Араның тапсырмалары
Сабақ туралы қысқаша мәлімет
Сабақтың тақырыбы
Ж дыбысы және әрпі
Сабақтың мақсаты
- Ж дыбысының айтылу артикуляциясымен таныстыру.
- Басқа дыбыстардың ішінен ажырата білуге үйрету.
- Сөзге дыбыстық талдау жасауға және сөзді буынға дұрыс бөлуге дағдыландыру.
- Сурет арқылы заттың атауын анықтау, ойлау қабілетін дамыту.
Сабақтың әдістері
Сұрақ-жауап, түсіндіру, ойын, көрнекілік, жұмбақ шешу.
Көрнекіліктер
Суреттер, кеспе буындар, жаңа әріптің баспа және жазба үлгілері.
Сабақтың барысы
1) Ұйымдастыру кезеңі
Психологиялық дайындық және амандасу.
Амандасу өлеңі
Амандасу — үлкенге,
Тәрбиенің басы ғой.
Ал, қанеки, бәріміз,
«Сәлем!» дейік үлкенге.
Балалар қонақтармен амандасады.
Сынып ұраны
Біз — көңілді балалармыз!
Ештеңеден қорықпаймыз.
Келген қонақтарға
Ортаға білімімізді саламыз!
2) Өткенді қайталау
Дыбыс пен әріптің айырмашылығы
Дыбысты естиміз, айтамыз; ал әріпті көреміз, оқимыз, жазамыз.
Дыбыстар сөздің қай жерінде кездеседі?
Дыбыстар сөздің басында, ортасында, аяғында кездеседі.
Үй тапсырмасы
«Ы» дыбысына сөз ойлап келу.
3) Жаңа сабақ: «Ж» дыбысы және әрпі
Балаларға «Ж» дыбысынан басталатын сөздерге байланысты жұмбақтар жасырылады. Жауаптар сурет арқылы бекітіледі.
Жұмбақ 1
Күндіз бәрі қашады,
Түнде аспанды басады.
Жауабы: Жұлдыз
Жұмбақ 2
Төбеден төнеді,
Тамшысын төгеді.
Жауабы: Жаңбыр
Жұмбақ 3
Ағайынды бәрі.
Шықса жасыл,
Түссе сары.
Жауабы: Жапырақ
Жұмбақ 4
Күндіз тіпті ұшпайды,
Түнде тышқан ұстайды,
Көзі шамға ұқсайды.
Жауабы: Жапалақ
Қорытынды сұрақ
Сұрақ: Осы сөздердің барлығы қандай дыбыстан басталады?
Жауап: «Ж» дыбысынан.
Жаңа дыбыс
«Ж» дыбысы
Жаңа әріп
«Ж» әрпі (баспа/жазба)
Жұмыс түрі
Әліппе-дәптерімен жұмыс
Талқылау: «Ж» дыбысы қандай дыбыс? Оны қандай түспен/текшемен белгілейміз?
4) Сергіту сәті
Алтын, сары, қызыл, көк,
Алуан-алуан жапырақ.
Күзгі бақта күлімдеп,
Көз тартады атырап.
Ой, алақай, тамаша,
Шашу шашты жапырақ,
Бақтың іші алаша.
5) Бекіту: «Ара» арқылы тапсырмалар
Жұмбақ
Гүлдерге қонады,
Шырынын сорады.
Түр-түсі сары ала —
Бұл не?
Жауабы: Ара
Дыбыстау: Ара қандай дыбыс шығарады? ж-ж-ж-ж-ж
Ара, ара, аралар,
Орманды түгел аралар.
Гүлдерден сорып бал алар.
Магниттік тақтаға гүлдердің суреттері ілінеді. Ара қай гүлге қонса, сол гүлде тапсырма болады.
Тапсырма 1
Әріптердің арасынан жасырынған «Ж» әрпін тауып, астын сызыңдар.
Тапсырма 2
«Не артық?» ойыны: карточкадағы артық затты тауып, неліктен артық екенін түсіндіріңдер.
Тапсырма 3
Жолбарыс, Жылан, Жапырақ сөздеріне дыбыстық талдау жасап, сөйлем құрастырыңдар.
Тапсырма 4
Дидактикалық ойын: «Буынға буын қос». Басталған буынға буын қосып, сөз құрастырып, анық айтып шығу.
Тапсырма 5
Тақтада әртүрлі суреттер ілінеді: жүзім, машина, қонжық, түйе, доп, көжек, жылқы. Осы суреттердің ішінен «ж» дыбысы барларын тауып, атауын атап, буынға бөліңдер.
Балалар араның барлық тапсырмаларын орындап шығады.
6) Қорытынды және тәрбиелік бөлім
Қорытынды сұрақтар
- Бүгін қандай дыбыспен таныстық?
- «Ж» дыбысы дауысты ма, дауыссыз ба?
Мұғалім балалардың белсенділігі мен еңбегін атап өтіп, ынталандырады.
Ынталандыру
Сендер — Қазақстан Республикасының кішкентай азаматтарысыңдар. Келешекте еліміздің жарқыраған жұлдыздары болыңдар!
Оқушыларға жұлдызша түріндегі марапат ұсынылады.
Тәуелсіздік туралы еске салу
Қазақстан — тәуелсіз мемлекет. Тәуелсіздік мерекесі 16 желтоқсан күні атап өтіледі.
Он алтыншы желтоқсан —
Тәуелсіздік алған күн.
Мерекені ел тосқан,
Атамменен барған күн.
Он алтыншы желтоқсан —
Тәуелсіздік алған күн.
Ерекше болып мәңгілік,
Ел жадында қалған күн.