Қазақша рефераттар

Өсімдіктердің өсу ретін анықтай білуге және жәндіктердің қалай пайда болатынын түсіндіру

Сабақ паспорты

Тәрбиеші

Құлыншақ мектепалды даярлық тобының тәрбиешісі — Жалпаксаринова Айгерим Амантаевна.

Тақырыбы

«Табиғаттың білгіштері»

Мақсаты

  • Балалардың қоршаған орта туралы түсініктерін кеңейту.
  • Көктем мезгілінің ерекшеліктерін атай білуге үйрету, салыстыру дағдысын қалыптастыру.

Дамытушылық

  • Әр кезең арқылы сөздік қорын, дүниетанымын байыту.
  • Қоршаған ортаға қатысты көзқарасын жаңарту, өз ойын толық жеткізуге дағдыландыру.
  • «Жасыл ел» акциясына қатысу, ағаш отырғызу идеяларын қолдау.

Тәрбиелік мәні

  • Табиғатты және өз ортасын сүюге баулу.
  • Қыстап қалатын құстарды және жыл құстарын ажырата білуге үйрету.
  • Өсімдіктердің өсу ретін анықтау, жәндіктердің қалай пайда болатынын түсіндіру.
  • Тірі және өлі табиғаттың байланысын тәжірибе арқылы ұғындыру (топырақты зерттеу, суды тазарту).

Құрал-жабдықтар мен әдістер

Көрнекіліктер

  • Бәйшешек гүлінің суреті (слайд).
  • Құстардың суреттері.
  • Мнемокесте.
  • Үлестірмелі карточкалар.
  • Әуен, фланелеграф тақтасы.

Экспериментке арналған заттар

  • Стакан, топырақ, құйғыш.
  • Селдір мата (сүзгі үшін).
  • Үлкейткіш әйнек.

Әдіс-тәсілдер

Түсіндіру, көрсету, сұрақ-жауап, әңгімелеу.

Қолданылатын технологиялар

  • ТРИЗ схемасы
  • Кубизм
  • Зайцев технологиясы

Алдын ала жұмыс

  • Табиғатты бақылау.
  • Көктем туралы өлең оқып беру.
  • Құстардың тіршілігін бақылау.

Билингвалдық компонент

Көктем
весна
Ұзақ қарға
грач
Почва
қарашірік

Сөздік жұмысы

құнарлы бәйшешек қарашірік

Сабақ барысы

1) Мотивациялық-оятушылық кезең

Шаттық шеңбері

Балалар шеңберге тұрып, өлең жолдарын айтады:

Біз әдепті баламыз,
Біз ерекше боламыз.
Қонақтарды көргенде,
«Сәлеметсіздер ме?» деп,
Сәлемдесіп аламыз.

Жыл мезгілдері туралы сұрақ-жауап

  • Жыл мезгілі нешеге бөлінеді?

    Жыл мезгілі төртке бөлінеді.

  • Жыл мезгілдерін атаңдар.

    Күз, қыс, көктем, жаз.

  • Қазір қай жыл мезгілі?

    Көктем.

Көктем белгілерін байқау

  • Жердегі мұз бен қар ери бастады.
  • Ағаштар бүршік атады.
  • Балалар құстарға ұя жасап жатыр.

Ойын: тәрбиеші доп лақтырады, балалар көктем туралы жылы сөз айтады. «Көктем көрікті, сұлу, әсем…»

2) Ұйымдастырушылық-ізденушілік кезең

Круиз-саяхат

Балалар үстелдегі карточкаларды таңдайды. Слайдпен жұмыс жүргізіледі.

Жұмбақ:

Ол қардың астынан бірінші шығады,
Көктемді бірінші қарсы алады.

Жауабы: бәйшешек гүлі (подснежник).

«Бұл не, балалар?» — Бұл карта. Карта арқылы біз бүгін круиз-саяхатқа шығамыз.

Балалар қалауы бойынша 3 топқа бөлінеді: құстар, гүлдер, көбелек.

Алдымен құстар әлеміне тоқталамыз, кейін өсімдіктер мен жәндіктер әлеміне барамыз. «Ара болып ұшып барайық!» (әуен қосылып, балалар қимылмен «ұшады»).

1-топ: Құстар

  • Жыл құстарын қыстап қалатын құстардың ішінен таңдап алу.
  • Фланелеграф тақтасына құсты іліп, қасына ұясының суретін орналастыру.
  • Мнемокесте арқылы талдау: «Қай құсты таңдадың?»

2-топ: Өсімдіктер

  • Гүлдің өсу ретін топтастыру.
  • А3 қағазына гүлдің жақсы өсуіне не керек екенін карточкалар арқылы орналастыру.
  • Дәрілік өсімдікті құрастыру.
  • Мнемокесте арқылы гүлдің өсу ретін айту.

3-топ: Жәндіктер

  • Өрмекшіні басқа жәндіктермен салыстыру (аяқ, көз, дене мүшелері).
  • Екі схеманы толтыру: бір бөлігі — өрмекші, екінші бөлігі — басқа жәндіктер.
  • Мнемокесте арқылы қорытынды жасау: жәндіктердің көбісі 3 бөліктен (бас, көкірек, құрсақ) тұрады, ал өрмекші 2 бөліктен тұрады.
  • Көбелектің даму (өсу) кезеңдерін көрсету.

Проблемалық сұрақтар

Әр топқа фишкалар таратылады. Топтар ақылдасып, жауап береді.

  • Егер құстар болмаса, не болар еді?

    Әсем ән тыңдай алмас едік; жәндіктер көбейіп, ағаштарға зиян келтіруі мүмкін.

  • Жәндіктер не үшін керек? Олардың пайдасы бар ма?

    Табиғаттағы тепе-теңдікті сақтауға көмектеседі: кейбірі тозаңдандырады, кейбірі топырақтың құнарын арттыруға ықпал етеді.

Сергіту сәті

Әуен қосылады. Балалар қимыл-қозғалыс жасап, сергіп алады.

Тапсырма: кубиктерден және гүл шоғынан төрт жыл мезгілінің белгілерін құрастыру.

Келесі аялдама: зертхана

Картаға қараймыз: енді зертханаға барамыз. Балалар қалауы бойынша топтарға бөлінеді.

Эксперимент: топырақты зерттеу және суды тазарту.

Эксперимент қорытындысы

Топыраққа су құйғанда, судың бетінде не пайда болды?

Көпіршіктер пайда болды — демек, топырақта ауа бар.

Судың бетінде тағы нені байқадыңдар?

Қарашірік бөлшектерін көреміз. Мнемокесте арқылы қорытынды жасалады.

Слайдпен жұмыс: балалар «Жасыл ел» акциясына қатысып, балабақша бақшасына жеміс ағашын отырғызды.

3) Рефлексиялық-түзету кезеңі

Қорытындылау

Карта бойынша қорытынды сұрақтар:

  • Біз бүгін қайда бардық? — Круиз-саяхатқа бардық.
  • Не істедік? Не түсіндік? — Әр бала өз ойымен бөліседі.

Балаларды мадақтау.

Күтілетін нәтиже

Білу керек

  • Жыл құстары мен қыстап қалатын құстардың атауларын.
  • Жәндіктердің құрылысын (негізгі бөліктерін).

Дәлелдей білу керек

  • Қарашірік — өсімдік қалдықтары мен ұсақ ағзалардың ыдырауынан түзілетін құнарлы қабат екенін.

Үйрену керек

  • Топырақ құрамын ажыратуды.
  • Суды тазарту жолын (сүзу арқылы).
  • Топпен жұмыс жасауды және сұрақтарға толық жауап беруді.