Ахмет атаға хат

Қазақ тілі: қысқа мерзімді жоспар (5-сынып)

Ұзақ мерзімді жоспар тарауы: «Адамгершілік — асыл қасиет». Бұл сабақта оқушылар Ахмет Байтұрсынұлының шығармалары арқылы кейіпкер бейнесін ашу, өз ойы мен әсерін жазбаша жеткізу дағдыларын дамытады.

Сабақ тақырыптары

«Егіннің бастары» мысалы
«Әке өсиеті»
«Ахмет атаға хат»

Оқу мақсаттары

5.Т/Ж3

Көркем шығармадағы кейіпкер портреті мен іс-әрекеті арқылы образын ашу.
5.2.4.1

Көркем шығармадан алған әсерін сипаттап, авторға хат немесе өлең жазу.

Мұғалім туралы

Мұғалімнің аты-жөні: Мамбетова А. М.

Сабақ мазмұны: А. Байтұрсынұлы шығармалары негізінде тыңдалым, оқылым және жазылым тапсырмалары арқылы ой қорыту, дәлелдеу және шығармашылық жазу.

Алдыңғы білім: суретпен жұмыс

Оқушыларға екі сурет ұсынылады: дәні жоқ егіннің басы және дәнге толы егіннің басы. Тақырыпты өздері ашуы үшін мұғалім жетекші сұрақтар қояды.

Жетекші сұрақтар

Балалар, суреттен нені байқадыңдар?
Бұл не? (Бидай)
Сендер бидай туралы қандай мәлімет білесіңдер?

Қысқаша мәлімет

Бидай — бүкіл әлемдегі негізгі азық көздерінің бірі. Азық-түлік өнімі ретінде бидайдың құнды қасиеттері көп. Бидай дәні — аса құнарлы әрі қуатты тағам.

Карта бойынша жұмыс: Қазақстанда бидай өсірілетін өңірлерді көрсету (Батыс, Орталық, Шығыс және Оңтүстік өңірлер).

Сабақтың басы (7 минут)

Мұғалімнің кіріспе сөзі

Бүгін біз Ахмет Байтұрсынұлының «Егіннің бастары» мысал өлеңін, сондай-ақ «Әке өсиеті» және «Ахмет атаға хат» тақырыптарын қарастырамыз.

Тыңдалым

Топқа бөлінбес бұрын «Егіннің бастары» мысалын аудиожазбадан тыңдаймыз.

Тыңдалым алды тапсырма

Мысалдағы кейіпкерлерді атаңдар. Сол атаулар арқылы топтарға бөлінеміз.

Топқа бөлу

1-топ: Дәні көп бидай
2-топ: Бала
3-топ: Әке
4-топ: Дәнсіз бидай

Сабақ мақсатын түсіндіру

Кейіпкердің портреті мен іс-әрекеті арқылы образын ашу.
Шығармадан алған әсерді сипаттап, авторға хат немесе өлең жазу.

Бірлескен оқыту

Оқылым: мәнерлеп оқу

Оқушылар оқулықтағы мәтінді кезектесіп, мәнерлеп оқиды. Оқу барысында кейіпкерлердің мінез-құлқы мен іс-әрекетіне назар аударып, олардың образын ашуға қажетті дәлелдерді мәтіннен табады.

Назар аударатын тұстар

Кейіпкердің сөзі мен әрекеті нені аңғартады?
Мысалдың негізгі ойы қандай?
Өмірмен байланысы қандай дәлелдер арқылы көрінеді?

Жазылымға бағыт

Оқылымнан кейін оқушылар шығармадан алған әсерін жинақтап, Ахмет атаға арнап хат немесе шағын өлең жазады. Жұмыста автор ойына өз көзқарасын білдіру және мәтіннен нақты дәлел келтіру ұсынылады.