Арқаның асқақ әншілері

Ақтөбе облысы, Ақтөбе қаласы,
№32 мектеп-гимназиясының музыка пәнінің мұғалімі
Мухамедиева Дәмелі Орынбасарқызы

Сабақтың тақырыбы: Арқаның асқақ әншілері.
Мақсаты:
Білімділік: Арқаның әншілері Ақан сері, Біржан сал, Жаяу Мұса туралы түсінік беріліп орындаушылық қабілеттерін қалыптастыру. Халық композиторларының өмірі мен шығармаларын есте сақтау.
Дамытушылық: Халық композиторларының шығармаларының шығу тарихы, орындалуы туралы түсіндіріп дамыта оқыту, әндерін орындалу шеберлігін шыңдау.
Тәрбиелік: Адамгершілікке, патриоттыққа, отаншылдыққа баулитын әндерін орындау арқылы өнерге қызығушылығын арттыру.

Сабақ типі: Бекіту
Сабақ әдісі: Сұрақ-жауап, логикалық ойлау, баяндау.
Көрнекілік: Халық композиторларының портреттері, домбыра, баян аспабы, үнтаспа
Пән аралық байланыс: Музыка, Мұрагер, Әдебиет, Тарих пәндері

Сабақ барысы: Ұйымдастыру, Үй тапсырмасын тексеру арқылы білімділік тақырыбына
ұмтылдыру, тақырыпты әрі қарай дамыту.
Балаларға ұйымдастыру сабағы беріледі.

1 сұрақ.
Қазақтың дәстүрлі ән айту өнері туралы не білеміз?
Қазақтың домбыраға немесе басқа аспапқа қосылып айтатын әншілік дәстүрін ән айту өнері дейміз.
2 сұрақ
Дәстүрлі ән өнерін дамытушылар туралы не білеміз?
Түрлі аспаптар мен өзі сүйемелдеп, өзі ән айтатын дәстүрлі өнерімізді небір тарлан таланттар үлкен көркемдік деңгейге көтеріп, әлемдік ән айту өнерінің өзіндік ірі саласы ретінде қалыптастырды.

Өте жақсы, олай болса бүгінгі сабағымыздың тақырыбы:
Өнер атаулығы бас иетін, ән құмар, жыр құмар халқымыздың көкейіне музыканың биік шыңын ұялатқан Арқаның асқақ әншілері туралы болмақ.