Қойдың суретін салу

Сабақ тақырыбы: Төрт түлік

Бұл сабақ «Айналамен таныстыру» бөліміне арналған. Балалар төрт түлік туралы қарапайым түсінік қалыптастырып, олардың төлдерін атауды, алынатын өнімдер туралы әңгімелеуді үйренеді. Сондай-ақ малды шақыру және қоралау сөздерін қолданып, төрт түлікті бағып-күту жолдарын түсінеді.

Сабақ түрі

Аралас сабақ

Әдісі

Сұрақ-жауап, көрсету

Көрнекілігі

Ойындар, суреттер, интерактивті тақта, СD-диск, ойыншықтар

Сабақ мақсаты

Төрт түліктің пайдасы туралы бастапқы түсінік қалыптастыру.
Төлдерін атау және алынатын өнімдер туралы әңгімелеу.
Малды шақыру, қоралау сөздерін дұрыс қолдануға үйрету.
Төрт түлікті бағып-күту туралы түсіндіру.
Ойын арқылы тілдік қорын, дүниетанымын кеңейту.

Сабақ барысы

I. Ұйымдастыру: «Жылулық шеңбері»

Аспанымыз ашық болсын,
Хан туымыз биік болсын.
Әке-шешем аман болсын,
Деніміз сау болсын.

II. Оқулықпен жұмыс

Сурет бойынша жұмыс

Малдың төлдерін атау: боталы түйе, бұзаулы сиыр, қозылы қой, лақты ешкі, құлынды бие.
«Мал ұрпақ көбейтеді, төлдейді» түсінігін бекіту.

Төлдеу атаулары

Ешкі — лақтайды

Түйе — боталайды

Жылқы — құлындайды

Сиыр — бұзаулайды

Қой — қоздайды

Малдың пірі

Қойдың пірі — Шопан ата.

Шығармашылық жұмыс: сурет салу

Балалар қойдың суретін салады. Мақсаты — бақылау қабілетін арттыру және тақырыпты визуалды түрде бекіту.

«Кім тапқыр?» тапсырмасы

Берілген сөздермен сөйлем құрау арқылы балалардың тілдік дағдысы дамытылады.

Мысал

Сиыр бұзаулайды.

Мысал

Қорада қой қоздады.

Сергіту сәті

Біздің үйдің ешкісі
Күнде тәртіп бұзыпты.
Балаларды сүзіпті,
Жемістерді үзіпті.
Міне, осындай әдепті
Анам көріп қалыпты,
Мүйізін қағып алыпты.

Дыбыстық жұмбақ: малдың дауысын ажырату

СD-дискіден төрт түліктің дауысы тыңдалып, балалар оларды ажыратып, шақыру сөздерін айтады.

Мал	Шақыру сөзі
Сиыр	Әукем, әукем
Қой	Пұшайт, пұшайт
Ешкі	Шөре, шөре
Түйе	Көс, көс
Жылқы	Құрау, құрау

Жұмбақтар

Қабат-қабат тоны бар,
Кішкентай ғана тоны бар,
Айналдырып киген тоны бар.

Жауабы: қой

Екі айнасы бар,
Екі найзасы бар,
Төрт сылдырмағы бар,
Бір шыбыртқысы бар.

Жауабы: сиыр

Киелі бір жануар,
Үстінде екі тауы бар.

Жауабы: түйе

Ойын: «Артығын тап»

Берілген сөздер қатарынан артық сөзді табу:

Сиыр Түйе Жылқы Қоңыз Қой

Талқылау: неге қоңыз артық? (Өйткені ол төрт түлікке жатпайды.)

Қорытынды

Сұрақ

Біз нені үйрендік?

Сұрақ

Не туралы әңгіме айттық?