Қазақша рефераттар

Сын есімді табу

Сабақ тақырыбы

Дара және күрделі сын есім

Сабақтың типі

Жаңа сабақ

Сабақтың түрі

Түсіндіру, сұрақ-жауап

Көрнекілік

Сурет, кесте

Сабақтың мақсаты

1) Білімдік мақсат

Оқушылардың сын есім туралы бұрынғы білімдеріне сүйене отырып, ұғымдарын кеңейту; сын есімнің дара және күрделі түрлерімен таныстыру. Сөйлем ішінен дара және күрделі сын есімдерді табуға, оларға сұрақ қоюға және бір-бірінен ажырата білуге үйрету.

2) Дамытушылық мақсат

Ойлау және есте сақтау қабілеттерін дамыту; ауызекі тілін жетілдіру; сөздік қорын молайту; байланыстырып сөйлеуге дағдыландыру және пәнге қызығушылығын арттыру.

3) Тәрбиелік мақсат

Ана тілін сүюге және қастерлеуге баулу. Сауатты әрі көркем жазуға үйрету. Кішіпейілділікке, адамгершілікке, әдептілікке тәрбиелеу.

Тәрбиелік бағыт: оқушыларды сауатты, көркем жазуға дағдыландыру.

Сабақ барысы

I. Ұйымдастыру кезеңі

  1. Сәлемдесу.
  2. Психологиялық дайындық: жақсылықты бойға сіңіру, жамандықтан аулақ болу.
  3. Үй жұмысын тексеру: «Сыңарын тап» ойыны.
    терең — таяз ыстық — суық адал — арам жұмсақ — қатты жуан — жіңішке

    Тапсырма: осы сөздерді қатыстырып сөйлем құрастыру.

  4. Жеке карточкалармен жұмыс (4 оқушы). Тексеру, бағалау.

II. Жаңа тақырып

  1. Сабақтың тақырыбы мен мақсатын хабарлау.
  2. Дәптерге айы мен күнін жазу.
  3. Көркем жазу

    Сөздер:

    долана, парта, Сапар

    Мақал:

    Әдепті бала ата-анасын мақтатар.
    Әдепсіз бала ата-анасын қақсатар.

    • Мақалды оқыту, мағынасын түсіндіру.
    • Көшіріп жазу.
    • Сын есімдерді табу, сұрақ қою.
  4. Сөздік жұмысы

    Тіркестер:

    көк ала сары ала

    Жазылуы мен мағынасын түсіндіру, сөйлем құрастыру.

    Мысал сөйлем:

    Мен көк ала дәптер сатып алдым.

    Тапсырма: сөйлемді сөйлем мүшесіне талдау.

  5. Ережені кесте бойынша құрастыру.

III. Оқулықпен жұмыс

  1. Оқулық: 135-бет (оқу, талдау).
  2. Жаттығу (тақтада, жазбаша):
    • Сын есімдерді табу.
    • Дара ма, күрделі ме екенін анықтау.
    • Дара сын есім неше сөзден тұрады? Күрделі сын есім ше?
    • Күрделі сын есімнің құрамындағы сөздер қалай жазылады?
  3. Жұмбақ шешу.
  4. Жаттығу (ауызша оқу). Терме жұмысы:
    Дара Күрделі
    Ұзын
    Қысқа
    Қызыл
    Ақ     		Қызғылт сары
    Қара сұр
    • 1-бағанға қандай сын есімдер жазылды? Неліктен?
    • 2-бағанға қандай сын есімдер жазылды? Неліктен?

IV. Сергіту сәті

«Менің есімім» ойыны: әр оқушы өз есімінің бастапқы әрпіне сай өзіне тән жақсы қасиетті айтады.

V. Бекіту

18-жаттығу — өздік жұмыс

  • Сын есімдерді табу.
  • Дара немесе күрделі екенін анықтау.

Шығармашылық жұмыс

Тақырып бойынша қысқа мәтін құрастыру немесе мысалдар келтіру арқылы дара және күрделі сын есімдерді қолдану.