Ертең аптаның қай күні
Сабақ туралы қысқаша мәлімет
Сабақтың тақырыбы
«Дос іздеген бота»
Сабақтың түрі
Ашық сабақ
Әдіс-тәсілдер
Сұрақ-жауап, көрнекілікпен жұмыс, ойын элементтері, хормен және жеке қайталау.
Көрнекіліктер
- Үй жануарлары мен төлдерінің суреттері
- Интерактивті тақтадағы слайдтар
Сабақтың мақсаты
Білімділік
Үй жануарлары туралы білімдерін тексеру және бекіту.
Тәрбиелік
Үй жануарларына сүйіспеншілік пен қамқорлық сезімін ояту.
Дамытушылық
Ауызша сауаттылықты арттыру, сурет арқылы сөйлеу тілін дамыту, сөздік қорды молайту.
Сабақтың барысы
I. Ұйымдастыру кезеңі
Сәлемдесу. Қонақтарға жылы лебіз білдіру және сабаққа көңіл күйді даярлау.
Шаттық шеңбері / ұран
Біз білімді баламыз,
Күнде бестік аламыз.
Жалқаулықты тастаймыз,
Жаңа сабақ бастаймыз.
Біз он бес баламыз.
Бүгін неше аламыз?
Бір — керегі жоқ,
Екі — керегі жоқ,
Үш — керегі жоқ,
Төрт — орташа,
Бес — ТАМАША!
Жылдам сұрақтар
- Қазір қандай сабақ?
- Қазақ тілі нешінші сабақ?
- Бүгін аптаның қай күні? Ертең ше?
- Апта күндері мен демалыс күндерін ата.
- Қазір жылдың қай мезгілі? Күз айларын ата.
- Күзде не жауады?
- Сенің досың бар ма? Оның аты кім? Ол қандай?
Еске түсіру: жіктеу есімдіктері (мысалдар)
Я
умный.
Ты
сильный.
Она
красивая.
Жетелеуші сұрақ: «Сенің досың қандай?»
II. Өткен тақырыптарды қайталау
Суреттер арқылы «Мынау не?» сұрағына жауап беру.
Тапсырма:
- Үй жануарларын төлдерімен бірге атау.
- Суреттер ішінен түйенің ботасының суреті неге жоқ? Ол қайда болуы мүмкін?
III. «Ғажайып сәт»: бота дос іздейді
Есік қағылады. Сыныпқа бота келеді — ол өзіне дос іздеп жүр.
Ертегі желісі
Ерте, ерте, ертеде боталы түйе болыпты. Түйе ботасына: «Боташым, мен саған жақсы достан басқасының бәрін бердім. Енді өзіңе ұқсайтын дос тап. Доссыз өмір қиын әрі қызық емес», — депті.
IV. Сөздік жұмысы
Жаңа сөздерді алдымен хормен, кейін жеке-жеке қайталау.
Өмір
жизнь
Қиын
трудно
Қызық емес
не интересно
Сөз тіркестері:
- Доссыз өмір
- Доссыз қиын
Ботаның жолы: кездесулер мен тапсырмалар
Ботаның әні
Бота, бота, ботамын,
Ақылды боп атандым.
Тостағандай көзім,
Әдемімін өзім.
Кездесу 1: лақ пен қозы
Бота лақ пен қозыға жолығып, дос болғысы келетінін айтады. Олар: «Бізбен дос болғың келсе, біз туралы тақпақ айтып бер», — дейді.
1-тапсырма: тақпақ
Қозы туралы
Қошақаны қойдың,
Қайда қалып қойдың?
Бұлтиып тұр бүйірің,
Қай өрістен тойдың?
Лақ туралы
Шөре, шөре, лағым,
Секеңдеме, шырағым.
Тентек болма, деміңді ал,
Селтеңдемей құлағың.
Нәтиже: «Рахмет, енді біз сенімен доспыз!»
Кездесу 2: ит
Ит ботадан таныс сөздерді тауып, дауыстап оқуды сұрайды. Оқушылар көмектеседі.
2-тапсырма: сөзжұмбақ
- «Жылқы», «ешкі», «қой», «ит» сияқты сөздерді табу.
- Оқу және аудару.
V. Сергіту сәті
Құлын, құлыншақ,
Желкілдейді тұлымшақ.
Маңдайында жұлдызы,
Құйрығында құндызы.
Кездесу 3: әтеш
Әтеш ботадан дәптермен жұмыс жасауды өтінеді.
Дәптермен жұмыс
- Төлдердің атауларын жазу.
- Бір оқушы тақтада жазады, қалғандары дәптерде орындайды.
Кездесу 4: ара
Ара: «Суреттегі сандарды сөйлет. Сонда мен сені шақпаймын», — дейді.
Тапсырма
Суреттегі сандарға сүйеніп сөйлем құрау (сан есімдерді қолданып айту).
VI. Сабақты қорытындылау
Бота түйеге қайта келеді.
Қорытынды диалог
Түйе: «Дос таптың ба, ботам?»
Бота: «Иә, мен жақсы достар таптым.»
Талқылау сұрақтары
- Біз бүгін не туралы әңгімелестік?
- Бота дос іздеп қайда барды?
- Ол жолда нелерді кездестірді?
- Қандай кедергілерден өтті?
VII. Әнмен бекіту
«Бізбен дос» әні
Бізбен дос, бізбен дос,
Бірге, бірге,
Кел қосыл, кел қосыл,
Әнге, әнге.
Дәл сонда, дәл сонда,
Күнде, күнде,
Күлімдейді күн де бізге!
VIII–IX. Үй тапсырмасы, бағалау және сабақты аяқтау
Үй тапсырмасы
Мұғалімнің нұсқауына сәйкес үй тапсырмасын беру.
Бағалау
Оқушылардың тапсырмаларға қатысуы, жауаптарының толықтығы және сөйлеу белсенділігі бойынша бағалау.
Аяқтау
Сабақты қорытындылап, оқушылармен қоштасу.