Тренинг барысы:І

Ашық тренинг-сабақ: «Кәсіби Мен» тұжырымдамасы (қарым-қатынас тренингі)

Мақсаты

Қатысушыларды «кәсіби Мен» тұжырымдамасының негізгі мәселелерімен таныстыру, позитивті Мен тұжырымдамасын дамыту, топтық бірлікті күшейтуге бағытталған тапсырмалар мен жаттығулар орындау. Сонымен қатар қатысушыларға өз өмірлік ұстанымын, кәсіби ресурстарының деңгейін сезініп, танып-білуге мүмкіндік беру.

Тренинг барысы

Жүргізушінің кіріспесі (психолог)

Жүргізуші тренингтің мақсатымен таныстырады: бүгінгі тренингте позитивті кәсіби Мен тұжырымдамасын дамыту мәселелерін қарастырамыз. Сіздерге өз өмірлік позицияңызды тануға, топ болып бірлесіп жұмыс істеу дағдыларын дамытуға арналған бірнеше тапсырма мен жаттығу ұсынылады. Сондай-ақ өмірлік проблемаларды шешуге бағытталған сұрақ-жауап бөлімі болады.

Қатысу ережелері

Құпиялылық: тренингте айтылғанның барлығы осы жерде қалады.
«Мен» қағидасы: тек өз сезімім мен тәжірибем туралы айтамын, ашық әрі шынайы пікір білдіремін.
Бағалау жоқ: бір-бірімізді сынамаймыз, өзгелердің қатысуымен жеке өмірге баға бермейміз. Әркімнің өз өмірі — өз жауапкершілігі, қателесуге құқы бар.
Қателесуге болады: тренингте «дұрыс» немесе «дұрыс емес» жауап жоқ.
Белсенді тыңдау: біреу сөйлегенде, қалғанымыз тыңдаймыз; бір-біріміздің сөзімізді бөлмейміз.
Еркіндік: кейбір жаттығуларға қатысқыңыз келмесе, бұл — өз еркіңіз.

Танысу

Тренинг бірнеше бөлімнен тұрады. Бірінші бөлім — танысу. Біз тапсырмалар мен жаттығуларды бірге орындау үшін жиналғандықтан, ең алдымен өзара түсіністікті таныстықтан бастайық.

1-қадам: визитка

Қатысушыларға визиткалар таратылады. Тренинг барысында өзіңізді қалай атағанын қаласаңыз, солай жазыңыз: аты-жөніңізді, әкеңіздің атымен қоса (мысалы, «... апай», «... ағай») немесе өзіңізге ыңғайлы басқа нұсқаны.

2-қадам: өзін таныстыру

Енді өзіңізді таныстырыңыз. Қалаған қалыпта амандасып, өзіңізге ыңғайлы стильде (мысалы, иіліп, қол бұлғап және т.б.) қысқаша таныстыру жасаңыз.

Рақмет! Осылайша біз бір-бірімізге алғашқы қадамды жасадық.