Поездің суретін салу

Информатика (7 сынып)
Сабақтың тақырыбы: Paint патшалығына саяхат
Сабақтың мақсаты:
Білімділік: Жаңа заман ағымына сай компьютерлік біліктілік қорларын өз беттерімен жетілдіре отырып, берілген топтық жұмыстарды орындату.
Тәрбиелік: Эстетикалық талғамын қалыптастыру, нәтиже алуға және уақытта үнемдеуге дағдыландыру, ұйымшылдыққа тәрбиелеу.
Дамытушылық: Графикалық бейнелеу жұмыстарын орындау арқылы бейнелік ойлау қабілетін дамыту.

Сабақтың түрі: аралас
Сабақтың типі: теориялық - практикалық
Пәнаралық байланыс: геометрия, бейнелеу өнері
Оқыту әдістері: сөздік, көрнекі, практикалық
Оқыту формасы: жеке, ұжымдық
Жабдықтау: ЕТ, оқу құралдары, деңгейлік тапсырмалар, үлестірмелі карточкалар

Сабақ барысы
І. Ұйымдастыру кезеңі. Оқушыларды түгендеу, назарларын сабаққа аударып, сабаққа дайындықтарын тексеру. Сыныптағы оқушыларды екі топқа бөлу.
1. Асыл тас тобы
2. Болашақ тобы

ІІ. Кім білімді? Сұрақтарға жауап беру. (Сұраққа дұрыс жауап берген топқа 1 жұлдызшадан беріліп отырады)
1. Paint графикалық редакторы не үшін қажет?
2. Paint г. р. қалай іске қосамыз? (Компьютерде орындау)
3. Paint г. р. терезесінің элементтерін ата. (Компьютерде орындау)
4. Палитра не үшін қажет?
5. Құрал саймандар тақтасындағы құралдарды ата. (Тақтада ілулі тұрған құралдардың қызметін атау)
6. Пернетақтада неше перне бар?

ІІІ. Көрсетейік . Тақтада бірдей түсті бірнеше торкөздер ілінген, олардың астында жасырылған түрлі математикалық фигуралар бар, солардың ішінен екі бірдей фигураны табу керек.
(Дұрыс тапқан топқа 1 жұлдызшадан)

ІҮ. Деңгейлік тапсырмалар.
1. Бұлттың суретін салу
2. Поездің суретін салу
3. Ғимараттың суретін салу
4. Шәйнектің суретін салу
(Суреттеріне қарап бағалау)

Ү. Кім зерек . Тақтадағы суретте неше таяқша бар?
(Жылдам тапқан топқа жұлдызша беріледі)

ҮІ. Орындайық Суретті қолыңды алмай сал.
Екі сурет беріледі, соны жылдам, әрі дұрыс салу керек.
(Дұрыс, әрі жылдам салған топқа жұлдызша беріледі)
ҮІІ. Қарақшы Үзінділерді жылжыта отырып, қарақшыны киіндір, содан кейін киімін қайта ауыстыр.
ҮІІ. Сабақты қорытындылау. Көп жұлдызша жинаған топ жеңімпаз атанады.
ІХ. Оқушыларды бағалау.
Х. Үйге тапсырма. Қағазда және компьютерде сурет салу айырмашылықтарын жазу.