Достық торы тренингіТренинг сөзі - жалпы жаттығу деген мағынаны білдіреді
Тренинг туралы
«Тренинг» сөзі жалпы алғанда жаттығу деген мағынаны білдіреді. Тренинг барысында әртүрлі мәселелер талқыланып, тәжірибе арқылы шешімдер табуға мүмкіндік беріледі.
Мақсаты
- Көңіл күйді көтеру.
- Сезім мен эмоцияны реттеу.
- Ойдың икемділігін және тапқырлығын дамыту.
- Қарым-қатынастың түрлі әдіс-тәсілдерін меңгерту.
Қажетті құралдар
- Оралған жіп.
- Смайликтер (эмоция бейнелері).
- Ноутбук.
- Ақ парақ.
- Қалам.
1-тренинг
«Достық торы»
Нұсқау
Қатысушылар бір-біріне жіп лақтыру арқылы келесі адамға жылы тілектерін айтады. Жіп әр адамның қолына өткен сайын «достық торы» қалыптасады.
Мысал
«Мен сізге ашық аспан тілеймін!»
2-тренинг
«Ұқсастықты тап»
Нұсқау
Қатысушылар жанындағы адамға оның өмірде белгілі бір танымал тұлғаға ұқсайтынын айтып, ойын түрінде жалғастырады. Мақсат — байқағыштық пен еркін қарым-қатынасты дамыту.
Мысал
«Мен сізді белгілі тележүргізуші Ләззат Танысбайға ұқсатсам, демек сіз де сондай...»
3-тренинг
«Сенімді, сенімсіз, ашулы жауап»
Жағдаят
Досыңыз сізден алған қарызын қайтармай жүр. Осындай жағдайда сіз қандай жауап берер едіңіз?
Нұсқау
Қатысушылар 3 топқа бөлінеді. Әр топтан бір адам шығып, конверт таңдайды. Конверт ішіндегі смайликке сәйкес, сол топ кейіпке еніп (сенімді, сенімсіз немесе ашулы) жауап нұсқасын сахналайды.
Нәтиже
- Эмоцияны басқару дағдысы артады.
- Сенімді сөйлесу қалыптасады.
- Қиын әңгімені мәдени түрде жүргізу үйретіледі.
4-тренинг
«Бинго»
Нұсқау
Қағазда жазылған пікірлер мен тұжырымдар бойынша қатысушылар белгі қойып отырады. Ережеге сай нәтижені бірінші болып толықтырған адам немесе топ жеңімпаз атанады.
Назар
Бұл бөлім сергітуге, ойынды жылдамдатуға және топтық қарым-қатынасты күшейтуге бағытталған.
Қорытынды
«Рахмет» тренингі
Нұсқау
Қатысушылар орындарынан тұрады. Сол алақанға тренингке келер алдындағы сезімдерін, ал оң алақанға бүгінгі тренингтен алған әсерлерін «салып» елестетеді. Содан кейін екі қолын жоғары көтеріп, көтеріңкі көңіл күймен өз-өзімізге 3 рет қол шапалақтаймыз.
Мағынасы
Бұл жаттығу қатысушыларға өз күйін байқауға, жағымды әсерді бекітуге және тренингті жылы ықыласпен аяқтауға көмектеседі.