Оқушылардың логикалық ойы мен математикалық тілін дамыту

Сабақ туралы мәлімет

Оқушыларды өз бетінше тұжырым жасауға, ойларын дәлелдеуге дағдыландыру; танымдық қабілеттерін дамытуға мүмкіндік беру.
Көптаңбалы сандарды қосудың тәсілдерін меңгерту және жылдам ойлауға үйрету.

Оқушылардың логикалық ойлауын және математикалық тілін дамыту.
Ертегі арқылы қызығушылықты арттыру; өмірлік жағдайлардағы мәселелерді шешу арқылы математикалық және шығармашылық қабілеттерін анықтау әрі дамыту.

Тиянақтылыққа, сауаттылыққа, ұстамдылыққа, жылдам ойлауға және мәдениетті, көркем сөйлеуге тәрбиелеу.
Жауапкершілік, белсенділік, мақсатқа ұмтылу, нақтылық сияқты тұлғалық қасиеттерді дамыту.

Әңгімелеу СТО стратегиялары Талдау–жинақтау Топтық жұмыс

Жұмысқа бағыттау және топқа бөлу

Оқушылармен амандасу.
Әнұран орындату.
Сыныпты 3 топқа бөлу: геометриялық фигуралар арқылы (оқушылар тақтаға шығып, арнайы карточкадағы фигураны таңдайды).

1-топ

Үшбұрыш (қызыл)

2-топ

Шеңбер (көк)

3-топ

Төртбұрыш (жасыл)

Топ ережесін еске түсіріп, қажет болса қосымша шарттармен толықтыру. Сабаққа дайындық жасау.

Өзара тексеру және салыстыру

Үй тапсырмасын бір-бірімен алмастырып тексерту. Дұрыс жауабын дауыстап оқытып, нәтижелерін салыстыру.

Ертегі арқылы сабақтың логикасын құру

Бүгінгі сабақтың мақсаты хабарланады: сабақ ертегі сабақ түрінде өтеді. Негізгі желі — «Жеті лақ пен қасқыр» ертегісі.

Ертегі мазмұнына сүйену

Біз қасқырдың ешкінің 6 лағын алып кеткенін білеміз. Енді ешкі бізден көмек сұрайды.

Балалар, ешкінің өтінішін орындаймыз ба?
Қасқыр лақтарды қайтару үшін әр лаққа бір тапсырмадан берілген: бір тапсырманы орындасақ — бір лақ қайтарылады.
Барлығы 6 тапсырма орындалады.
Тапсырмалар әр топқа жеке беріледі. Орындау деңгейі (+/−) белгілерімен бағаланып отырады.