Қазақша рефераттар

Тік төртбұрыштың қасиетін анықтау

Сабақ туралы мәлімет

Мектеп

№9 Ш. Уәлиханов атындағы орта мектеп

Мұғалім

Бисенғали Гүлжамал Дәуленқызы, бастауыш сынып мұғалімі

Пән, сынып

Математика, 2-сынып

Сабақтың тақырыбы

Тік төртбұрыш және оның қасиеттері

Сабақтың типі

Оқушылардың жаңа білімді меңгеру сабағы

Сабақтың мақсаты

Білімділік

Тік төртбұрыштың қасиеттерін анықтау; оның мәнді белгілерін нақтылау: ең жақын тегі — төртбұрыш, ал түрлік ерекшелігі — барлық бұрыштарының тік болуы.

Дамытушылық

Есепті әртүрлі тәсілмен шығарып, шешімдерін салыстыру; қосудың ауыстырымдылық және терімділік қасиеттерін қолдану; әртүрлі өрнектерді және олардың мәндерін салыстыру; ауызша және жазбаша есептеу дағдыларын дамыту.

Тәрбиелік

Оқушыларды білімпаздыққа, адамгершілікке, жолдастық қарым-қатынасқа тәрбиелеу.

Әдіс-тәсілдер мен көрнекілік

Әдіс-тәсілдер

  • Түсіндіру
  • Сұрақ-жауап
  • Көрнекілік арқылы түсіндіру
  • Жарыс элементтері

Көрнекілік құралдары

  • Геометриялық фигуралар
  • Тік төртбұрыш кестесі
  • Қосудың қасиеттері кестесі
  • Электрондық оқулық

Сабақтың барысы

1) Психологиялық дайындық

  • Сәлемдесу, оқушыларды түгендеу.
  • Сабаққа әзірлігін тексеру, оқу құралдарын дайындау.

2) Үй тапсырмасын тексеру

Өткен тақырыптарға шолу жасап, білімді пысықтау. Оқушылардың білімін жан-жақты тексеру.

3) Көркем жазу

Сандар

8, 9

Өрнек

8 + 9 = 17

4) «Миға шабуыл» (топтау стратегиясы)

«Төртбұрыш» сөзін құрастыру және жылдам сұрақтар арқылы өткенді еске түсіру.

Сұрақтар

  • Азайтудың компоненттерін ата.
  • Біртаңбалы сандарды ата.
  • Жұп сандарды ата.
  • Тақ сандарды ата.
  • 1 сағатта неше минут бар?
  • 1 тәулікте неше сағат бар?

Бірліктерді топтау

  • Уақыт бірліктерін топта.
  • Масса бірліктерін топта.
  • Ұзындық бірліктерін топта.

5) Жаңа сабақ: тік төртбұрыштың қасиеттері

Тақырып электрондық оқулық және түсіндіру арқылы ашылады. Оқушылар тік төртбұрышты төртбұрыштар қатарына жатқызуды және оның негізгі белгісін — барлық бұрыштарының тік екенін меңгереді.

Негізгі идея

Тік төртбұрыш — барлық бұрыштары тік болатын төртбұрыш.

Графикалық диктант (оқу және сызу)

Торкөз дәптерде:

  1. Оңға 6 торкөз.
  2. Төменге 4 торкөз.
  3. Солға 6 торкөз.
  4. Жоғары 4 торкөз.

6) Оқулықпен жұмыс

№22 тапсырма

Есепті әртүрлі тәсілмен шығару және шешімдерді салыстыру.

Қызыл: 4 және 5 (бөлік/бірлік).

Жасыл: 3 (бөлік/бірлік).

7) Деңгейлік тапсырмалар

І деңгей

Жақшаны дұрыс қой.

  • 6 + 5 + 2 = 9
  • 18 − 10 + 2 = 10
  • 6 + 6 − 10 = 2

ІІ деңгей

Бос торкөздерді толтыр. 12 санын қосынды түрінде өрнектеп көрсет. Сәйкес айырмаларды жазып, мәндерін тап.

ІІІ деңгей

Қосудың терімділік қасиетін пайдаланып, мысалдарды шығар.

Үлгі

6 + (1 + 4) = (6 + 4) + 1 = 10 + 1 = 11

  • 5 + (2 + 5) =
  • 3 + (7 + 4) =
  • 9 + (6 + 1) =

8) Сергіту сәті

Қимыл-қозғалыс арқылы қысқа сергіту жаттығулары орындалады.

9) Қорытындылау және бекіту

Сұрақтар

  • Шаршы туралы не білесің?
  • Тік төртбұрыш пен шаршының ортақ қасиеті неде?

Венн диаграммасы арқылы салыстыру.

Білімді нақтылау

  • Дұрыс тұжырымды көрсет: қосылғыштардың орындарын ауыстырғанда қосындының мәні өзгермейді.
  • Суретте қандай фигуралар бар?
  • Барлық қабырғалары тең төртбұрыштарды тап. Олар қандай сандармен белгіленген?
  • Мынау қандай фигура?

«Балапанға көмек»

(5 + 3) + 2 = 10

Математикалық жұмбақ: есептеп, шешімін табайық.

Бағалау және мадақтау

Сабақ соңында оқушылардың жұмысы бағаланып, белсенділік танытқан, алғырлық пен зейін көрсеткен шәкірттерге алғыс айтылады.