Жол белгілерін қаншалықты меңгергендіктерін тексеру
Тәрбие сағаты
Тақырыбы
«Көше ережесін білесің бе?»
Мақсаты
- Жол ережелері туралы білімді тереңдету және жүйелеу.
- Жол қауіпсіздігі арқылы адамгершілікке, ұстамдылыққа, әдептілікке тәрбиелеу.
Көрнекілігі
Көше көрінісі бейнеленген суреттер, жол белгілері, бағдаршам.
Форматы
Сұрақ-жауап, тақпақтар, ән, жұмбақтар, ойын және көрініс.
Кіріспе
Құрметті оқушылар, құрметті ұстаздар! Бәрімізге ортақ әрі күнделікті өмірімізбен тығыз байланысты тақырыпқа назар аударайық. Көшеде қауіпсіз жүру мәдениеті — жауапкершілік пен тәртіптің айқын көрінісі. Бүгінгі «Көше ережесін білесің бе?» атты тәрбие сағатымызды бастаймыз.
Сұрақ-жауап
- Тақтадағы суретке назар аударайық. Мұнда не бейнеленген?
- Көшеде қандай нысандар бар?
- Бағдаршам бізге не үшін керек?
Бағдаршам — біздің сенімді әрі қайырымды досымыз. Қауіпсіздік үшін бәріміз оған бағынуымыз керек.
Бағдаршам туралы тақпақтар
1-оқушы
Бағдаршам — сенімді, Сүйетін серігің. Сүйсең туған жеріңді, Сыйламайды сені кім?
2-оқушы
Жанса көзі жасыл — Жолың айдай ашық. Жүре бергін батыл, Керегі жоқ сасып.
3-оқушы
Сары көзі жанса, Сен мынаны аңғар: Тұрып қалмай онша, Қозғалуға қамдан.
4-оқушы
Қызыл көзі жанса, Мейлі көлік жоқта, Жанғанша қақ тұрып, Қыбыр етпе, тоқта.
5-оқушы
Бағдаршам тіліне Бағынбауға болмайды. Тас қып байлап түбіне Жазалайды ондайды.
6-оқушы
Оң жақ жасыл жанғанда — Оңға бұрыл дегені. Сол жақ жасыл жанғанда — Солға бұрыл дегені.
7-оқушы
Жасыл сәуле жанғанда — Жол ашық деп біле бер. Жасқанба да, алданба — Жайраң қағып, жүре бер.
Ән
Келесі кезекте: «Жол жыры» әні.
Талқылау сұрақтары
- Бағдаршам жоқ жерде көшеден қалай қауіпсіз өтуге болады?
- Көшеде бағдаршамнан басқа қандай нысандар болады?
- Жол белгілерінің қандай түрлерін білесіңдер?
- Жол белгілері неше топқа бөлінеді?
Жол белгілері: тақпақтар және негізгі топтар
8-оқушы
Көшелердің, бульвардың У-да шу шетінен Өткейсің тротуардың Тек қана оң жақ шетімен.
9-оқушы
Бейбастық болма бекерге, Кездесер алдан көп қой сын. Қиылыстан әрбір өтерде Айналаңа қара, абай бол!
10-оқушы
Үлкен болдым десем де, Ешкім маған сенбейді. Жалғыз жүрме көшеде — Кішкентайсың сен дейді.
11-оқушы
Үлкенмін ғой, міне мен, Ойыншықтарды жинаймын. Машинама мінер ем — Кабинасына сыймаймын.
Жол белгілерінің 4 тобы
Сақтандыру белгісі
ҮшбұрышҚып-қызыл үшбұрыш — ескерту белгісі. «Қауіптен сақ бол» деп алдын ала хабар береді. Оны сақтаған жаяу жүргінші де, жүргізуші де аман-сау болады.
Тыйым салу белгісі
Қызыл шеңберҚызылмен жиектелген шеңбер — тыйым салу белгісі. «Бұл жерде жүруге болмайды» дегенді білдіреді. Қауіпті аймақты көрсетіп, тәртіпке шақырады.
Міндеттеу белгісі
Бағыт/әрекетМіндеттеу белгілері нақты талап қояды: жылдамдық, бағыт, міндетті бұрылыс сияқты ережелерді көрсетеді. Оны орындамау — қауіпке әкелуі мүмкін.
Нұсқау белгісі
Көк төртбұрышНұсқау белгілері жол көрсетеді: бағытты, аялдаманы, қызмет нүктелерін білдіреді. Көбіне көк түсті төртбұрыш түрінде кездеседі және күндіз-түні жақсы көрінеді.
12-оқушы (қорытынды тақпақ)
Тұрамын көшенің қиылысында тұрақтап, Қашпаймын мүдіріп ешқандай сұрақтан. Белгісі жолдардың төрт топтан тұрады, Жарқырап көрінер түнде де жырақтан.
Транспорт түрлері: жұмбақтар
Енді қандай транспорт түрлерін білетінімізді тексерейік. Транспортқа байланысты жұмбақтарды шешіп көрейік.
Жұмбақ 1
Төрт аяғы домалақ, адамсыз ол жүрмейді.
Жауабы: көлік
Жұмбақ 2
Өзі тым күшті, аяғы тісті. Лезде тындырар қыруар істі.
Жауабы: трактор
Жұмбақ 3
Шабысқа тәулік бойы төзе алады. Бір тұлпар, жаңылмайтын жорғасы бар.
Жауабы: трамвай
Жұмбақ 4
Жоқ өзінде бас та, ауыз да, құлақ та, бақырайған үш көзі бар бірақта.
Жауабы: бағдаршам
Жұмбақ 5
Сөйлеуді ол білмейді, бірақ «тоқта», «жүр» дейді.
Жауабы: бағдаршам
Көрініс және ортақ тәртіп
Шуақты өміріміз күндей күліп, Жүректе бүршік атып, гүлдейді үміт. Арманға сапар тарту мүмкін емес — Жол жүру ережесін білмей тұрып. Қай көшеге, қай қалаға барсаңыз да, Қай ақыл өлшеміне салсаңыз да, Жол жүру ережесі — қатал тәртіп, Ол — ортақ, үлкен-кіші бәрімізге.
Ойын: «Кім жылдам?»
Шарты
Көрсетілген жол белгілерінің атауын жылдам әрі дұрыс айту.
Мақсаты
Жол белгілерін қаншалықты меңгергендеріңді тексеру.
Қорытынды
Ата-анаңыз сіздердің аман-сау, тәртіпті болғандарыңызды қалайды. Сондықтан келесі кезекте «Әрқашан күн сөнбесін» әнін айтайық.
Осы тәрбие сағаты арқылы жолда және көшеде қалай дұрыс әрі қауіпсіз жүру керектігін үйрендіңдер деп сенемін. Енді көшеде, әсіресе жол қиылыстарында, жол жүру ережесін қатаң сақтаңдар.
Тәрбие сағаты аяқталды.