Қыс пен көктемнің алмасар уақыты

Көктемнің келуі

Көктем келгенде табиғат оянады: қыстың қары еріп, құстар жылы жақтан оралады. Ағаштар бүршік жарып, гүлдей бастайды. Содан бері талай көктем келіп-кетті. Әр көктем — ерекше, керемет, сыры таусылмас тылсым.

Әсіресе қызығы — көктем алды мезгіл, қыс пен көктемнің алмасар шағы. Бұл уақыт маған бір-бірін сыңғырлап күлгендей қуалай ойнаған балаларды еске салады: біресе қыс қайта көрінеді, біресе жылы көктемнің лебі сезіледі. Ақыры қыс шаршап тынады да, көктем жадырап келеді.

Табиғаттың жаңаруы

Көктем және жаңа белестер

Табиғаттағы құбылыс пен ішкі сезімнің үндесуі де байқалады. Көктем қалай жаңа күндердің басталуын білдірсе, өмірде де ол жаңа белеске бет бұрудың, жаңа беттің ашылуының, бір кезеңнің алмасуының белгісі сияқты. Екеуі де адамды қобалжытады, асықтырады, тағатсыздыққа жетелейді.

Көктем мерекелері

Көктем айларында көптеген мерекелер аталып өтеді. Соның бірі — Наурыз мерекесі. Бұл мереке қазақ елінің жаңа жылы болып саналады. Сондай-ақ көктемде ерекше аталып өтетін тағы бір мереке — Аналар мерекесі.

Неге көктемді жақсы көремін?

Бір жылда төрт жыл мезгілі бар: жаз, күз, көктем, қыс. Әр мезгілдің өз ерекшелігі болады. Солардың ішінде маған ұнайтыны — көктем. Себебі күн жылына бастағанда біз мектеп ауласын тазалаймыз, қалалық сенбілікке қатысып, өз ауылымыздың да көркеюіне үлес қосамыз. Ағаш отырғызамыз, түрлі гүлдер егеміз.

Ендеше әрбіріміз өз қаламыз бен мектебімізді, ауылымызды көгертуге атсалыссақ — нұр үстіне нұр болары сөзсіз.