіс, байпақ,
Дастарқан, тақия, ішік, белбеу, белдік,
Ер - тоқым, жүген, тартпа, айыл, қамшы,
Құйысқан, үзеңгі, ішпек, өмілдірік,
Аяққап, тұз баспағы, сабын, сақар,
Ірімшік, жәшік, қоспа, май, қымыз, құрт,
Айран, ұйтқы, ашытқы, көже, саумал,
Ұн, тары, бидай, сұлы, сұр мен шұжық,
Жүн - жұбыр, қыбыр мен тері - терсек,
Келі, келсап, пышақ, аша, күрек,
Ат, қалта ноқта, бұйда, үскі, кілт,
Сыпыртқы, сүлгі орамал, қырғы көнек,
Жайнамаз, қалам, қағаз, дорба, сауыт,
Домбыра, тұтқыш, гармонь, шаппашот, тұлып
Машина, кергіш, қайшы, ілгек, шамдал,
Кепсер, қақпақ, саптыаяқ, тәспі, құлып,
Асыл тас, ақық, меруерт, маржан, үкі,
Бастырма, ілгек, жүзік, сақина, шоқ,
Кимешек, шүберек, сағат, құран кітап,
Темекі, қант, қағаз шай, насыбай шелек,
Асық, шақша, шалғы, орақ, бұрғы, қашау,
Желі арқан, көген, тоқпақ, жылқы құрық.
Басқа түрлі жабдығын санай алмай,
Сыртқы үзігін көрмекке кеттім шығып.
ШҚО, Тарбағатай ауданы, Тұғыл ауылы,
Ш. Уалиханов атындағы орта мектептің
9 сынып оқушысы Рашитова Рашиля
Туристерге қазақтың киіз үйімен жиһаздарын таныстыру әдістемесін жасау
Желі - керегені құрайтын ағаш
Киіз үй – жарты ғаламның моделі
Киіз үйдің жасау-жиһазы
КИІЗ ҮЙ – Орталық және Орта Азияны қоныстанған мал өсірушілердің негізгі баспанасы
Қазақ халқының үй жиһаздары мен материалдық мәдениеті
ҚР орталық мемлекеттік музей қорындағы ағаштан жасалған бұйымдар
Ағаштарды қолөнерде пайдалану
Ағаш шеберлігін үйрету әдістемесі
Қазақ киіз үйі
Бу қазандықтары мен шаң дайындау жүйелері есебі
ТҮМЕН ҰЛЫ МҮДЕ ҚАҒАН
Диалектика — даму мен ең жалпы байланыс жөніндегі ілім
Қазақстан Республикасының заңдарын сақтауын тексерулерді ұйымдастыру мен жүргiзу ережесi
Бухгалтерлік есептің концепциялары мен принциптері
Қаржы-несие мекемелері рыноктық экономиканың негізгі элементі ретінде
Тергеушінің тергеу бөлімінің бастығымен және анықтау органдарымен өзара әрекеттесуі
Ақшаның мәнi мен пайда болу тарихы
АЛТЫНАЙҰЛЫ ҚАРАСАЙ
Бас тоғанның негізделуі, Арыс-Түркістан каналын суғару мақсатында пайдалану және су әкету