Қазақша рефераттар

Жемісінің құрылысымен танысу

Сабақтың тақырыбы

Жуа тұқымдастар. Гүлі мен жемісінің құрылыс ерекшеліктері, тіршілік формалары.

№28 зертханалық жұмыс: жуа тұқымдасы өсімдіктерінің гүлі мен жемісінің құрылысымен танысу.

Сабақтың мақсаты

Жуа тұқымдас өсімдіктердің гүлдері мен жемісінің құрылысымен танысу және теориялық білімді тәжірибеде қолдану.

Міндеттері

  • Жуа тұқымдас өсімдіктермен таныстыру.
  • Жуа тұқымдас өсімдіктер гүлдерінің құрылысын талдау.
  • Жемісінің құрылысымен танысу.
  • Теориялық білімді практикада қолдану.
  • Топтық жұмыс барысында пікір алмасу және алған білімді бекіту.

Сабақтың форматы

Сабақтың түрі

Аралас сабақ.

Әдіс-тәсілдер

Жеке және топтық жұмыс, сұрақ-жауап, қорыту, талдау, бекіту, бағалау.

АКТ және көрнекілік

Интерактивті тақта, стикерлер, маркерлер, флипчарттар, плакаттар, суреттер.

Күтілетін нәтиже

  • Оқушылар жуа тұқымдас өсімдіктердің түрлерін және құрылысын ажырата алады.
  • Зертханалық жұмыс барысында гүл мен жеміс құрылысын танып, өмірде қолдана біледі.
  • Жуа тұқымдас өсімдіктердің халық шаруашылығындағы маңызын түсінеді.
  • Бір-біріне сұрақ қойып, жауапты нақтылап, бағыттай алады.
  • Ой қорытып, өз пікірін негіздеп айтады.

Сабақтың барысы

Ұйымдастыру кезеңі

  1. 1 Амандасу.
  2. 2 Ынтымақтастық атмосферасын қалыптастыру: жұптасып бір-біріне тілек айту.
  3. 3 Төрт топқа бөлу: оқушыларға өткен тақырып (лалагүлділер тұқымдасы) бойынша өсімдік атаулары жазылған карточкалар таратылады, соған сәйкес топтарға бірігеді.

Үй жұмысын тексеру

Сын тұрғысынан ойлау: 4 минут

Мұғалім оқушылардың жай және күрделі сұрақ қоя алуын бақылап, жауаптарына қарай нақтылаушы сұрақтар қояды.

Жаңа сабақ: ой қозғау

Сұрақ: Біз күнделікті тағамға қандай көкөніс өсімдікті қосамыз? Бұл өсімдіктің маңызы туралы не білесіздер?

Оқушылардың жауаптарына сүйене отырып, мұғалім қосымша сұрақтар арқылы талқылауды тереңдетеді.

1-тапсырма

Интерактивті тақтадан тақырыпқа қатысты суреттер көрсетіледі. Оқушылар берілген ақпаратқа сүйеніп, сурет бойынша шағын ертегі құрастырады және постер әзірлейді.

2-тапсырма

Оқушылар зертханалық жұмыстың мақсатымен танысады, топ ішінде талқылайды және жеке кестеге бақылау нәтижелерін түсіреді.

№28 зертханалық жұмыс

Тақырыбы

Пияз туыстас өсімдіктердің гүлдерінің құрылысы және жемісі.

Мақсаты

Пияз туыстас өсімдіктердің гүлдері мен жемісінің құрылысын зерттеу.

Құрал-жабдықтар

  • Пияз туыстас гүлшоғырлар
  • Ұлғайтқыш әйнек
  • Қысқыш

Жұмыс барысы

  1. 1. Пияз өсімдігінің гүлшоғырының құрылысымен танысу.
  2. 2. Күлте жапырақшаларының санын анықтау және олардың түсін сипаттау.
  3. 3. Аталық пен аналықтың құрылысын қарастыру.
  4. 4. Жемістерінің ерекшеліктерін анықтау.