Кедергілерден өтіп жүгіру

Сайыстың тақырыбы

Спорттық сайыс — дода.

Сайыстың мақсаты

Салауатты өмір салтын қалыптастыру

Қозғалыс белсенділігін арттыру, спорт мәдениетін дамыту.
Денсаулықты нығайту

Жалпы төзімділік пен физикалық дайындықты күшейту.
Спортқа қызығушылықты арттыру

Жарыс арқылы мотивация мен белсенді қатысуды қолдау.
Топтық сайысқа баулу

Бірлік, өзара қолдау, тәртіп пен жауапкершілік.
Жылдамдық, икемділік, күш

Жаттығулар арқылы негізгі физикалық қабілеттерді дамыту.
Төзімділік қалыптастыру

Ұзаққа шыдамдылық пен қарқын сақтауды үйрету.

Керекті спорттық құрал-жабдықтар

Доп Секіртпе Тығыз доп Барьер Шеңбер Арқан Қап Т.б.

Салтанатты ашылу

Рәсімнің басталуы

Сайыстың салтанатты түрде ашылуы.
Әнұранның орындалуы.
Сайыс түрлері мен ережелерін хабарлау: 9 кезең.

Жарыс рухы

Қазылар орнықтырар әділдікті,
Кімдердің таныстыруы кәміл шықты.
Спорт пен жылдамдықтың сайысында,
Жеңіске жетер дейміз нағыз мықты.

Әділқазылар алқасымен таныстыру.

Сайыс кезеңдері (9 кезең)

I кезең — Құрамаларды таныстыру және қайталама жүгіріс (жүкпен)

Қатысушылар құрама атынан таныстырылады. Бұйрық бойынша жүкпен жүгіріп, белгіленген жерге жетіп, қайта оралады.

II кезең — Допты алып жүгіру

Әр құрама мүшелері допты еденге соғып (дриблинг жасап) белгіленген жерге дейін апарып, қайта алып келіп, келесі қатысушыға тапсырады.

III кезең — Секіртпемен жүгіру

Белгіленген нүктеге дейін секіртпемен секіріп барып, айналып келіп, секіртпені келесі ойыншыға береді. Барлық қатысушы орындағанша жалғасады.

IV кезең — «Кенгуру»

Допты аяқтың қылтасына қысып алып, екі аяқпен алға секіріп белгіленген жерді айналып өтеді. Қайтарда допты қолға ұстап жүгіріп келеді.

V кезең — Кедергілерден өтіп жүгіру

Қатысушы кедергіден жүгіріп өтеді, алға қарай «сатыда» домалап өтеді, жердегі шеңберді үстінен киіп, жерге қояды. Қайтарда тура жүгіріп келеді.

VI кезең — Жұптасып шеңбермен жүгіру

Команда мүшелері екі-екіден жұптасып, шеңбердің ішінде адымдап, жанымен жүгіреді. Шеңбер келесі жұпқа беріліп, кезең осылай жалғасады.

VII кезең — Капитандар сайысы

Тапсырмалар

Сурет салу.
Гантель көтеру.
Сұрақтарға жауап беру.

Сұрақтар

1) ХХХ жазғы Олимпиада ойындары қай қалада өтті?

Жауабы: Лондон.
2) Қазақстан қоржынына алғашқы алтын медальді кім әкелді?

Жауабы: А. Винокуров.
3) ХХХ жазғы Олимпиада ойындарында Қазақстан қанша медаль алды?

Жауабы: 13 медаль.

VIII кезең — Қаппен секіру

Қатысушы екі аяғына қап киіп, белгіленген бағыт бойынша алға секіреді.

IX кезең — Арқан тартыс

Екі құрама ортаға шығып арқан тартысады. Жеңімпаз келесі құрамамен күш сынасады.

Қорытынды және марапаттау

Сайыс аяқталған соң ұпайлар есептеледі.
Спорттық биден көрініс көрсетіледі.
Марапаттау рәсімі өткізіледі.