Әліппе - білім бесігі

Тақырыбы: Әліппе - білім бесігі.
Мақсаты: білімнің бастауы болған Әліппеден үйренгендерін тиянақтау, өнерлерін тамашалау; білімдерің артып сөз байлығының молайғанын, саналарының өскенін көрсету; Отанын, мектебін, ұстаздарын, ата - аналарын құрметтеуге тәрбиелеу.
Көрнекілігі: шарлар, Әліппе, Ана тілі математика оқулықтарының макеті.

Ертеңгіліктің барысы:
1 - Ұйымдастыру кезеңі.
2 - Негізгі бөлім
Сонымен бүгінгі қуанышты мерекеміз Әліппе – білім бесігі атты ертеңгілігімізді ашық деп жариялаймыз.
1 - оқушы:
Өлшеулі ар - намысы халқымыздың
Қорғаны адамдықпен - салтымыздың
Армысыздар аяулы ұстаздарым.
Сенері сіздерсіздер халқымыздың.
2 - оқушы:
Өмір берер ертеңгі бағаларын
Әліппемен қоштаспақшы балаларың,
Халқыма ұрпақ берген өмір берген
Қош келдің ата - әке, әжелер мен аналарым.
3 - оқушы:
Құрметті ұстаздар мен ата - аналар
Кез келді сіздерден ақ бата алар
Ұл - қыздарын көрсетпекші өнерлерін
Бар қауым таңдана таңдай қағар.
4 - оқушы:
Бүкіл қазақ баласы дәріптеген
Қоштаспақпыз сүйікті Әліппемен
Ризамыз бәрімізді таныстырған
Сөз бен дыбыс әр түрлі әріптермен
5 – оқушы:
Міне біз бүгін барлық ғылымның атасы, біздің болашағымыздың негізі - Әліппені бітіріп отырмыз.
6 - оқушы:
Біз бүгін шексіз қуаныштымыз.
Өйткені алғаш хат танытып,
Сауатымызды ашқан сүйікті Әліппемізді бітірдік.
7 - оқушы:
Біздер көп нәрсе үйрендік - кітап оқуды, өлең жаттауды, сурет салуды, есеп шығаруды.
8 - оқушы:
Мен енді өзім – ақ оқып жаза аламын. Ертегі әңгімелерді өз бетімен оқитын болдым.
Мұғалім: Ортаға, Әліппені шақырайық!
Хормен: Әліппе! Әліппе! Әліппе!
Әліппе:
Армысыздар жас достар,
Болашаққа жол бастар
Армысыз, ата - аналар,
Болашаққа жол бастар
Әліппен келді ортаға,
Менің атым Әліппе
Мені анандай дәріпте,
Мені оқып ер жеткен,
Ағаң сенің әпкең де.