Қараңдаршы сендер суреттен нені көріп тұрсыңдар

Білім беру саласы және ұйымдастырылған оқу іс-әрекеті

Негізгі деректер

Білім беру саласы: Таным
Оқу іс-әрекеті: Құрастыру
Тақырып: Біздің үй

Көрнекіліктер мен ресурстар

Воскобовичтің «Геоконт» ойын құралы
Бірнеше резеңке
Проектор, слайд
Аңдар, құстар, балықтардың суреттері (ойынға арналған)

Мақсаты мен міндеттері

Бұл оқу іс-әрекетінің негізгі мақсаты — балаларға әр адамның өз тұратын үйі болатынын түсіндіру және Воскобовичтің «Геоконт» ойын құралы арқылы ой-танымын, саусақ моторикасын дамыту.

Дамытушылық бағыт

Түстерді, көлемді, пішінді ажырату
Саусақ моторикасы мен дәл қимылды жетілдіру
Үлгі бойынша құрастыру және схема жасау

Ойлау дағдылары

Координат жүйесінде нақтылау
Ұқсастық пен айырмашылықты табу
Нүкте, сызық, бұрыш, кесінді ұғымдарын бекіту

Тәрбиелік міндеттер

Шыдамдылыққа тәрбиелеу, жұмысты соңына дейін орындауға дағдыландыру, жан-жануарлардың мекендеу ортасын дұрыс анықтай білу қабілетін арттыру.

Сабақ барысы

1) Мотивациялық-қозғаушы кезең

Балалармен «Не қайда тұрады?» дидактикалық ойыны ойналады. Тәрбиеші суреттерді көрсетіп, сұрақ-жауап арқылы әр тіршілік иесінің өз мекені болатынын бекітеді.

Үй жануарлары

Сиыр, қой, түйе — адамдарға жақын жүреді.

Мекені: қора

Жабайы аңдар

Қасқыр, аю, түлкі — табиғатта өмір сүреді.

Мекені: орман

Суда тіршілік ететіндер

Балық, акула, дельфин — суда өмір сүреді.

Мекені: су

Қорытынды сұрақ: «Ал адамдар қайда тұрады?» Балалардың жауабы: үйлерде.

2) Іздену-ұйымдастырушы кезең

Балалар слайд арқылы әртүрлі үйлермен танысады. Тәрбиеші балалардан өз үйлерінің неше қабатты екенін, қай көшеде тұратынын және үйде қандай бөлмелер болатынын сұрайды.

Қысқаша түсіндіру

Адамдар ертеден-ақ өзіне ыңғайлы әрі жылы баспана салуды білген. Бабаларымыз киіз үйде тұрған. Қазіргі таңда үйлердің түрі көп:

Бір қабатты үй — ауласы бар жеке үй.
Көп қабатты үй — бірнеше қабатты, пәтерлері көп тұрғын үй (ауласы ортақ).
Мансард — шатыр астында терезесі бар бөлмесі (көбіне жатын бөлме) болатын үй бөлігі.
Коттедж — жеке ауласы бар, сәнді салынған 2–3 қабатты үй.

Бекіту (айтылым)

«Үй» — дом.
«Жатын бөлме (жатынжай)» — спальный.

Балаларға бүгін өздеріне ыңғайлы, әдемі үйді «Геоконт» арқылы құрастыру ұсынылады. Бұған дейін балалар үйді сурет салу, түрлі-түсті қағаздан жапсыру, таяқшалармен құрастыру сияқты тәсілдермен жасап көргенін еске түсіреді.

«Геоконт» қалай жұмыс істейді?

Құралда түрлі түсті шегелер орналасқан. Балалар резеңкені шегелерге іліп, пішіндер жасайды.

Үйдің қабырғасын төртбұрыш етіп құрастыру
Шатырын үшбұрыш түрінде жасау
Терезе мен есікті үлгі бойынша толықтыру

Сергіту сәті

Көтеріліп шаңырақ,
Керегелер керілер.
Уықтары шаншылып,
Өрімдей болып өрілер.
Қол ұстассақ айнала,
Киіз үй болып көрінер.

Өлең мазмұнына сәйкес қимыл-қозғалыстар орындалады.

Практикалық жұмыс

Балалар резеңкелерді шегелерге дұрыс қыстырып, үйдің пішінін құрастырады. Тәрбиеші үлгі бойынша бағыттап, шатыр, терезе сияқты бөліктерді толықтыруға көмектеседі.

3) Рефлексивті-коррекциялаушы кезең

Бағалау және мадақтау

Балалардың аяқтаған жұмыстары қаралып, ұқыптылығы, дәлдігі, шыдамдылығы атап өтіледі. «Бүгін біз әдемі көшелер құрастыра алдық» деген қорытынды жасалады.

Қайталау ойыны: «Не қайда тұрады?»

Ойын шарты: балалар суреттегі жануарды оның мекенімен резеңке арқылы қосады:

Балық — суға
Түлкі — орманға
Қой — қораға

Қорытындылау

Балалар бүгінгі оқу іс-әрекетінен алған әсерімен бөліседі: қандай үй түрлерін атады, қандай пішіндер жасады, «Геоконтпен» жұмыс істеуде нені үйренді.

Күтілетін нәтиже

Біледі

Әр адамның өз тұратын үйі болатынын және үйлердің бір қабатты, көп қабатты, мансард, коттедж түрлері болатынын.

Меңгереді

«Геоконт» ойын құралын пайдалануды және резеңкемен жұмыс жасауды.

Жасай алады

«Геоконт» ойын құралын пайдаланып үй құрастыруды (үлгі бойынша пішіндер мен бөліктерді толықтыру).

Zharar.kz